Yobu 28:1-28
28 “Hane aho bakatakula efeza*N’aho bakatakula ehoro eyo bakeraya;
2 Ekyuma kikalusibawa omo kitaka,N’ekwivre* ikanunibawa* erilua omo mabwe.
3 Omundu akakinda omwirimya;Akasonda-sonda erihika hali omo nyahinda n’omo mwirimya,Akasondya amabwe w’obughuli.*
4 Akatakula ekyuna kiri-kiri ahali amabwe w’obughuli hali oko bandu,Omo myanya eyabiribiriranwa, hali oko eyo abandu bakalaba;Abalume balebe bakandaghalirayo ibanalelembire oko lukoba.
5 Akalyo kakalasa oko kitaka kw’endata;Nikwa eyikwa, ikinemubindingulwa nga kikabindingulawa n’omuliro.*
6 Amabwe wayo alimo eyakuti,N’omo lututu lwayo muli ehoro.
7 Sihali enyunyu eyikahigha eyasi enzira eyikahikayo;Eriso ly’akasara akakinire siririryatalangira enzira eyo.
8 Sihali enyama y’amaka eyabirilaba muyo;Omusuko w’endale* syalyatalabayo.
9 Omundu akayikaya oko mabwe awakala-kalire,*Akabindingula ebitwa oko ndina yabyo.
10 Akakitaya emighende omo lukuka;Ameso wiwe akalangira obuli kindu ky’obughuli.
11 Akakyika esyongununuko sy’esyonyusiN’ekibisamire eriletakyo omo kyakakala.
12 Nikwa amenge—angasungika hayi,N’ahali enzuko y’obowika ni hayi?
13 Sihali omundu oyukaminya obughuli bwagho,Kandi syangasungika omo kihugho ky’abaliho.
14 Omutobero w’amaghetse akabugha ati, ‘Syali emwisi syaghe!’
N’engetse ikabugha yiti, ‘Si ngye niri nagho!’
15 Ehoro eyerire siyangaghulagho;Kutse siwangalenga efeza* erihinganiagho.
16 Syangaghulwa omo horo ye OfiriKutse nibya omo mabwe w’obughuli bunene kutsibu* awe Oniksi ne Yakuti.
17 Ehoro n’ebiraghuli sibyangalingiriranibwa nagho;Kutse erihinganibwa n’ekibindi ky’ehoro eyuwene* kutsibu.
18 Ekarali ne kristale sibyangahulwa nibya,Kusangwa engunza eyoswiremo amengeYilengire kutsibu engunza eyoswiremo elulu.
19 Etopazi ye Kusi siyangalingiriranibwa nagho;Nibya n’ehoro eyerire siyangaghulagho.
20 Nikwa amenge akalua hayi,N’enzuko y’obowika yiri hayi?
21 Abiribiswa oko meso w’obuli kindu ekirihoN’eribiswa oko syonyunyu sy’omo kyanya.
22 Eriherya n’oluholo biti,‘Amatwi wetu abiryowa engulu yagho nyisa.’
23 OMungu musa yo wasi enzira y’eribanagho;Iye musa yunasi aho angabanika,
24 Kusangwa akalangira erihika oko syonduli sy’ekihugho,Kandi akalangira ebyosi ebiri eyikwa w’ekyanya.
25 Omughulu alenga amaka* w’erihungaN’erilenga amaghetse,
26 Omughulu ahiraho omughambo busana n’embulaN’enzira busana n’ekihunga ky’ebitu ekirimo emilumo n’ehirabyo,
27 Neryo mwalangira amenge n’eryowisyagho;Mwahira w’oho n’erilengagho.
28 Neryo mwabwira abandu ati:
‘Mulebaye! Eryubaha Yehova—ayo wa menge,N’eriyihighula oko kibi obo bo bowika.’”
Amaelezo awehikwa
^ Ni kindu ky’obughuli ekikalua omo kitaka.
^ Kutse “omulinga.”
^ Kinywa kwa kinywa, “ikutulawa.”
^ Kinywa kwa kinywa, “eribwe.”
^ Alinga bakahula ebikakoleka omughulu abandu bakatakula amabwe w’obughuli.
^ Kutse “w’esimba.”
^ Kutse “amabwe w’omutwero.”
^ Ni kindu ky’obughuli ekikalua omo kitaka.
^ Kutse “amabwe awatebanika kutsibu.”
^ Kutse “eyitukwire.”
^ Kutse “obulito.”
