Yobu 3:1-26
3 Enyuma sy’emyatsi eyi, Yobu mwatsuka eribugha n’eritakira ekiro ekyo abutawamo.*
2 Yobu mwabugha ati:
3 “Omusibo ogho nabutawamo aheribawe,Kutya n’ekiro omundu abugha omo kiro ati: ‘Obukule obwabirihekwa bukendisyaluamo omulume!’
4 Ekiro ekyo kibye mwirimya.
OMungu oyuli endata syatsomanekyo;Ekyakakala isikyakoleraya kukyo.
5 Omwirimya* w’enyahinda ayimirayekyo.
Ekitu ky’embula kiswikekyo.
Ekyosi-kyosi ekikaleta omwirimya omo musibo kyubahisayekyo.
6 Ekiro ky’ekiro ekyo omwirimya ayimirayekyo;Isikyatsema omo biro by’omwaka,Kandi isikingira omo mighanzo y’emisi.
7 Inga! Ekiro ky’ekiro ekyo kibye kighumba;Omulenge w’obutseme isyowibawa mukyo.
8 Abakatakira omusibo batakirekyo,Abangatoka eriibukya Eleviatani.*
9 Esyongununu syakyo sy’erigholo-gholo sihumbere;Ekiro ekyo kilindirire ekyakakala aliwe isikyabanakyo,Kandi isikyalangira emisalali y’emitsange.
10 Kusangwa mukitaliba emilango y’enda ya mama waghe;Kutse eribisa ameso waghe oko bulighe.
11 Ekyaleka indalw’inahola ngabutwa niki?
Ekyaleka indabuliraho nabilua omo nda niki?
12 Busanaki muhabya amarwi awakanyangirira?
N’amabere w’erininyonyesya?*
13 Kusangwa lino, nga ninalambamire butsira lukanda;Nga ninaghotsere n’eriyiluhukira
14 Haghuma n’abami b’ekihugho n’abahani babo,Abayihimbira amanyumba, aliwe awali lino bisambukalirya,*
15 Kutse haghuma n’abanya-mwami ababya bawite oko horo,Abusulaya omo manyumba wabo mw’efeza.*
16 Kutse busanaki munitabya ng’eritesya* eriteminyawa,Ng’abana abate batalola oko kyakakala?
17 Eyo, nibya n’ababi babirileka erikenderya;Eyo abaluhire bakaluhuka.
18 Eyo abandu b’omuliki bakaluhuka haghuma;Sibalyowa omulenge w’omundu oyukabakasa erikola omubiiri.
19 Eyo abake-bake n’abakulu-bakulu balingirirene,N’omukobe ali bwiranda oko mukama wiwe.
20 Busanaki akaha oyukaghalawa y’ekyakakalaN’eriha abali omo bulighe* obukalire b’engebe?
21 Busanaki bakayitsutsa oluholo aliwe ilutasa?
Bakatakula kutsibu bakarondaloKulenga ngoko bangatakula bakarondya ebindu by’obughuli ebibisire,
22 Abakatsema kutsibu,Abakatsema omughulu bakabana eyisinda.
23 Busanaki akaha omundu oyo wabirihera oko nzira y’ekyakakala,Omundu oyo oMungu abirikakirya omo luba oko mbande syosi?
24 Kusangwa omo mwanya w’erirya akalyo kaghe erisimba ryo rikasa,N’erisimba lyaghe rikutika ng’amaghetse.
25 Kusangwa ekindu ekyo nabya ngubaha kyabirimbikako,N’ekindu ekyo nabya ngasagha kyabirinihikira.
26 Siniwite buholo, siniri ndeke, sinitulere,Nikwa obulighe ko bune mwasa.”
Amaelezo awehikwa
^ Kinywa kwa kinywa, “eritakira ekiro kiwe.”
^ Kutse “omwirimya n’ekitsutsu ekyangaleta oluholo.”
^ Erina eri rikabya nga likahula amamba kutse enyama nyilebe nene ey’omo ngetse.
^ Kutse “w’erinyongya.”
^ Kutse alinga, “abayihimbira ebihuma.”
^ Ni kindu ky’obughuli ekikalua omo kitaka.
^ Kutse “busanaki munitabya ng’obukule obukaluamo.”
^ Kutse “obuyingo obukalihire.”