Yobu 30:1-31
30 “Nikwa lino bakanisekereraya—Abalume abalere okw’ingye,Abo nabya isinangalighira abobaba wabo eribya haghuma n’esyombwaEsikatsunga ekihyo kyaghe.
2 Amaka w’ebyala byabo abya akanighasiraki?
Amaka wabo abirihwa.
3 Babiriluha busana n’enzala n’eribula ebindu;Bakakeregheta ekitaka ekyumireEkyabiritsandibwa n’erilekwa.
4 Bakasondekanaya ebiti by’omunyu omo kisuki;Emirihi y’omuretemu ka kalyo kabo.
5 Bakahighawa erilua ahali abandu;Abandu bakuta obwogho ngoko bakanahira* omwibi.
6 Bikere oko mandaghala w’emisya,*Omo byuna by’omo kitaka n’omo mabwe.
7 Bakalakira omo bisakaBakayihindanaya haghuma omo kyatsinge.*
8 Kundi ni bana b’abakiru n’abatasibwe mena,Babirihiwa* omo kihugho.
9 Nikwa lino bakaniseka nibya omo syonyimbo syabo;Nabiribya kindu ekighonerwe* okw’ibo.
10 Bakanikwa esyonye kandi sibaliseghera hakuhi naghe;Sibalisagha eritwira omo busu bwaghe mw’amatandi.
11 Kundi oMungu abirinisaghula amaka waghe* n’erinikehya,Bakakola ekyosi-kyosi ekyo banzire* embere syaghe.
12 Bakahangana oko luhande lwaghe lw’amali mo kikumula erilwa naghe;BakanitibitayaKandi bakahira omo nzira yaghe mw’ebikakiryo ebikaheraya.
13 Bakatsandaya esyonzira syagheN’erikanyirirya obuligho bwaghe,Isihali oyukakakirayabo.*
14 Bakasa ng’abandu abakalaba omo kyuna kinene eky’omo luhimbo;Bakalw’ibakumukalira ahanemutsandibwa.
15 Eryubahya rikanibundamiraya;Olukengerwa lwaghe lwabiribulirana ng’ekindu ekikaghulukibawa omw’ihunga,N’omulamo waghe akabulirana ng’ekihohe.
16 Lino obuyingo* bwaghe bunemunikehamo;Ebiro by’erinuba bikanihamba.
17 Omo kiro obulumi bukatobongola amakuha* waghe;Amaghali syalyumbaya erinikoroghota.
18 Olukimba lwaghe lukahinduka* busana n’amaka manene;Akanighatsula ng’ekibuko* ky’olukimba lwaghe,
19 OMungu abirinighusa omo londo;Nabiribya lututu n’eribu.
20 Ngakulakira niti ungwatikaye, nikwa sighulinyisubiraya;Ngahangana, nikwa iwanyitungerera buyira.
21 Wabirinibindukira omo bukatsu;Ukayikaya okw’ingye omo maka wosi w’ebyala byaghu.
22 Ukanisumba n’eriniheka omw’ihunga;Neryo iwanihungya-hungya omo kihunga.*
23 Kusangwa ninasi ngoko ukendinileta oko luholo,Omo nyumba eyo abosi abaliho bakendisyeghania.
24 Nikwa sihali omundu oyo wangahunzaOmundu oyubunikire omo mutima*Inianemuyilakirako akasaba obuwatikya omo mughulu w’amaghali wiwe.
25 Sinitalira busana n’abali omo mighulu eyikalire?*
Kandi sinitakwa obulighe* busana n’abera kwehi?
26 Nomo ebibuya byo nabya ngalindirira, aliwe ebibi byo byasa;Nabya ngalindirira ekyakakala, aliwe omwirimya mwasa.
27 Enda ikabulunganaya butsira eryumbya;Ebiro by’amaghali byabirinihikira.
28 Ngalendera ininasusumene; sihali omwisi.
Ngahangana omo ndeko, n’erilaka ngasaba obuwatikya.
29 Nabiribya mughala w’abo syombiti*Kandi nabiribya oyukasiba n’abali b’esyombuni*
30 Engoba yaghe yabiritumba n’eriyikokola;Amakuha waghe akahya omo kihuhania*
31 Enanga yaghe ikakolesibawa busana n’ekiriro kisa,N’enyabulere* yaghe busana n’omulenge w’erilira.
Amaelezo awehikwa
^ Kutse “ngoko bakanabughaya olukanda busana n’omwibi.”
^ Kutse “emisya eyikumamo amaghetse.”
^ Kutse “akasosonia.”
^ Kinywa kwa kinywa, “babirinyambibwa.”
^ Kinywa kwa kinywa, “omusyo; akasimo.”
^ Kinywa kwa kinywa, “abirileya-leya omukoba w’oko buta bwaghe.”
^ Kinywa kwa kinywa, “bakalusaya akuma akakaboherawa oko lukoba busana n’erisondola enyama.”
^ Kutse alinga, “isihali owosi-wosi oyukawatikayabo.”
^ Kutse “enafsi.”
^ Kinywa kwa kinywa, “amakuha waghe akasorongotawa.”
^ Kutse alinga, “amaghali waghe manene akanihindula.”
^ Kutse “ekole.”
^ Kutse alinga, “neryo iwanihwerekererya omo kihunga ekikalire.”
^ Kinywa kwa kinywa, “ekilundo ky’ebisambukalirya.”
^ Kutse “abali omo kiro ky’obuhanya.”
^ Kutse “ekirimu kyaghe sikitakwira obulighe.”
^ Kutse “omwondo.”
^ Kutse “e autriche.”
^ Kutse alinga, “erihuhana ly’omubiri.”
^ Kutse “erirenga.”
