Yobu 32:1-22
32 Neryo abalume basatu aba mubumbya eritasyasubirya Yobu, kusangwa abya ayilighire ko ni mutunganene.*
2 Aliwe Elihu mughala wa Barakeli Omubuzi ow’omo kihanda kya Ramu mwahitana kutsibu. Erihitana liwe mulyaghulumira oko Yobu kusangwa iye mwasonda eriyikangania* ko ni mutunganene, butsira oMungu.
3 Mwahitana kutsibu n’oko bira basatu ba Yobu kusangwa mubatabana eky’erisubirya; nikwa mubabugha bati oMungu yuliko olubanza.
4 Elihu mwatasubirya Yobu yo luba-luba, kusangwa abalume abo babya bakulu kumulenga.
5 Elihu mwabya abilangira ngoko abalume basatu abo sibakiwite eky’erisubirya, erihitana riwe mulyaghulumira.
6 Neryo Elihu mughala wa Barakeli Omubuzi, mwatsuka eribugha. Mwabugha ati:
“Indi mulwana*Nenyu muli balume abakulire.
Neryo busana n’eribasikya,Mungayikakiraya.
Kandi munditasondaEribabwira ebyo nyasi.
7 Nilue ngayibwira omo malengekania niti,‘Olubu* lubugheN’obungyi bw’emyaka butulaghanaye amenge.’
8 Aliwe, ekirimu ekiri omo bandu,Omuka w’Omutoki w’Ebyosi, w’akahabo obwenge.
9 Olubu lusa* lo luteleka omundu iniabya w’amenge,Kutse si ba bakulire basa bo bakaminya ekibuya.
10 Neryo ngabugha niti, ‘Munihulikirire,Naghe ngendibabwira ekyo nyasi.’
11 Mulebaye! Mungalindirira mukabugha;Mungahulikirira mukateka amalengekania wenyu,Mukasonda-sonda eby’eribugha.
12 Mungabategha amatwi,Aliwe sihali n’omughuma w’okw’inywe,Oyulyatoka erikangania obubi bwa YobuKutse erisubirya oko binywa biwe.
13 Okw’ekyo isimwabugha muti, ‘Twabiribana amenge;OMungu yukaghanaya ebinywa biwe, butsira omundu.’
14 Mwatitaniloleryako ebinywa biwe,Neryo sinendikolesya ebinywa byenyu ngamusubirya.
15 Abalume aba, bakukubere, sibakiwite eky’erisubirya;Sibakiwite ekyo bangabugha.
16 Mungalindirira, aliwe mubatitasyalolya omukania w’embere;Banahaghalere aho ho buyira, sibakiwite ekindi ekyo bangasubirya.
17 Neryo naghe ngendisubirya;Ngendibugha ebyo nyasi,
18 Kusangwa nyoswire n’ebinywa;Ekirimu ekiri omw’ingye, kikanikuna eribugha.
19 Emwisi, nyiri ng’edivai eyitawite ah’erihumulira,Ng’ebindu by’engobi bihya-bihya by’edivai ebikasonda eritulika.
20 Muleke nibughe, nitoke erihumula!
Ngendikumbula eminywa yaghe, neryo inasubirya.
21 Sinendilabirirya omundu wosi-wosi;Kutse eripipa-pipa* omundu wosi-wosi,
22 Kusangwa sinyasi eripipa-pipa omundu;Namabikola nitya, Omuhangyiki waghe inyakendilw’inyanibughaho.
Amaelezo awehikwa
^ Kutse “kusangwa abya mutunganene omo meso wiwe.”
^ Kutse “erikangania enafsi yiwe.”
^ Kinywa kwa kinywa, “muke omo biro.”
^ Kinywa kwa kinywa, “ebiro.”
^ Kutse “ebiro bingyi bisa.”
^ Kutse “eriha omundu y’erina ry’olukengerwa.”
