Yobu 33:1-33
33 Nikwa lino, Yobu, ngakusaba uhulikirire ebinywa byaghe;Uhulikirire obuli mwatsi ogho ngendibugha.
2 Lebaya! Litolere inakumbula obuno bwaghe;Litolere olulimi lwaghe* ilwabugha.
3 Ebinywa byaghe bikatula eritunganene ly’omutima waghe,N’eminywa yaghe ikakanaya omo kwenene ebyo nyasi.
4 Ekirimu ky’oMungu kyo kyanibumba,N’omuka w’Omutoki w’Ebyosi wo waniha engebe.
5 Unisubiraye, wamabya iwanganatoka;Uteke amalengekania waghu embere syaghe; uyitegheke.
6 Lebaya! Naghe ko nine nga we embere sy’oMungu w’ekwenene;Naghe kutya, nabumbawa omo lututu.
7 Neryo sindiko obwaka bwosi-bwosi obwangakusaghisya,Ebyo ngendikubwira, sibyendikulitohera.
8 Nikwa mungowa ukabugha,Inga, nilue ng’owa ebinywa bino,
9 ‘Nyerire, singwite rilolo;Nyerire, sindiko kibi.
10 Nikwa oMungu akanibanako emyatsi eyangaleka inyalwa naghe;Akanilangira mo nzighu yiwe.
11 Akahira ebisando byaghe by’omo mihomo;Akatsopolaya esyonzira syaghe syosi.’
12 Nikwa sighusingene eribugha utya, neryo ngendikusubirya;OMungu ni mukulu kutsibu kulenga omundu oyukahola.
13 Ekikaleka iwayilungumula okw’iye niki?
Ni busana syetasubirya oko byosi ebyo wabiribugha kwehi?
14 Kusangwa oMungu akabugha engendo ngumaInyasyabugha n’engendo y’akabiri,Nikwa sihali oyukamuhulikirira.
15 Omw’ilota, omo nzoli sy’ekiro,Omughulu otughotseri tunene kutsibu tukahamba abanduIbanaghotsere omo syongyingo syabo.
16 Neryo akaswikula amatwi waboInyahomeka* ebihano biwe omw’ibo,
17 Erilusya omundu okw’ikola ebituweneN’eriteya omundu oko miyiheko.
18 OMungu akakakiraya enafsi* yiwe isiyaya omo kyuna,*Engebe yiwe okw’ihera omo muyali.*
19 Kandi omundu akakungawa erilabira obulumi iniane oko ngyingo yiweN’erilabira obulumi bw’olughumerera bw’amakuha wiwe,
20 Neryo iyuwene-wene* akapona akalyoAkaghana* nibya n’akalyo akuwene.
21 Eminyoku y’omubiri wiwe ikahwerekerera,N’amakuha wiwe awabya abiseme inyalangirika.*
22 Enafsi* yiwe, ikayitunda hakuhi n’ekyuna;*N’obuyingo bwiwe hakuhi n’abakaleta oluholo.
23 Hamabya ihali omutumwa* busana naye,Omughuma oyukamubughira erilua omo maelfu,Eribwira omundu y’ekitunganene,
24 Neryo oMungu akamukwira obulighe n’eribugha ati,Mumulamaye, syaghende omo kyuna!*
Nabiribana endihi!
25 Omubiri wiwe atendere* kwilaba omo bulwana;Asube oko biro by’amaka w’obulwana bwiwe.’
26 Akendilemba-lemba oMungu, naye inyamuligha,Akendilangira obusu bwiwe, neryo inyuta obwogho bw’obutseme,Kandi akendisubulirya omundu oyukahola y’eritunganene riwe.
27 Omundu oyo akendisyabwira abandu ati,‘Nabirikola erilolo, n’eritsandya ekitunganene,Nikwa munditahikirwa n’ekinyitolere.
28 Abirilamya enafsi* yaghe siyingire omo kyuna,*Engebe yaghe ikendisyalangira ekyakakala.’
29 Oko kwenene, oMungu akakolera omunduY’emyatsi yosi eyi, kabiri, kasatu,
30 Erimusubulya* erilua oko kyuna,Ekyakakala ky’engebe kitoke erimukolerya.
31 Yobu! Uteghe okutu, unihulikirire!
Ubye bukutu, naghe ngendilola embere eribugha.
32 Wamabya n’eky’eribugha, iwanisubirya.
Ubughe, kusangwa nyanzire erikangania ngoko usingene.
33 Wamabya isighuwite eky’eribugha, iwanihulikirira;Iwabya bukutu, naghe ngendikukangirirya amenge.”
Amaelezo awehikwa
^ Kinywa kwa kinywa, “Olulimi lwaghe n’ekyasasa kyaghe.”
^ Kinywa kwa kinywa, “inyahira ekibohi oko.”
^ Kutse “obuyingo.”
^ Kutse “eyisinda.”
^ Kutse “omo kyamano ky’amalwa (omusoha).”
^ Kinywa kwa kinywa, “engebe yiwe.”
^ Kutse “enafsi yiwe ikaghana.”
^ Kutse “inyahuluka; inyahangama.”
^ Kutse “obuyingo.”
^ Kutse “eyisinda.”
^ Kutse “omumalaika.”
^ Kutse “eyisinda.”
^ Kutse “uwane.”
^ Kutse “engebe.”
^ Kutse “eyisinda.”
^ Kutse “erisubulya enafsi yiwe.”