Yobu 34:1-37
34 Neryo Elihu mwalola embere erisubirya ati:
2 “Muhulikirire ebinywa byaghe, inywe muwite amenge;Munihulikirire, inywe mwasi bingyi.
3 Kusangwa okutu kukalenga ebinywaNgoko olulimi* lukagheraya akalyo.
4 Muleke itw’ibene-bene tuyileberaye ekitunganene nga ky’ekyahi;Tusohe omo kati-kati ketu ekibuya nga ky’ekyahi.
5 Kusangwa Yobu abiribugha ati, ‘Nisingene,Nikwa oMungu syetanikangya eritswera eritunganene.
6 Nanganabiha oko mwatsi owalebirye eritswerwa lyaghe nga litolere iryabya liti?
Ekironda kyaghe sikirilama, nomo nitetakola erilolo ryosi-ryosi.’
7 Ni ghundi mundu wahi oyuli nga Yobu,Oyukanywa akasekereryo ng’amaghetse?
8 Akasiba n’abakoli b’ebibiKandi ni mwira w’ababi.
9 Kusangwa abiribugha ati, ‘Omundu syalibana endundiAkayikasa eritsemesya oMungu.’
10 Neryo munihulikirire, inywe balume muwite obuyiteghererya:*
Kibye hali oko Mungu w’ekwenene erikola omo bubi,N’oko Mutoki w’Ebyosi erikola ekibi!
11 Kusangwa akendisyahemba omundu erikwamana n’emibiiri yiweN’erimukolera ebyo atolere erikwamana n’esyonzira siwe.
12 Oko kwenene, oMungu syalikola omo bubi;Omutoki w’Ebyosi syalihengemaya eritswera.
13 Nindi yo wamuha ehamuli oko kihugho,Kandi nindi yo wahira ekihugho* kyosi omo byala biwe?
14 Amabibahandako eriso,*Amabimya ekirimu kyabo n’omuka wabo,
15 Abandu bosi* ibakendihola,N’omundu iniakendisuba omo lututu.
16 Neryo wamabya uwite obuyiteghererya, uteghe kino kyo kutu;Uhulikirire ndeke ebyo ngabugha.
17 Omundu oyuponire eritswera eritunganene linatolere iniatabala,Kutse omundu w’amaka oyutunganene wanganamuhirako olubanza?
18 Wanganabwira omwami uti, ‘Uli mutya-mutya,’Kutse abakulu uti, ‘Muli babi’?
19 Hali Omughuma oyutelabiriraya abanya-mwamiN’oyutekolera abateke bo ndeke neryo iniapokya abera,*Kusangwa abosi ni mubiiri w’ebyala biwe.
20 Banganahola kitsumbukirania, omo kati-kati k’ekiro;Bakasukana kutsibu neryo ibahwaho;Nibya n’abandu b’amaka bakalusibawaho, aliwe butsira n’ebyala by’abandu.
21 Kusangwa ameso w’oMungu ali oko syonzira sy’omundu,Akalangira eribasula liwe ryosi.
22 Sihali omwirimya kutse ekitsutsu kineneAho abakola-nabi bangayibisa.
23 Kusangwa oMungu syalyahiraho endambi busana n’omundu wosi-wosiEryasa embere siwe erisyatswerwa.
24 Akatsutsanga ab’amaka isyalaghire okw’itsuka iniakola obusosotyaNeryo iniahira omo myanya yabo mw’abandi.
25 Kusangwa anasi ebyo bakakola;Akalusayabo oko kitumbi omo kiro, neryo ibahinolerwa.
26 Akahunzabo busana n’obubi bwabo,Omo meso w’abandu bosi,
27 Kusangwa babirikita sibakisyamukwamaKandi sibatsomene enzira yiwe n’enguma;
28 Bakaleka abera ibamulakira,Neryo inyowa ekiriro ky’abatawite abangabawatikya.
29 OMungu amabiyisogha eribya bukutu,Nindi yo wangamuhirako olubanza?
Amabibisa obusu bwiwe, nindi yo wangamulangira?
Amabya imwakakolera atya ekihugho kutse omundu,Ebikaluiramo ni bighumerera,
30 Neryo omundu oyutekenga oMungu* isyatabalaKutse eritegha abandu.
31 Kusangwa hanganabya omundu oyo wangabwira oMungu ati,‘Nabirisuyirwa, nibya isinetakola ekibi kyosi-kyosi;
32 Nikangiriraye ekyo nitetalangira;Namabya inabirikola ekituwene, sinendisyasyasubira’?
33 Litolere iniakuhemba ngoko wanzire omughulu ukaghana eritswera liwe?
N’iwe wangayisogha, butsira ingye.
Neryo umbwire ebyo wasi ndeke.
34 Abalume abawite obowika* bakendimbwira bati—Omulume wosi-wosi w’amenge akanihulikirira—
35 ‘Yobu akabugha butsira bwenge,N’ebinywa biwe sibirimo obuyiteghererya.’
36 Yobu alengaweko* erihika oko nduliKusangwa akasubiraya ng’ababi!
37 Akatomeka oko rilolo riwe kw’epono;Akabanda oko byala biwe omo kaghonero embere syetuN’erikanyirirya ebinywa biwe akalwa n’oMungu w’ekwenene!”
Amaelezo awehikwa
^ Kinywa kwa kinywa, “ekyasasa.”
^ Kinywa kwa kinywa, “abawite omutima.”
^ Kutse “ekihugho ekikerweko.”
^ Kinywa kwa kinywa, “omutima wiwe.”
^ Kinywa kwa kinywa, “emibiri.”
^ Kutse “oyutekolera abakulu bo ndeke iniapokya abahanya.”
^ Kutse “oyukayisamambula.”
^ Kinywa kwa kinywa, “omutima.”
^ Kutse alinga, “Tata, Yobu alengaweko.”
