Yobu 35:1-16
35 Elihu mwalola embere erisubirya ati:
2 “Ukalengekanaya uti usingene kyo kikaleka iwabugha uti,‘Nitunganene kulenga oMungu’?
3 Kusangwa ukabugha uti,‘Eritunganene lyaghe rikakuletera ndundi yahi?*
Nine omo mibere eyuwene kundi sinetakola erilolo?’
4 NgendikusubiryaN’abira baghu abali haghuma naghu.
5 Usumbire ameso waghu w’omo kyanya, ulangire,Ulebaye ebitu ebiri endata okw’iwe.
6 Wamakola erilolo, ukamwaghalaya uti?
Amalolo waghu amabikanyirira, ekyo ikikendimuyira kiti?
7 Wamabya mutunganene, ukamuhaki;Ak’angiriraki erilua okw’iwe?
8 Obubi bwaghu bukatula lisa oko mundu nga we,N’eritunganene lyaghu, oko mughala w’omundu.
9 Abandu bakalaka busana n’omunubo munene;Bakalaka bakasaba eriluhukibwa okw’ikondomibwa* ery’ab’amaka.
10 Nikwa sihali n’omughuma oyukabugha ati,‘OMungu ali hayi, Omuhangyiki waghe w’olukengerwa,Oyukaleka esyonyimbo isyimbwa omo kiro?’
11 Akatukangiriraya kwilaba esyonyama sy’oko kihugho,Akatuha amenge kwilaba esyonyunyu sy’omo kyanya.
12 Abandu bakalaka, nikwa syalisubiraya,Busana n’emiyiheko y’ababi.
13 Oko kwenene oMungu syalyowa erilaka litya-litya;*Omutoki w’Ebyosi syalitegharyo amatwi.
14 Neryo ibwa, byangabya biti omughulu ukayilungumula uti sighulimulangira!
Olubanza lwaghu lune embere siwe, neryo litolere iwamulinda butsir’iluha!
15 Kusangwa syetakutondesya omo buhitane;Kandi nibya syetatsomana ebinywa byaghu ebikalire.
16 Yobu akakumbulira obuno bwiwe bo buyira;Akakanyiriraya ebinywa butsira amenge.”
