Yobu 37:1-24
37 “Busana n’ekyo, omutima waghe akapuka-pukaN’erikulika omo mwanya wagho.
2 Muhulikirire ndeke eriruruma ly’omulenge wiweN’omulumo owakalua omo buno bwiwe.
3 Omulumo oyo, akakolayagho ehosi ahikwa oko kyanyaN’erituma ehirabyo hyagho oko nduli-nduli sy’ekihugho.
4 Enyuma sy’aho, hakowika omulenge w’eriruruma;Akaruruma omo mulenge munene kutsibu,Kandi syalikakiraya ehirabyo omughulu omulenge wiwe akowika.
5 OMungu akarururma omo mulenge wiwe omo nzira eyikaswekaya;Akakola emyatsi mikulu-mikulu eyilengire obwenge bwetu.
6 Kusangwa akabwira enzururu ati, ‘Utoghere oko kihugho,’N’embula nene ati, ‘Uwe kutsibu.’
7 OMungu akimanaya emibiiri* y’abanduObuli mundu oyukahola atoke eriminya omubiiri wiwe.
8 Esyonyama sy’omoli sikaghenda omo masamba* wasyoIsyasighala aho sikaghotsera.
9 Ekihunga ekikalire kikabuhirira erilua omo kyumba kyakyo,N’erihunga ry’oko luhande lw’endata rikaleta embeho.
10 Busana n’omuka w’oMungu, amaghetse akabya ritsuku,N’amaghetse manene awayisanzire akamatana.
11 Inga, akalitohaya ebitu omo maghetse;Akapanza-panza akarabyo* kiwe omo bitu;
12 Bikaya oho akasondolabyo bikayibindingula;Bikakola ebyosi ebyo akalayirabyo ati bikole oko kihugho ekikereko abandu*
13 Kibye busana n’erisuyira* kutse busana n’ekitakaKutse busana n’olwanzo oluteleghula, akaleka ikyabya.
14 Hulikirira kino, Yobu;Wimane n’eriyiteghererya ndeke emibiiri y’oMungu eyikaswekaya.
15 Unasi oMungu ng’akasondola* ebitu by’atiKandi ng’akakolaki akarabyo kiwe kapalaye erilua omo bitu biwe?
16 Unasi ebitu nga bikaleleta biti?
Eyi ni mibiiri y’eriswekera y’oyuhika-hikene omo bwenge.
17 Busanaki esyongyimba syaghu sikahuhaEkihugho ikinayibombekire busana n’erihunga ry’oko luhande lw’eyikwa?
18 Wanganatoka erisanza* ekyanya haghuma nayeN’erikalya-kalyakyo ng’ekiyo ky’ekyuma?
19 Utubwire ebyo twangamubwira;Sitwangasubirya kundi tuli omo mwirimya.
20 Omundu anganamubwira ati nianzire eribugha?
Kutse hane oyo wabiribugha omwatsi ogho litolere iniabwirwa?
21 Nibya sibangalangira n’ekyakakala,*Ekyanya nomo kyangabya ikinemo ekyakakala,Erihika endambi erihunga rikalaba n’erilusyaho ebitu.
22 Erikangabasania eriri ng’ehoro rikasira oko luhande lw’endata;Olukengerwa lw’oMungu lukubahisaya kutsibu.
23 Sitwangatoka n’ahake eriyiteghererya Omutoki w’Ebyosi;Awite obutoki bunene,Syalihengemaya n’ahake eritswera liwe n’eritunganene liwe rinene.
24 Okw’ekyo, litolere abandu ibamubaha.
Kusangwa syalilabiriraya abakalengekanaya bati bawite amenge.”*
Amaelezo awehikwa
^ Kinywa kwa kinywa, “akahira ekibohi oko byala by’obuli mundu.”
^ Kutse “ebyuna; amarubu.”
^ Kutse “obupalyo.”
^ Kutse “oko kitaka ekikalimawa ky’ekihugho.”
^ Kinywa kwa kinywa, “omwigho.”
^ Kutse “ng’akalayira.”
^ Kutse “wanganahesa.”
^ Ni bugha ambu, ekyakakala ky’eryuba.
^ Kinywa kwa kinywa, “ab’emitima y’amenge.”
