Yobu 38:1-41
38 Neryo Yehova mwasubirya Yobu erilua omo kihunga ati:
2 “Oyu nindi oyukaliba-libanaya erihana lyagheN’eribugha butsira bwenge?
3 Ngakusaba, wimane ng’omulume;Ngendikubulya amabulyo, neryo naghu ukendimbwira.
4 Wabya hayi omughulu nahiraho efondasyo y’ekihugho?
Umbwire, wamabya ighukalengekanaya uti unasi.
5 Wamabya ighunasi, nindi yo wahiraho ebipimo byakyo,Kutse nindi yo walambika kukyo k’olukoba lw’eripimamo?
6 Esyonduyi syakyo sikere okuki,Kutse oyo wahiraho eribwe ryakyo ry’engonde* nindi,
7 Omughulu esyongununu sy’engyakya-ngyakya syuta haghuma obwogho bw’obutseme,N’omughulu abaghala b’oMungu* bosi batsuka eryuta obwogho bw’eripipa?
8 Nindi yo wakingira engetse omo syongyoOmughulu yatububukala ikalua omo nda,
9 Omughulu nambalayayo ebituN’erilingirayo* omo mwirimya owalitohire,
10 Omughulu nahirira y’oho olubibiN’erihirira y’oho emihomo n’esyongyo,
11 Kandi munabwirayo niti, ‘Wanganahika hano, aliwe isiwalabaho;Hano ho ebisunda byaghu by’amaka bikendibya bikatwirirya’?
12 Hane ekiro* wabirilayira uti engyakya ihikeKutse erikangania emitsange oho wayo,
13 Ahambe esyonduli sy’ekihughoN’erikunguta ababi erilua mukyo?
14 Erisosa ry’ekihugho likabinduka ngoko akashe kakanabindula eribumba,N’ebindu ebirimo ibyalangirika ngoko amapambo w’oko lukimba akanalangirika.
15 Nikwa ababi bakakaghawa ekyakakala kyabo,N’ebyala byabo ebiyisumbire bikabunawa.
16 Une watandaghala erihika oko syongununuko sy’engetseKutse erisosotya amaghetse awali omo mitobero?
17 Unewatabisulirwa esyongyo sy’oluholo,Kutse unewatalola oko syongyo sy’omwirimya munene?*
18 Wanabiriminya obunene bw’ekihugho?
Umbwire, wamabya ighunasi ebyosi ebi.
19 Unasi ahikere ekyakakala?
N’omwirimya ikere hayi,
20 Utoke eritwalagho omo mwanya waghoN’eriminya esyonzira sy’eyo ikere?
21 Unasi ekyo kusangwa wabya iwabiributwaN’emighanzo y’emyaka* yaghu ni mingyi?
22 Wanabir’ingira omo nyumba eyibikiremo enzururu,Kutse wanabirilangira amanyumba awabikiremo amatsuku,
23 Agho nabiribika busana n’omughulu w’obulighe,Busana n’ekiro ky’amalwa n’erilwa?
24 Ekyakakala kikatsa-tsangawa erilua hayi,N’erihunga ry’oko luhande lw’eyo eryuba rikasiraLikabuhirira oko kihugho erilua hayi?
25 Nindi yo watulira eribwagha ly’amaghetse ry’emighendeN’eritula enzira busana n’omulumbi owalimo emilumo,
26 Eriwisya embula ahatikere abandu,Omo mbwarara eyite bandu,
27 Erighutya ekitaka ekyumire ky’olukweseseN’erileka ebiti ibyalasa?
28 Embula inawite ise,Na baba w’ekimi nindi?
29 Eritsuku ryalua omo nda yandi,Kandi nindi yo wabuta ekimi ky’eritsuku ekikalua elubula?
30 Omughulu amaghetse akabya ng’asesireko eribwe,N’amaghetse iniabiribya eribwe endata oko mitobero y’amaghetse?
31 Wanganaboha emiliki y’ekikuto ky’esyongununu kye Kima*Kutse erikundula emiliki y’ekikuto ky’esyongununu kye Kesili?*
32 Wanganatoka erisondola ekikuto ky’esyongununu* omo kirimo kyakyoKutse erisondola ekikuto ky’esyongununu kye Ashi* haghuma n’abaghala bakyo?
33 Unasi emighambo eyikasondola ekyanya,Kutse wanganakasayo* yisondole ekihugho?
34 Wanganasumba omulenge erihika oko bituEribwagha ly’amaghetse ritoke erikuswika?
35 Wanganatuma emirabyo y’obutuku?
Yanganasa n’erikubwira yiti, ‘Itwe ba bano!’
36 Nindi yo wahira omo bitu* mw’amengeKutse nindi yo waha ebindu by’eriswekya* by’omo kyanya by’obwenge?
37 Nindi yuwite amenge awangaghanza ebitu,Kutse nindi yo wangutula amalegha w’omo kyanya
38 Omughulu olututu lukabya bilundoN’ebirongwe by’ekitaka ibyahambana?
39 Wanganahighira endale* y’akalyoKutse wanganughutya emisuko y’esyondale
40 Omughulu sikabundama aho sikaghotseraKutse omughulu sikalimbaya omo masamba* wasyo?
41 Oyukateghekaniraya ekikororo ky’akalyo nindiOmughulu ekyana kyakyo kikalakira oMungu kikasaba obuwatikyaN’omughulu kikaghanga-hanga eyi n’eyi kusangwa isihali eky’erirya?
Amaelezo awehikwa
^ Kutse “ry’esonda.”
^ Akasimo k’Ekiebrania akakakolesibawa eryahula abaghala b’oMungu, abamalaika.
^ Kutse “erihira kuyo.”
^ Kinywa kwa kinywa, “omo biro byaghu.”
^ Kutse “ekitsutsu ky’oluholo.”
^ Kinywa kwa kinywa, “ebiro.”
^ Alinga ni syongununu esikahulawa mo Pleadesi, esiri omo kikuto ky’esyongununu kye Tauro.
^ Alinga ekikuto ky’esyongununu kye Orioni.
^ Kinywa kwa kinywa, “Mazaroti.” Omo 2Ab 23:5, ekinywa ekiri ng’ekyo ekikolesibwe omo bungyi kikakanaya oko kikuto ky’esyongununu kye Zodiaki.
^ Alinga ekikuto ky’esyongununu ky’Edubu nene (Ursa Nene).
^ Kutse “wanganakasayo ikanganaye ehamuli yayo oko kihugho?” Kutse alinga, “ehamuli Yiwe.”
^ Kutse alinga, “omo mundu.”
^ Kutse alinga, “obulengekania.”
^ Kutse “esimba.”
^ Kutse “ebyuna.”
