Yobu 4:1-21
4 Neryo Elifazi Omutemani mwasubirya ati:
2 “Omundu amanza erikania naghu, ighunemwendimuhulikirira butaluha?
Kusangwa nindi yo wangayikakirya okw’ibugha?
3 Oko kwenene wabirikunga abangyi,Kandi ighubeghere erisikya ebyala byolo.
4 Ebinywa byaghu ibikahanganaya oyulyatwikala,Kandi ab’amarwi awakwire amakonongo ighukahabo akaghala.
5 Aliwe naghu lino kyabirikuhikako, neryo wabirihandabuka;*Kyabirikutulako, neryo wabiriyibula-bula.
6 Iwe eribya ighukubaha oMungu siririkuha eriyiketera kwehi?
Eriluyirirana lyaghu siririkuha amaha?
7 Ngakusaba, wibuke kino: Ni mundu wahi oyo wabirihera isyetakola kibi?
Abatunganene babiritoghotibwa mughulu wahi?
8 Ngoko nabirilangira, abakalima ebibiN’abakahera amaghali byo bakanaghesa
9 Bakahera omo muka w’oMungu,Kandi bakahika oko nduli yabo omo kihunga ky’erihitana liwe
10 Endale* ikaruruma, n’endale* eyikine nyilere ikahaya,Nikwa n’ameno w’esyondale* sy’amaka akatwika.
11 Endale* ikahola busana n’eribula enyama y’erirya,Neryo ehyana hy’endale hikapanzikana.
12 Mubanimbomberya ekinywa,N’okutu kwaghe mukowa ebihwe-hwe byakyo.
13 Omo malengekania awakalire awakahuluka omo nzoli y’omo kiro,Omughulu otughotseri tunene tukahika oko bandu,
14 Erititimana rinene muryanihikako,Munakwa obuba bunene*
15 Ekirimu mukyalaba embere sy’obusu bwaghe;Obweya b’oko mubiri waghe bwamayihanda.
16 Neryo mukimana,Mundatoka eriminya nga kisosire kiti.
Ekindu kyabya embere sy’ameso waghe;Muhabya esisyerere, n’enyuma sy’aho munowa omulenge:
17 ‘Omundu oyukahola anganabya mutunganene kwilaba oMungu?
Omundu anganabya oyo werire kwilaba Omuhangyiki wiwe?’
18 Lebaya! Syaliyiketera abaghombe biwe,Kandi akabana amakosa oko bamalaika* biwe.
19 Kwesi ibwa ibikendibya biti oko abikere omo manyumba w’eribumba,Abo efondasyo yabo yiri omo lututu,Abakahinolerawa luba ng’ekinyurughunzu!
20 Bakahinolerawa olosi, eritsuka omo tututu erihika omw’igholo;Bakahera kera na kera, kandi sihali oyukaminya.
21 Sibali ng’ehema eyabirilusibwako esyokamba syayo kwehi?
Bakahola butsira amenge.
Amaelezo awehikwa
^ Kinywa kwa kinywa, “wabirilembera.”
^ Kutse “esimba.”
^ Kutse “esimba.”
^ Kutse “esyondale esikine nyilere esiriko ebyeya omo bikya.”
^ Kutse “esimba.”
^ Kinywa kwa kinywa, “amakuha waghe musulamo obuba.”
^ Kutse “abakwenda.”
