Yobu 41:1-34
-
OMungu akakanaya oko Leviatani eyikaswekaya (1-34)
41 “Wanganasoha e Leviatani* omo buroboKutse eriboha olulimi lwayo l’omo kamba?
2 Wanganatoka eriseserya ekamba* omo mihuli yayoKutse eritobola emikese* yayo omo burobo?*
3 Yanganakulemba-lemba,Kutse yanganakania naghu iyinahehere?
4 Yanganakola endaghane haghuma naghu,Neryo iwayirayo mo nyikobe yaghu omw’ibyaho lyayo ryosi?
5 Wanganatsanga nayo ngoko wangatsanga n’enyunyuKutse wanganabohayo omo kamba busana n’eritsangya-tsangya abana-bato baghu?
6 Abahingania banganakolesyayo omo buhingania?
Banganaghabayo omo kati-kati k’abatsurusi?
7 Wanganusulya oko luho lwayo kw’ehitumo ehiri nga buroboKutse eryusulya oko mutwe wayo kw’amatumo w’abasohi?
8 Utulaye kuyo kw’ebyala;Isiwendisyibirirwa amalwa ayo, kandi isiwendisyasyasubira!
9 Amaha wosi-wosi w’erighondyayo ni buyira.
Eritalangirayo buyira, irikendikubahya.*
10 Sihali oyo wangapima eribukyayo.
Neryo nindi yo wangayihambalika okw’ingye?
11 Nindi yo wabiritamba ekindu kyosi-kyosi nimulihekyo?
Ebyosi ebiri ehikwa w’ekyanya ni byaghe.
12 Sinangabula erikania oko maghulu wayo,Oko maka wayo n’oko mubiri wayo owabumbire ndeke.
13 Nindi yo wabirilusyayo ekyambalo kyayo ky’ehihya?
Kutse nindi yo wangingira omo mikese* yayo eyo yabirikumbula?
14 Nindi yo wangakingula kinyamaka esyongyo sy’obuno* bwayo?
Ameno wayo awatimbire oko mbande syosi ni w’eryubahya.
15 Omughongo wayo aliko omukololo w’ebikora*Ebibohene kutsibu haghuma.
16 Obuli kikora kihambire kutsibu oko kindiNeryo omuka syangalaba omo kati-kati kabyo.
17 Bibohene haghuma;Bimatene haghuma, sibyangaghabulwa.
18 Esyotsihya syayo sikalusaya ekyakakala,Ameso wayo ali ng’emisalali y’engyakya-ngyakya.
19 Omo buno bwayo mukalua eripalya ly’ehirabyo;Mukalua ebisosomole ebikaka.
20 Omo mihuli yayo mukaluira omuki,Ng’etanuru eyikakamo omuliro w’obunyatsi obuli ng’esiseke.
21 Omuka wayo akakaya amakala,N’ekirimi ky’omuliro kikalua omo buno bwayo.
22 Omo bikya byayo muli amaka manene,N’obuba bunene bukabya embere syayo.
23 Emikunyo y’omubiri wayo yihambene kutsibu;Yisikire, yiri nga yaheserawa kuyo, siyangasegha-seghanibwa.
24 Omutima wayo akalire ng’eribwe,Akalire ng’oluso.
25 Ikabya yahangana, nibya n’ab’amaka bakubaha;Eriyihungya lyayo, rikahahukaya omutima.
26 Sihali omuyali owakahika kuyo owangakindayo;Kutse eritumo, omusale, kutse omusoro* owatsongire.
27 Ikalangira ekyuma ng’obunyatsi,Ekwivre* ng’omuti owahondire.
28 Omusoha syalitibitayayo;Eribwe ly’omujeledi rikabya lyahika kuyo rikabya ng’ebiti buyira.
29 Ikalangira omwigho ng’ebiti buyira,Ikaseka oburundi bw’akatumo.
30 Enda yayo yiri ng’ebihande-bihande by’ebindu by’eribumba ebitwire;Ikayisanza omo byondo ng’omuhumbo.
31 Ikaleka emitobero iyabera ng’enyungu;Ikadunga engetse ng’enyungu y’amaghuta.
32 Ikabya yalaba, aho yiryalaba hakakangabasanaya.
Omundu iniangaghanirya ati omo mutobero w’amaghetse muli esyombwi.
33 Oko kihugho sihali ekilingene nayo,Ekihangyikwa ekyahangikawa sikibye kikakwa obuba.
34 Ikalola ebitsule obuli kindu ekikayihaghata.
Iyo ni mwami oko syonyama syosi sy’omoli esy’amaka.”
Amaelezo awehikwa
^ Alinga amamba; crocodile.
^ Kinywa kwa kinywa, “olukoba.”
^ Kutse “olusegha.”
^ Kinywa kwa kinywa, “erihwa.”
^ Kutse “erikughusa ahisi.”
^ Kutse “ebiseghe.”
^ Kinywa kwa kinywa, “obusu.”
^ Kutse alinga, “ikayihalambira ebikololo byayo by’ebikora.”
^ Kutse “omuhundo.”
^ Kutse “omulinga.”
