Yobu 6:1-30
6 Neryo Yobu mwasubirya, mwabugha ati:
2 “Obulighe bwaghe ko bulue bwangalengwa ndekeN’erihirwa oko bilo haghuma n’obuhanya bwaghe!
3 Kusangwa lino, bulitohire kwilaba omuseghe w’omo syongetse.
Kyo kikaleka inabugha butsira erilengekania.*
4 Kusangwa emisoha y’Omutoki w’Ebyosi yabirinitsimita,Ekirimu kyaghe kikanywa obuti* bwayo;Eryubahya erikalua ew’oMungu rikayitondeka busana naghe.
5 Epunda y’omoli yangan’ama iyinawite ebiti,Kutse enume y’ende yangan’ama iyinawite akalyo?
6 Akalyo akatasihire kakanalibawa butsira munyu,Kutse eyisande y’emimea eyikahulawa mo miholi ikanasiha?
7 Sinangatula oko bindu ebiri ng’ebyo.
Biri ng’esumu omo kalyo kaghe.
8 Nga niryatahabawa ekyo ngasabaN’oMungu inyamba eriyitsutsa lyaghe!
9 Niti ngambe oMungu alyaligha erinihinolera,N’erikakya ebyala biwe n’erinibughaho!
10 Kundi nibya, ekyo ikikendinikirania;Ingendiyitsangura nomo nine omo maghali awatehwa,Kusangwa sinditaghana eby’Oyubuyirire.
11 Ninawite akaghala k’erilola embere erilinda?
N’enduli yaghe ni yahi niti nangalola embere eribyaho?*
12 Amaka waghe ni maka w’eribwe kwe?
Kutse omubiri waghe akokotibwe omo kwivre* kwehi?
13 Nikinawite ngoko nangayiwatikyaEbyosi ebyo nangayiwatikyamo ibyabirihirwa hali okw’ingye?
14 Owosi-wosi oyutekanganaya omulikyabo y’olwanzo oluteleghula,Akasighanaya eryubaha Omutoki w’Ebyosi.
15 Abaghala betu babiriniteba ng’akusi k’omughulu w’embeho,Ng’amaghetse w’ehyusi hy’omughulu w’embeho ehikuma.
16 Hyabirikina busana n’eritsuku,Kandi hibisememo enzururu eyikanyenya.*
17 Nikwa endambi ikahika,Ehyusi ehi ihyumamo amaghetse neryo ihyabulirana;Omughulu w’ekihuhania hikuma.
18 Enzira yahyo ikakita;Hikasendera omo mbwarara n’eribulirana.
19 Emilondo y’abaghendi be Tema ikasondekanayahyo;Abaghendi abakalua e Sheba* bakalindirirahyo.
20 Bakahemuka busana n’erihira amaha oko kite;Bakahikaho nikwa ibayiponera.
21 Ko mwabiribya mutya okw’ingye;Mwabirilangira eryubahya ly’obuhanya bwaghe, nenyu mwabirikwa obuba.
22 Nanabiribugha niti ‘Mumbe ekindu kilebe,’Kutse eribasaba ekindu kilebe oko buteke bwenyu?
23 Nanabiribasaba niti munilusaye omo byala by’enzighuKutse niti munilamaye* oko abakaghalaya?
24 Munikangiriraye, naghe ngendihuna;Muniwatikaye eriminya ekosa yaghe.
25 Ebinywa by’ekwenene sibirighalaya!
Nikwa ebinywa byenyu by’erikunga byangabyamo ndundi yahi?
26 Mukaya embita y’erihabula ebinywa byaghe,Ebinywa by’omundu oyukabula omutima w’omo nda,Ebikahekawa n’erihunga kwehi?
27 Inywe mwanganakola obukanga busana n’engubiN’erighulya* omwira wenyu!
28 Neryo lino, mubinduke munitungerere,Kusangwa sinangabugha amabehi embere sy’obusu bwenyu.
29 Ngabasaba, mutasyaghaniraya—isimwanitswera muhanda—
Kusangwa eritunganene lyaghe rikine, eryosi.
30 Olulimi lwaghe lukabugha ebitatunganene kwehi?
Ekyasasa kyaghe sikiriminyerera omwatsi owatuwene kwehi?
Amaelezo awehikwa
^ Kutse “inabugha kitya-kitya; inabugha emitububu.”
^ Kutse “esumu y’enzoka.”
^ Kutse “nangakakya engebe yaghe (enafsi).”
^ Kutse “omulinga.”
^ Kutse “eyikahwerekerera.”
^ Kutse “ekikuto ky’abaghendi Abasabea.”
^ Kinywa kwa kinywa, “munitongolaye.”
^ Kutse “erihingania.”
