Yobu 8:1-22
8 Neryo Bildadi Omusuhi mwasubirya ati:
2 “Ukendisyalola embere eribugha utya erihika mughulu wahi?
Ebinywa by’obuno bwaghu ni rihunga buyira erikalire!
3 OMungu anganahengemya eritswera eritunganene,Kutse Omutoki w’Ebyosi anganahengemya eritunganene?
4 Abana baghu bamabya imubakamukosera,Mwakaleka basuyirawe busana n’obutowa bwabo;*
5 Nikwa wamasonda-sonda oMunguN’erilemba-lemba Omutoki w’Ebyosi akukanganaye olukogho,
6 Kandi ko ulue mundu oyo werire kwenene,Oyutunganene alyendikutegha amatwi*N’erikusubya omo mwanya waghu aho utolere.
7 Kandi nomo enzuko yaghu yangabya nyike,Ebiro byaghu by’embere ibikendisyuwana kutsibu.
8 Kisi, ubulaye ekizazi* ekyatangirira,Kandi uyiteghereraye emyatsi eyo abobaba wabo bafumbula.
9 Kundi itwe hano twabutawa muligholo, kandi sitwasiki,Kusangwa ebiro byetu oko kihugho ni kitsutsu.
10 IsibendikukangiriryaKandi isibendikubwira ebyo basi* kwehi?
11 Erisesa lyanganalasa n’eribya liri ahate ekisesa* kwehi?
N’oluseke lwanganalasa n’eribya luli butsira amaghetse?
12 Byabisoya, isibiribyatwibwa,Bikalw’ibyuma embere w’ebindi biti.
13 Ekyo kyo kikahikira* abosi abakibirirawa oMungu,Kusangwa amaha w’oyukaghana* oMungu akendisyahera,
14 Oyo eriyiketera liwe ni buyiraN’oyo eriyiketera liwe ry’oloberere ng’obukanga* bw’ekisesengula.*
15 Akendisyaghemera oko nyumba yiwe, nikwa siyendisyasighala iyinimene;Akendisyasonda erihambiriraho, nikwa siyendisyabugha ndambi nyingahi.
16 Ali ng’omumea mubisi oko ryuba,N’amatahi wiwe akalanda omw’irima.
17 Emirihi yiwe ikaboha-bohana omo kilundo ky’amabwe;Akasonda-sondaya enyumba omo mabwe.*
18 Nikwa akabya akulwa* aho ali,Aho abya aho hakamughana n’eribugha hati, ‘Sindinatakulolako.’
19 Inga, ko akedisyabulirana* atya;Neryo n’abandi ibakununuka erilua omo lututu.
20 Eribugha ekwenene, oMungu syendisyalekerania abateleka eribya abaluyirirene;*Kutse syendisyawatikya* n’ahake abandu babi,,
21 Kusangwa akendisyasyusulya omo buno bwaghu mw’amasekaN’oko minywa yaghu kw’obwogho bw’obutseme.
22 Abakuponire bakendisyambalibwa esisoni,N’ehema y’abakola-nabi siyendisyasyabyaho.”
Amaelezo awehikwa
^ Kinywa kwa kinywa, “mwakatumabo omo byala by’obutowa bwabo.”
^ Kutse “alyendihangana busana naghu.”
^ Kutse “olulengo.”
^ Kinywa kwa kinywa, “n’erihulukya ekinywa omo mitima yabo?”
^ Kutse “ekitota.”
^ Kinywa kwa kinywa, “esyonzira sy’abakibirirawa oMungu ko siri sitya.”
^ Kutse, “oyukayisamambula.”
^ Kinywa kwa kinywa, “enyumba.”
^ Kutse “ekitatangula.”
^ Kutse “akatungerera enyumba y’amabwe.”
^ Kutse “akabya amerwa.”
^ Kutse “enzira yiwe ko ikahwerekerera yitya.”
^ Kutse “abateko olubanza.”
^ Kinywa kwa kinywa, “erihamba oko byala bya.”