Yobu 9:1-35
9 Yobu mwasubirya ati:
2 “Kwenene ninasi ngoko, ko bine bitya.
Aliwe omundu oyukahola angatoka ati erisingana akatonda n’oMungu?
3 Omundu amasonda erikuba naye obuhaka,*Omundu oyo syangatoka erisubirya n’eribulyo n’erighumaOko mabulyo wiwe 1 000.
4 Ni w’omutima w’amenge kandi ni w’obutoki bunene kutsibu.
Nindi yo wangalwa naye neryo inialuaho isyetahutala?
5 Akahumaya* ebitwa isihali n’oyo wasi;Akabindingulabyo omw’ihitana liwe.
6 Akasuka-sukanaya ekihugho erilua omo mwanya wakyo,Neryo esyonduyi syakyo isyatitimana.
7 Akalayira eryuba ati isiryakolerayaN’erikingira ekyakakala ky’esyongununu;
8 Iyuwene akasanza ekyanya,Kandi akatandayira oko bisunda biri-biri by’engetse.
9 Mwakokotya ebikuto by’esyongununu;Ekye Ashi,* ekye Kesili,* n’ekye Kima,*N’ebikuto by’esyongununu by’oko luhande lw’eyikwa lw’ekyanya;*
10 Akakola emyatsi minene-minene n’eyite yangatokwa eriyiteghereribwa,Emyatsi y’eriswekera eyite yangaghanzwa.
11 Akanilabako, aliwe initamulangira;Akalaba embere syaghe aliwe sinangamuminyerera.
12 Amabipura ekindu, nindi yo wangayihambalika okw’iye?
Nindi yo wangabugha naye ati, ‘Ukayira ghuti?’
13 OMungu syendikakirya erihitana riwe;Nibya n’abakawatikaya Rahabu* bakunama embere siwe.
14 Kandi ibwa kutsibu okw’aho, omughulu ngamusubiraya,Litolere inasombola ebinywa byaghe byo ndeke ngakuba naye obuhaka!
15 Nibya nomo nangabya inilue inisingene, sinangamusubirya.
Ekyo nangakola kisa ry’erilemba-lemba omutsweri* waghe niti anighanyire.
16 Namabimubirikira, inianemwendinisubirya kwehi?
Sinikirirye ng’anganahulikirira omulenge waghe,
17 Kusangwa akanibunzungula omo kihunga kineneN’erikanyirirya ebironda byaghe isihali ekikaleka.
18 Syalileka ngahumula;Akabera erinisulyamo ebindu ebikalihire.
19 Amabya mwatsi owalebirye obutoki, iye yuwite akaghala.
Amabya ini mwatsi owalebirye eritswera eritunganene, akabugha ati:
‘Nindi yo wanganisitaka?’*
20 Nomo nangabya inisingene, obuno bwaghe ibukendinihirako olubanza;Mo nangayitsinga eribya oyuluyirirene,*Iniakendiniahula mo oyuliko olubanza.*
21 Nomo nangayitsinga eribya oyuluyirirene,* ngayitika-tikira;*Nighanire* engebe eyo nirimo eno.
22 Ebyosi ni bighuma. Kyo kikaleka inabugha niti,‘Akaheraya abateko lubanza* iniaherya n’ababi.’
23 Eribwagha ly’amaghetse lyamabileta oluholo lw’ekitsumbukirania,Iniakendiseka erihandabuka ly’abateko lubanza.
24 Ekihugho kyabirihirwa omo byala by’omubi;Akaliba ameso* w’abatsweri bakyo.
Amabya isi ye, neryo ini ndi?
25 Lino ebiro byaghe bitibitire kwilaba oyukatibita;Bikatibita butsira erilangira ekibuya.
26 Bikasenzera ng’amato awakokotibwe omo siseke,Ng’amasamba awakayighusa oko ekyo akendihamba.
27 Namabibugha niti, ‘Ngendibirirwa eriyilakirako lyaghe,Ngendibindula obusu bwaghe neryo inatsanga,’
28 Ngendibya inikinakwire obuba busana n’amaghali waghe,Kandi ninasi ngoko isimwendinilangira mo mundu oyuteko olubanza.
29 Ingendyahulwa mo mundu oyuliko olubanza.*
Neryo ekyangaleka inayiluhirya busa niki?
30 Namabinaba amaghetse w’enzururu eyiryayeyuka,N’erinabya ebyala byaghe omo sabuni,*
31 Neryo ighukendinitogherya omo kyuna ekirimo ebyondo,Neryo nibya n’esyongyimba syaghe isyanyikwa nye.
32 Kusangwa si mundu nga ngye niti nangamusubirya,Niti twangayatonda naye.
33 Sihali omundu oyo wangatusoha,*Oyo wangabya mutsweri* wetu.
34 Amataleka erinihunza*N’erileka erinyubahisya omo buba bwiwe,
35 Neryo ingendikania naye butsira buba,Kusangwa sikiri omw’ingye eribugha n’obuba.
Amaelezo awehikwa
^ Kutse “erimutwala oko tribinali.”
^ Kutse “akalusayaho.”
^ Alinga ekikuto ky’esyongununu ky’Edubu Nene. (Ekikuto Kinene kye Ursa)
^ Alinga ekikuto ky’esyongununu kye Orioni.
^ Alinga ni syongununu esikahulawa mo Pleadesi, omo kikuto ky’esyongununu ekye Tauro.
^ Kutse “ebyumba by’ekati by’oluhande lw’eyikwa.”
^ Alinga enyama nene y’omo ngetse eyikubahisaya.
^ Kutse alinga, “oyo ngatonda naye.”
^ Kinywa kwa kinywa, “erinitwala oko tribinali.”
^ Kinywa kwa kinywa, “oyuhengemire.”
^ Kutse “nomo nangabya isiniriko olubanza.”
^ Kutse “nomo nangabya isiniriko olubanza.”
^ Kutse ”sinyasi enafsi yaghe.”
^ Kutse “nighonere.”
^ Kutse “abakayitsinga eribya abaluyirirene.”
^ Kinywa kwa kinywa, “amusu.”
^ Kinywa kwa kinywa, “mubi.”
^ Kutse “potashi.” Ni muhanda w’esabuni eyikalua omo ribu.
^ Kutse “sihali omusangania.”
^ Kinywa kwa kinywa, “oyo wangahira ebyala biwe okw’itwe babiri.”
^ Kinywa kwa kinywa, “amatanilusyako efimbo yiwe.”
