Yosua 12:1-24
12 Bano ba bami b’ebihugho abo Abaisraeli bakinda n’erimya ekihugho kyabo oko luhande lw’eyo eryuba rikasira olwe Yordani, eritsuka omo Musya* we Arnoni erihika oko Kitwa kye Hermoni ne Araba yosi erilolera eyo eryuba rikasira:
2 Omwami Sihoni w’Abaamori, oyo wabya ikere e Heshboni; abya akatabala eritsuka e Aroeri eyabya oko musike w’Omusya* we Arnoni n’eritsuka omo kati-kati k’omusya oyo, n’enusu ye Gileadi erihika omo Musya* we Yaboki, omupaka w’Abaamoni.
3 Kandi iniakatabala ne Araba erihika oko Ngetse ye Kinereti* erilolera ebwanga bw’eyo eryuba rikasira, erihika oko Ngetse ye Araba, Engetse y’Omunyu,* oko luhande lw’eyo eryuba rikasira erilolera e Bete-yeshimoti, n’oko luhande lw’eyikwa, eyikwa oko mandaghala we Pisga.
4 Mubimya n’ekiharo ky’Omwami Ogi owe Bashani oyo wabya oko Barefaimu b’omwiso-mwiso kandi oyo wabya ikere e Ashtaroti ne Edrei.
5 Iniakatabala n’ekiharo ekyabyamo Ekitwa kye Hermoni, e Seleka, ne Bashani yosi, erihika oko mipaka y’Abageshuri n’Abamaakati, n’enusu ye Gileadi, erihika omo kiharo ky’Omwami Sihoni owe Heshboni.
6 Musa omughombe wa Yehova n’Abaisraeli mubakindabo. Enyuma sy’aho Musa omughombe wa Yehova mwaha ekihugho kyabo mo mwandu oko Barubeni, oko Bagadi, n’oko nusu y’ekihanda kya Manase.
7 Bano ba bami abo Yosua n’Abaisraeli bakinda oko luhande lw’eyo eryuba rikalengera lwe Yordani eritsuka e Baal-gadi omo Musya we Lebanoni erihika oko Kitwa kye Halaki ekihetukire erihika e Seiri. Enyuma sy’aho, Yosua mwaha ekihugho kyabo oko bihanda bye Israeli mo mwandu, obuli kihanda n’erighabo lyakyo.
8 Ebiharo ebyo, byabya ekihugho ky’ebitwa, Eshefela, e Araba, oko mandaghala, omo mbwarara, n’omo Negebu—ekihugho ky’Abahiti, Abaamori, Abakanana, Abaperizi, Abahivi, n’Abayebusi.
9 Omwami we Yeriko mughuma, omwami we Ai eyabya enyuma ye Beteli, mughuma;
10 omwami we Yerusalema, mughuma; omwami we Hebroni, mughuma;
11 omwami we Yaramuti, mughuma; omwami we Lakishi, mughuma;
12 omwami we Egloni, mughuma; omwami we Gezeri, mughuma;
13 omwami we Debiri, mughuma; omwami we Gederi, mughuma;
14 omwami we Horma, mughuma; omwami we Aradi, mughuma;
15 omwami we Libna, mughuma; omwami we Adulamu, mughuma;
16 omwami we Makeda, mughuma; omwami we Beteli, mughuma;
17 omwami we Tapua, mughuma; omwami we Heferi, mughuma;
18 omwami we Afeki, mughuma; omwami we Lasharoni, mughuma;
19 omwami we Madoni, mughuma; omwami we Hasori, mughuma;
20 omwami we Shemroni-meroni, mughuma; omwami we Akshafu mughuma;
21 omwami we Taanaki, mughuma; omwami we Megido mughuma;
22 omwami we Kedeshi, mughuma; omwami we Yokneamu e Karmeli mughuma;
23 omwami we Dori oko mandaghala we Dori, mughuma; omwami we Goimu e Gilgali mughuma;
24 omwami we Tirza, mughuma; abosi babya abami 31.
Amaelezo awehikwa
^ Kutse “omusya owakumamo amaghetse omughulu w’omwisi ”
^ Kutse “omusya owakumamo amaghetse omughulu w’omwisi ”
^ Kutse “omusya owakumamo amaghetse omughulu w’omwisi ”
^ Ni bugha ambu, Engetse ye Genazarati, kutse engetse ye Galilaya.
^ Ni bugha ambu, Engetse eyikwire.
