Yosua 19:1-51
19 Erighabo ry’akabiri eryasombolawa omo bukanga ryabya rya Simeoni, busana n’ekihanda kya Simeoni erikwamana n’ebitunga byabo. Ekitaka ky’omundu wabo kyabya omo kitaka ky’omwandu wa Yuda.
2 Ekitaka kyabo kyabya Beeri-sheba, haghuma ne Sheba, Molada,
3 Hasari-shuali, Bala, Ezemi,
4 Eltoladi, Betuli, Horma,
5 Ziklagi, Bete-markaboti, Hasari-susa,
6 Bete-lebaoti, ne Sharuheni—emiyi 13 n’ehiyi hyayo;
7 Aini, Rimoni, Eteri, ne Ashani—emiyi ini n’ehiyi hyaho;
8 n’ehiyi hyosi ehyabya hitimbire oko miyi eyi erihika e Baalati-beeri eyikatasyahulawa mo Rama y’Eyikwa. Oyo w’abya mwandu w’ekihanda kya Simeoni erikwamana n’ebitunga byabo.
9 Omwandu w’abana ba Simeoni alusibawa oko righabo eryahabawa Yuda, kusangwa erighabo rya Yuda ryabya rinene kutsibu okw’ibo. Neryo abana ba Simeoni ko bimaya oko righabo ryabo ko batya.
10 Obukanga bw’akasatu mubwasombola abana ba Zabuloni, erikwamana n’ebitunga byabo, n’omupaka w’ekihuhgo ky’omwandu wabo abya ahikire e Saridi.
11 Omupaka wabo abya ahetukire erilolera eyo eryuba rikalengera erihika e Maleali n’erihika e Dabesheti n’eritasyasuba omo musya* owasamalirene ne Yokneamu,
12 Kandi abya aluire e Saridi erilolera oko luhande lw’eyo eryuba rikasira erihika oko mupaka we Kisloti-tabori n’eritsubukira e Daberati, neryo iniahetukira e Yafia.
13 Erilua aho abya alolere oko luhande lw’eyo eryuba rikasira erihika e Gate-heferi, erihika e Eti-kazini n’eritsubukira e Rimoni iniatula oko Nea.
14 Omupaka abya atimbire kugho oko luhande lw’endata inialolera e Anatoni n’eritwirya oko Musya we Ifetaheli,
15 Nekatati, Nahalali, Simroni, Idala, ne Betlehemu—emiyi 12 n’ehiyi hyayo.
16 Oyo w’abya mwandu w’ekihanda kya Zabuloni, erikwamana n’ebitunga byabo. Eyi yo yabya miyi n’ehiyi hyayo.
17 Obukanga bw’akani mubwasombola Isakari, busana n’abana ba Isakari erikwamana n’ebitunga byabo.
18 Omupaka wabo abya ahikire e Yezreeli, e Kesuloti, Shunemu,
19 Hafaraimu, Shioni, Anaharati,
20 Rameti, Kisioni, Ebesi,
21 Remeti, En-ganimu, En-hada, ne Bete-pazezi.
22 Omupaka abya ahikire e Tabori ne Shahazuma ne Bete-shemeshi. Omupaka wabo abya atwirye oko Yordani—emiyi 16 n’ehiyi hyayo.
23 Oyu w’abya mwandu w’ekihanda kya Isakari erikwmana n’ebitunga byabo, emiyi n’ehiyi hyayo.
24 Obukanga bw’akatano mubwasombola Asheri, busana n’abana ba Asheri erikwamana n’ebitunga byabo.
25 Omupaka wabo abya Helkati, Hali, Beteni, Akshafu,
26 Alameleki, Amadi, na Mishali. Abya aghendire butambi-tambi erilolera eyo eryuba likalengera eriyahika e Karmeli n’erihika e Shihori-libnati,
27 kandi iniabinduka erilolera eyo eryuba rikasira erihika e Bete-dagoni n’erihika e Zebuloni n’Omusya we Putaheli oko luhande lw’endata, erihika e Bete-meki ne Neieli n’erihulukira e Kabuli, oko luhande lw’amalembe,
28 n’erihika e Ebroni, Rehobu, Hamoni, ne Kana, erihulukira e Sidoni Nene.
29 Kandi omupaka abya abindukire erisuba e Rama n’erihika oko muyi owakongotere we Tiro. Neryo kandi omupaka mwabinduka erisuba e Hosa n’eriyahwera oko ngetse omo kihugho kye Akzibu,
30 Uma, Afeki, ne Rehobu—emiyi 22 n’ehiyi hyayo.
31 Oyu w’abya mwandu w’ekihanda kya Asheri erikwamana n’ebitunga byabo. Eyi yabya miyi n’ehiyi hyayo.
32 Obukanga bwe 6 mubwasombola Naftali, busana n’abana ba Naftali erikwamna n’ebitunga byabo.
33 Omupaka wabo abya atsukire e Helefu eritsuka oko muti munene owali e Zaananimu, ne Adami-nekebu ne Yabneeli erihika e Lakumu; iniatwirya oko Yordani.
34 Omupaka abya abindukire erilola eyo eryuba rikasira erihika e Asinoti-tabori, n’erilua aho iniahika e Hukoki n’eritula oko Zebuloni oko luhande lw’eyikwa n’oko Asheri eyo eryuba rikalengera n’oko Yuda oko Yordani erilolera eyo eryuba rikahulukira.
35 N’emiyi eyikongotere yabya Zidimu, Zeri, Hamati, Rakati, Kinereti,
36 Adama, Rama, Hasori,
37 Kedeshi, Edrei, En-hazori,
38 Yironi, Migdali-eli, Horemu, Bete-anati, ne Bete-shemeshi—emiyi 19 n’ehiyi hyayo.
39 Oyu w’abya mwandu w’ekihanda kya Naftali erikwamna n’ebitunga byakyo, emiyi n’ehiyi hyayo.
40 Obukanga bwe 7 mubwasombola Dani, busana n’abana ba Dani erikwamana n’ebitunga byabo.
41 Omupaka w’ekihugho kyabo abya Zora, Eshtaoli, Iri-shemeshi,
42 Shaalabinu, Aiyaloni, Itla,
43 Eloni, Timna, Ekroni,
44 Elteke, Gibetoni, Baalati,
45 Yehudi, Bene-beraki, Gati-rimoni,
46 Me-yarkoni, ne Rakoni, haghuma n’omupaka owasamalirene ne Yopa.
47 Nikwa ekihugho ky’Abadani mukyabya kike kubo. Neryo mubahetuka bamalwa ne Leshemu. Mubahambayo n’eriita abandu bayo omo muyali. Neryo mubimya omuyi oyo n’eriikala mugho. Mubahula e Leshemu mo Dani, erina rya tata-kulu wabo.
48 Oyu w’abya mwandu w’ekihanda kya Dani erikwamana n’ebitunga byabo. Eyi yo yabya miyi n’ehiyi hyayo.
49 Ko babugha batya erighaba ekihugho ky’omwandu mo biharo-biharo. Neryo Abaisraeli mubaha Yosua mughala wa Nuni y’omwandu omo kihugho kyabo.
50 Oko kinywa kya Yehova, mubamuha omuyi ogho abasaba ni bugha ambu, e Timnati-sera, omo kihugho ky’ebitwa kya Efraimu. Mwahimba omuyi oyo n’eriikala mugho.
51 Eyi ye myandu eyo Eleazari omuhereri, Yosua mughala wa Nuni, n’abakulu b’ebitunga b’ebihanda bya Israeli baghaba omo bukanga ibane e Shilo embere sya Yehova oko lukyo lw’ehema y’erihindanamo. Neryo mubabugha batya erighaba ekihugho.
Amaelezo awehikwa
^ Kutse “omusya owakumamo amaghetse oko mughulu w’omwisi.”
