Yosua 20:1-9
-
Emiyi y’erisaghiramo (1-9)
20 Neryo Yehova mwabwira Yosua ati:
2 “Ubwire Abaisareli uti, ‘Muyisombolere emiyi y’obusayiro eyo nabakanirayako erilabira Musa,
3 neryo omundu amita omundu* butsira eriyiririra kutse omo kisida* iniatibita mugho. Emiyi eyo ikendisyabya busayiro busana nenyu oko oyukakisaya omusasi.
4 Litolere iniatibita omo mughuma w’oko miyi eyo n’eriyimana oko lukyo lw’omuyi kandi iniakanirya abasyakulu b’omo muyi oyo olubanza lwiwe. Neryo litolere ibamukokya omo muyi oyo, ibamuha ah’eriikala, neryo naye inyikala haghuma nabo.
5 Oyukakisaya omusasi amabimukwamirira, isibahira omundu oyulyita oyo omo byala by’omukisya w’omusasi oyo, kusangwa kilue kisida* akita mulikyabo kandi syabya amuponire.
6 Akendisyikala omo muyi oyo erihika omughulu akendisyatonda embere sy’endeko erihika oko luholo lw’omuhereri mukulu oyuliho oko mughulu oyo. Enyuma sy’aho omundu oyo, oyo wita omundu inyanganasuba omo muyi wiwe ogho aluamo omughulu atibita, kandi inyanganingira omo muyi wiwe n’omo nyumba yiwe.’”
7 Neryo mubahighula* emiyi eno: Kadeshi e Galilaya omo kihugho ky’ebitwa kya Naftali, Shekemu omo kihugho ky’ebitwa kya Efraimu, ne Kiriati-arba, ni bugha ambu, Hebroni omo kihugho ky’ebitwa kya Yuda.
8 Omo kiharo kye Yordani, oko luhande lw’eyo eryuba rikasira lwe Yeriko, mubasombola e Bezeri omo mbwarara omo bwerere* bw’ekihanda kya Rubeni, Ramoti e Gileadi omo kihanda kya Gadi, Golani e Bashani omo kihanda kya Manase.
9 Eyi muyabya miyi busana n’Abaisraeli bosi n’ababunga ababya bikere omo kati-kati kabo, neryo oyukita omundu butsira eriyiririra iniatibitayo akasyaholera omo byalya by’omukisya w’omusasi isyalyatonda embere sy’endeko.
Amaelezo awehikwa
^ Kutse “enafsi.”
^ Kutse “isyasi.”
^ Kutse “alue isyasi.”
^ Kutse “mubasolola.”
^ Kutse “obulambo.”
