Yosua 21:1-45
21 Neryo abakulu b’ebitunga b’ekihanda kya Lawi mubasa ahali Eleazari omuhereri, Yosua mughala wa Nuni, n’abakulu b’ebitunga b’ebihanda bya Israeli.
2 Mubabugha nabo e Shilo omo kihugho kye Kanana, bati: “Yehova mwabugha arilabira Musa ati tukendisyahabwa emiyi y’eriikalamo haghuma n’ebiharo byayo by’erilisiryamo busana n’ebihangulo byetu.”
3 Neryo ngoko Yehova analayira, Abaisraeli mubimya oko myandu yabo kw’emiyi haghuma n’ebiharo byayo by’erilisiryamo bamahabyo Abalawi.
4 Obukanga bw’erimbere mubwasombola ebitunga by’Abakohati. N’Abalawi ababya omo kitunga kya Haruni mubahabwa emiyi 13 erikwamana n’obukanga, omo myandu y’ekihanda kya Yuda, ekya Simeoni, n’ekya Benyamini.
5 Abandi Bakohati abasighalira, mubahabwa* emiyi 10 erilua oko myandu y’ebitunga by’ekihanda kya Efraimu, ekya Dani, n’enusu y’ekihanda kya Manase.
6 N’Abagershoni mubahabwa emiyi 13 erilua omo myandu y’ebitunga by’ekihanda kya Isakari, ekihanda kya Asheri, ekihanda kya Naftali, n’enusu y’ekihanda kya Manase omo Bashani.
7 Abamerari erikwamana n’ebitunga byabo mubahabwa emiyi 12 erilua oko myandu y’ekihanda kya Rubeni, ekihanda kya Gadi, n’ekihanda kya Zabuloni.
8 Abaisraeli ko bakola batya eriha Abalawi b’emiyi n’ebiharo byayo by’erilisiryamo erilabira obukanga, ngoko Yehova anabya iniabirilayira erilabira Musa.
9 Neryo emiyi eyo bahitaya erilua oko mwandu w’ekihanda kya Yuda n’ekihanda kya Simeoni y’eyi:
10 muyahabwa abaghala ba Haruni ababya b’omo bitunga by’Abakohati b’omo kihanda kya Lawi, kusangwa obukanga bw’erimbere mubwabasombola.
11 Mubahabo e Kiriati-arba (Arba abya baba wa Anaki), ni bugha ambu e Hebroni omo kihugho ky’ebitwa kye Yuda n’ebiharo byakyo by’erilisiryamo ebitimbire kukyo.
12 Nikwa amalima w’omuyi oyo n’ehiyi hyagho mubahabyo Kalebu mughala wa Yefune mo mwandu wiwe.
13 N’abaghala ba Haruni omuhereri, mubahabo omuyi w’erisayiramo busana n’omundu oyulyita omundu butsiria eriyirira ni bugha ambu e Hebroni n’ebiharo byayo by’erilisiryamo, ne Libna n’ebiharo byayo by’erilisiryamo,
14 Yatiri n’ebiharo byayo by’erilisiryamo, Eshtemoa n’ebiharo byayo by’erilisiryamo,
15 Holoni n’ebiharo byayo by’erilisiryamo, Debiri n’ebiharo byayo by’erilisiryamo,
16 Aini n’ebiharo byayo by’erilisiryamo, Yuta n’ebiharo byayo by’erilisiryamo, ne Bete-shemesi n’ebiharo byayo by’erilisiryamo. Emiyi 9 erilua oko bihanda bibiri ebi.
17 N’erilua oko kihanda kya Benyamini, Gibeoni n’ebiharo byayo by’erilisiryamo, Geba n’ebiharo byayo by’erilisiryamo,
18 Anatoti n’ebiharo byayo by’erilisiryamo, Almoni n’ebiharo byayo by’erilisiryamo. Emiyi ini.
19 Emiyi yosi eyo abaghala ba Haruni omuhereri bahabawa yabya miyi 13 haghuma n’ebiharo byayo by’erilisiryamo.
20 N’ebindi bitunga by’Abakohati b’omo kihanda kya Lawi mubyahabwa emiyi erilabira obukanga erilua oko kihanda kya Efraimu.
21 Mubahabo omuyi w’erisaghiramo busana n’oyukita omundu butsira eriyiririra, ni bugha ambu Shekemu n’ebiharo byayo by’erilisiryamo, omo kihugho ky’ebitwa kya Efraimu, Gezeri n’ebiharo byayo by’erilisiryamo,
22 Kibsaimu n’ebiharo byayo by’erilisiryamo, ne Bete-horoni n’ebiharo byayo by’erilisiryamo. Emiyi ini.
23 N’erilua oko kihanda kya Dani: Elteke n’ebiharo byayo by’erilisiryamo, Gibetoni n’ebiharo byayo by’erilisiryamo,
24 Aiyaloni n’ebiharo byayo by’erilisiryamo, Gati-rimoni n’ebiharo byayo by’erilisiryamo. Emiyi ini.
25 N’erilua oko nusu y’ekihanda kya Manase, Taanaki n’ebiharo byayo by’erilisiryamo, ne Gati-rimoni n’ebiharo byayo by’erilisiryamo. Emiyi ibiri.
26 Emiyi yosi yabihirwa haghuma, haghuma n’ebiharo byayo by’erilisiryamo eyo ebindi bitunga by’Abakohati byahabawa, yabya miyi 10.
27 N’Abagershoni b’omo bitunga by’Abalawi mubahabwa erilua oko nusu y’ekihanda kya Manase omuyi w’erisaghiramo busana n’oyukita omundu butsira eriyirira, ni bugha ambu e Goloni omo Bashani haghuma n’ebiharo byayo by’erilisiryamo, ne Beeshtera haghuma n’ebiharo byayo by’erilisiryamo. Emiyi ibiri.
28 N’erilua oko kihanda kya Isakari, Kishioni haghuma n’ebiharo byayo by’erilisiryamo, Daberati haghuma n’ebiharo byayo by’erilisiryamo,
29 Yaramuti haghuma n’ebiharo byayo by’erilisiryamo, ne En-ganimu haghuma n’ebiharo byayo by’erilisiryamo. Emiyi ini.
30 N’erilua oko kihanda kya Asheri: Mishali haghuma n’ebiharo byayo by’erilisiryamo, Abdoni haghuma n’ebiharo byayo by’erilisiryamo,
31 Helkati haghuma n’ebiharo byayo by’erilisiryamo, ne Rehobu haghuma n’ebiharo byayo by’erilisiryamo. Emiyi ini.
32 N’erilua oko kihanda kya Naftali omuyi w’erisayiramo busana n’oyulita omundu butsira eriyiririra, ni bugha ambu, Kedeshi omo Galilaya haghuma n’ebiharo byayo by’erilisiryamo, Hamoti-dori haghuma n’ebiharo byayo by’erilisiryamo, ne Kartani haghuma n’ebiharo byayo by’erilisiryamo. Emiyi isatu.
33 Emiyi yosi y’Abagershoni erikwamana n’ebitunga byabo yabya miyi 13 haghuma n’ebiharo byayo by’erilisiryamo.
34 N’ebitunga by’Abamerari ababya bakisiya oko Balawi, mubahabwa erilua oko kihanda kya Zabuloni: Yokneamu haghuma n’ebiharo byayo by’erilisiryamo, Karta haghuma n’ebiharo byayo by’erilisiryamo,
35 Dimna haghuma n’ebiharo byayo by’erilisiryamo, ne Nahalali haghuma n’ebiharo byayo by’erilisiryamo. Emiyi ini.
36 N’erilua oko kihanda kya Rubeni: Bezeri haghuma n’ebiharo byayo by’erilisiryamo, Yahazi haghuma n’ebiharo byayo by’erilisiryamo,
37 Kedemoti haghuma n’ebiharo byayo by’erilisiryamo, ne Mefati haghuma n’ebiharo byayo by’erilisiryamo. Emiyi ini.
38 N’erilua oko kihanda kya Gadi, omuyi w’erisayiramo busana n’oyukita omundu butsira eriyiririra, ni bugha ambu, Rimoti e Gileadi haghuma n’ebiharo byayo by’erilisiryamo, Mahanaimu haghuma n’ebiharo byayo by’erilisiryamo,
39 Heshboni haghuma n’ebiharo byayo by’erilisiryamo, ne Yazeri haghuma n’ebiharo byayo by’erilisiryamo. Eyosi yabihirwa haghuma, emiyi ini.
40 Emiyi yosi eyo Abamerari bahabawa erikwamana n’ebitunga byabo, ebitunga ebyabya bikisiya oko Balawi yabya miyi 12.
41 Emiyi yosi eyo Abalawi bahabawa erilua omo mwandu w’abaisraeli yabya miyi 48 haghuma n’ebiharo byayo by’erilisiryamo.
42 Obuli mughama w’oko miyi eyi abya n’ekiharo kyagho ky’erilisiryamo ekyabya kitimbire kugho. Ko byabya bitya oko miyi yosi eyi.
43 Neryo Yehova mwaha Abaisraeli b’ekihugho kyosi ekyo alapa ati akendisyaha abotata-kulu wabo. Nabo mubimyakyo mo mwandu n’eriikala mukyo.
44 Kandi Yehova mwahabo eriluhuka oko syombande syosi ngoko anabya iniabirilapira abotata-kulu wabo. Muhatabya n’enguma y’oko syonzighu syabo syosi eyatoka erilwa nabo. Yehova mwahira esyonzighu syabo syosi omo byala byabo.
45 Oko syondaghane* syosi esyuwene esyo Yehova alagha enyumba ya Israeli, muhatabya n’endaghane n’enguma eyabula eribererera, esyosi musyabererera.
