ERIBULYO 7
EBiblia yabya iyabiribughaki oko biro ebyo tulimo?
“Ekihanda kikendisyalwa n’ekindi kihanda; n’obwami n’obundi bwami . . . Emyatsi yosi eyi yiri ng’eritsuka ry’obulumi obo omukule akabya nabo akasonda eributa.”
“Abaminyereri bangyi b’amabehi bakendisyahuluka, kandi bakendisyatebya abandu bangyi. Kandi kusangwa obubi bukendisyakanyirira, olwanzo lw’abandu bangyi lukendisyaholoka.”
“Omughulu mukendisyalangira amalwa, n’eryowa esyongulu sy’amalwa; isimwahahukaya emitima. Litolere emyatsi eyi iyabya, aliwe enduli isiyiriyahika.”
“Hakendisyabya emisiki minene-minene, n’erikeha ly’akalyo, n’amakoni owakasighalira omo biharo mbiriri-mbiriri. Kandi abandu bakendisyalangira emyatsi eyikubahisaya n’ebiminyikalo binene-binene bikasira omo kyanya.”
“Omo biro by’enduli, hakendisyabya emighulu eyikalire. Kundi hakendisyabya abandu abayanzire, abanzire esyofranga, abakayihalamba, abakayiheka, abakatsuma oMungu n’abandu, abatyowa ababuti babo, abatesima, abakaleghula, abatanzire abandi, abatehulikirirana n’abandi, abakatonga abandi, abatasi eriyikakirya, abatsibu, abatanzire kibuya, abakahotera abandi, ab’erighundu, abaswiremo emiyiheko, abanzire eriyitsemesya kulenga kw’eryanza oMungu, abakabya nga basaghire oMungu, aliwe ebyo bakakola sibirikanganaya ngoko basaghire oMungu.”
