“Iwe ukowa emisabe, abandu b’emihanda yosi bakendisyakwasira.”

Esyonyimbo 65:2

“Uyiketere Yehova n’omutima waghu wosi, isiwayiketera obwenge bwaghu. Ukwama obusondoli bwiwe omo byosi ebyo ukakola, neryo akendilungula esyonzira syaghu.”

Emisyo 3:5, 6

“Eyi ni ngebe y’erikota, abandu bakuminye iwe Mungu mughuma musa w’ekwenene, ibaminya na Yesu Kristo oyo watuma.”

Yohana 17:3

“Oko kwenene [oMungu] syali hali oko buli mughuma w’okw’itwe.”

Emibiiri 17:27

“Ngabya ininemusaba niti ngambe olwanzo lwenyu ilwakanyirira, kandi imwaminya ekwenene n’eryowa ndeke-ndeke ebyo oMungu anzire.”

Abanya Filipi 1:9

 “Omw’inywe mwamabya omundu oyubulire amenge, abye akasaba oMungu, kundi akahagho abandu bosi n’omutima wosi, kandi syalihayira oyukamusabagho, neryo iniakendihabwagho.”

Yakobo 1:5

“Museghere hakuhi n’oMungu, naye akendiseghera hakuhi nenyu. Mweraye ebyala byenyu, inywe bakoli b’amalolo, kandi mweraye emitima yenyu, inywe mukatika-tika.”

Yakobo 4:8

“Kundi eryanza oMungu ry’erikwama ebyalayiro biwe, n’ebyalayiro biwe si muheke owalitohire.”

1 Yohana 5:3