ERIBULYO 5
Ni mwatsi wahi mukulu owakanibweko omo Biblia?
“Ngendisyahira obuyighu omo kati-kati kaghu n’omukali, n’omo kati-kati k’olubuto lwaghu n’olubuto lwiwe. Akendisyakuhinolera oko mutwe, naghu ukendisyamuhutalya oko kasinziro.”
“Erilabira olubuto lwaghu, ebihanda byosi oko kihugho bikendisyayibanira emiyisa kundu mughukahulikirira omulenge waghe.”
“Obwami bwaghu bwase. Erisonda ryaghu rikoleke oko kihugho ng’omo lubula.”
“Hakisiya hake oMungu oyukaha obuholo iniahira Sitani eyikwa w’ebisando byenyu n’erimutoghotya.”
“OMungu akendisyabya abiyira Mughala wiwe mo mutabali w’ebindu byosi, Mughala naye akendisyakangania ngoko oMungu yo mukulu wiwe, oyukamuyiramo mutabali w’ebindu byosi. Neryo oMungu musa yukendisyatabala ebindu byosi.”
“Nikwa oMungu mwaha esyondaghane siwe syo Abrahamu n’olubuto lwiwe . . . , ni bugha ambu, Kristo. Kandi mwamabya imuli bandu ba Kristo, oko kwenene imuli lubuto lwa Abrahamu.”
“Obwami bw’ekihugho bwabiribya bw’Omukama wetu, n’obwa Kristo wiwe. Akendisyatabala kera na kera.”
“Neryo ekiyoka kinene mukyaghuswa, enzoka ya kera, ekikahulawamo Diabolo na Sitani, ekikatebaya ekihugho kyosi mukyaghuswa oko kihugho, n’abamalaika bakyo mubaghuswa haghuma nakyo.”
“Mwahamba ekiyoka, enzoka ya kera ni bugha ambu, Diabolo na Sitani, neryo mwabohayo omo munyororo omo myaka 1 000.”
