Obunyumba Obuli m’Obutseme, Thwangabana bo Thuthi?
Ukalengekanaya uthi thwangabana bo . . .
-
thwamabya n’olwanzo?
-
thwamayira esyofranga?
-
kutse yindi nzira?
EBY’EBIBLIA IKABUGHA
‘Obutseme buli oko bakowa ekinywa ky’oMungu n’eritheyakyo!’—Luka 11:28, NW.
ERIKWAMA ERIHANO ERYO LIKANDIWATHIKYA OBUNYUMBA BWAGHU
Bubye m’olwanzo lw’ekwenene.—Abanya Efeso 5:28, 29.
Bubye mw’erisikania ly’ekwenene.—Abanya Efeso 5:33.
Bubye m’obughuma bw’ekwenene.—Mariko 10:6-9.
BUSANA KI LITHOLERE ITWAKWAMA EBYO BIBLIA IKABUGHA OKO BUNYUMBA?
Hali myatsi eyibiri eyangaleka itwakwamabyo:
-
OMungu y’owatsukisaya obunyumba. EBibilia yithi ‘obuli bunyumba bukayira erina’ busana n’oMungu Yehova. (Abanya Efeso 3:14, 15) N’ibugha ambu, Yehova yowatsukisaya obunyumba. Busana naki litholere eriminya ekyo?
Thubughe thuthya: Wabilya oko byalya bisihire, neryo wamasonda eriminya ngoko bikahukawa, wangabulya ndi? Omuhuki wabyo.
Kuthya n’eribya n’obunyumba obuli m’obutseme, litholere ithwabulya Yehova kundi yowatsukisaya obunyumba.—Enzuko 2:18-24.
-
OMungu athutsomene kutsibu. Litholere obuli mundu omo bunyumba inyakwama amahano w’ekinywa kya Yehova. Busana naki? “Kusangwa athutsomene.” (1 Petero 5:6, 7) Yehova athwanzire kutsibu, n’amahano wiwe akathulethera obutseme!—Emisyo 3:5, 6; Isaya 48:17, 18.
EBIBLIA IKABUGHA YITHI
Nangayira nithi nithoke eribya iba oyuwene, omukali oyuwene, kutse omubuthi oyuwene?
EBiblia ikakanaya oko mwatsi oyo omo ABANYA EFESO 5:1, 2 n’omo ABANYA KOLOSAI 3:18-21.