Obwami b’oMungu Niki?
Ukalengekenaya uti . . .
-
buli omo mutima waghu?
-
ni kisosekanio?
-
kutse ni butabali obuli elubula?
EBIBLIA IKABUGHA YITHI
‘OMungu w’elubula asyahiraho obwami obutendisyalusibwaho nahake.’—Danieli 2:44.
‘Twabirihabwa omwana; n’obutabali bukandisyabya oko kitigho kiwe.’—Isaya 9:6.
ERIKIRIRYA EBIBLIA LIKANDIKUWATIKYA LITHI
-
Ukendisyabya omo butabali obutunganene obwangakuwatikya.—Isaya 48:17, 18.
-
Omo kihugho kihya ekikasa, ukendisyabya n’obuyonzo obuhikene n’obutseme.—Eribisulirwa 21:3, 4.
EBY’EBIBLIA IKABUGHA NINA KWENENE?
Hali emyatsi eyisatu eyikaleka itwikirirya:
-
Yesu mwakangania ebyo obwami b’OMungu bukendisyakola. Yesu mwakangirirya abakwenda biwe babye bakasaba Obwami b’oMungu bwase n’erisonda liwe likoleke oko kihugho. (Matayo 6:9, 10) Neryo mwakangania ngoko oMungu akendisyasubirya oko musabe oyu.
Omughulu abya oko kihugho, Yesu mwaha abandu abakwire enzala b’akalio, mwalamya abalwere, n’erilubukya abaholi! (Matayo 15:29-38; Yoane 11:38-44) Kundi iye y’Omutabali w’Obwami b’oMungu omo biro bikasa, Yesu mwaha abandu omwanya w’erigherya oko ebyo Obwami bukendisyakolera abandu.—Eribisulirwa 11:15.
-
Ebikakoleka oko kihugho bikakanganaya ngoko hakisia hake Obwami b’oMungu ibwasa. Yesu mwabugha ati omughulu muke embere Obwami bulete obuholo oko kihugho, ekihugho kyetu kikendisyabyamo amalwa, enzala, n’emisiki.—Matayo 24:3, 7.
Ebyosi ebyo binemulangirika munabwire. Kikaleka itwikirirya kwenene ngoko hakisia hake Obwami b’oMungu ibwabughaho amalighe wetu wosi.
THERI YIBULYA
Tukendisyabya tuti omughulu Obwami b’oMungu bukendisyatabala oko Kihugho?
Ebiblia ikakanaya oko mwatsi oyo omo ESYONYIMBO 37:29 ne ISAYA 65:21-23.
Langira na bino
ESSENTIAL BIBLE TEACHINGS
Obwami b’oMungu niki?
Yesu mwakania kutsibu oko mwatsi owalebirye oBwami kulenga oko yindi myatsi. Hamabilaba emyaka mingyi kutsibu abigha biwe bakasaba bati oBwami obo bwase.
EKYERIMINYA O’KWITHWE
Busanaki litolere er’iga eBiblia?
Ebiblia yikaha abandu banene ebisubiryo oko mabulyo makulu makulu awalebirye engebe. Unanzire naghu iwabana ebisubiryo ebyo?
AMAKANGIRIRYA W’EBIBLIA
Pima eritsuka erigha eBiblia
Wighe eBiblia erilabira omukania kughuma n’omundu oyukakukangiriraya.
