Abandu banene babirileka erighenda oko bisomo byabo kundi sibalibanayo obusondoli obuwene kutse emyatsi eyikabasubaya mutima omonda. Neryo, busanaki utolere iwahika oko mihindano y’Abimiri ba Yehova? Ukandibana yo ki?

Ukanditsema eribya omo katikati k’abandu abakwanzire n’erikutsomana. Omo mughulu w’abakwenda, Abakristo babya omo ndondeko eyighabirwemo ndeko-ndeko kandi ibakahindana batoke eriramya Yehova, n’erihimbana. (Abaebrania 10:24, 25) Erihindana n’abandu abahumulikene irikaleka ibayowa omo katikati k’abanwani babuya, abaghala n’abali babo b’omo kihanda kye Kikristo. (2 Abanya Tesalonika 1:3; 3 Yoane 14) Netu tukakola tutya, neryo kikaleka itwasunga etseme.

Ukandigha ngoko wangakwama esyokanuni sy’eBiblia. Nga baghombe b’oMungu ba kera, abalume, abakali n’abana bakahindana abosi haghuma. Abalume abatolere erikangirirya bakakolesaya eBiblia eritukangania ngoko twangakwama esyokanuni sy’eBiblia obuli kiro. (Eribuka Ebihano 31:12; Nehemia 8:8) Abosi banganakangania erikirirya n’eriyiketera lyabo omwibugha ekyangahimba n’erimba esyonyimbo sy’eripipa oMungu.​—Abaebrania 10:23.

Erikirirya lyaghu likandihimbwa. Omukwenda Paulo mwabwira Abakristo bomo ndeko nguma yomo biro biwe ati: ‘Nyibakwire olukando olweribalolako tutoke erisikania emitima omw’ikirirya lyenyu n’eryaghe.’ (Abanya Roma 1:11, 12) Eribya n’Abakristo balikyetu oko buli muhindano likahimba erikirirya lyetu kandi likatuha akaghala k’erikwama obuli kiro esyokanuni sy’eBiblia.

Neryo tukakukokaya oko mihindano yetu utoke eriyilangirira ebyosi ebyo. Ukandikokibwa ndeke. Siwendiliha n’ahake.

• Emihindano yetu ikakolawa nge y’omughulu wahi?

• Ukandibana ki oko mihindano yetu?