Erituwatikya tutoke eritula ndeke ‘engulu mbuya’ oko ‘buli kitunga ky’abandu, obuli kihanda, obuli mubughe, n’abandu’, tukahulukaya ebitabu omo mibughe kulenga 750. (Eribisulirwa 14:6) Tukatoka tuti omubiri mungaha n’oyu? Tukawatikibawa n’abalikyetu erilwa omo bihugho bingyi abakahandika haghuma n’ekikundi ky’abahinduli—abosi ni Bimiri ba Yehova.

Omwatsi akatsuka omo Kingeresa. Ekyaghanda Kikulu kikimanira omubiri w’ebiro y’abahandiki eyikabanika oko biro yetu ngulu e Amerika. E biro eyi ikimanira omubiri ow’abakahandika abali oko biro ngulu n’oko syobiro nge. Eribya n’abahandiki abakalwa omo bihugho bingyi kikaleka itwatoka erihandika emyatsi eyikatula oko mitima y’abandu b’ebihanda byosi.

Omwatsi abihandikwa akatumawa oko abahinduli abe mibughe. Omwatsi oyu akabya abilabwamo ndeke n’erihamulibwa, akatumawa oko bipya by’abahinduli abe mibughe omo nzira ye Enternete omo kihugho kyosi, bakahindulawo, ibalaba mugho, n’erisomawo ibanemulebya nga mwakahindulawa ndeke. Bakayikasa erihandika “ebinywa by’ekwenene” ebikakumbula ndeke-ndeke ebyo Kingeresa kikabugha.​—Omughambuli 12:10.

Esyo ordinatere sikanguhaya omubiri. Eordinatere siyangakola omubiri w’abahandiki n’abahinduli abe mibughe. Aliwe esyodiksionere esiri omo ordinatere, n’ebindi ebikawatikaya erikwesa emyatsi bikanguhaya emibiri. Abimiri ba Yehova babiriyikolera e programe yabo eye ordinatere eyikahulawamo MEPS. E programe eyi yikatonda ndeke ebihandiko omo mibughe mingyi n’esyofoto embere sy’erituma oko mashini w’eritsapisya.

Busanaki tukakola ebyosi ebyo, erihika oko mibughe eyikabughawa n’abandu bake? Kundi Yehova anzire abandu bosi balamibawe, n’eriminya ndeke omwatsi w’ekwenene.’​—1 Timoteo 2:3, 4.

• Ni mibiri yahi yo yikakolawa omwihandika ebitabu byetu?

• Busanaki ebitabu byetu bikahindulawa omo mibughe mingyi?