Omo myaka minene, Abimiri ba Yehova mubakolesya, mubatsapisya, n’erighabira abandu esyo mbindula nyingyi-nyingyi sy’eBiblia. Aliwe, omughulu mughuma motwalangira ngoko litolere erihulukya embindula nyihya-nyihya eyangawatikya abandu “eriminya ndeke omwatsi w’ekwenene,” kundi eri ni sonda ly’oMungu. (1 Timoteo 2:3, 4) Busana nekyo, omo mwaka we 1950, mutwatsuka erihulukya kahande-kahande e Tafsiri ya Ulimwengu Mpya (Embindula ye Kihugo Kihya-kihya) omo mubughe wa munabwire. EBiblia eyo yabiribindulwa ndeke ndeke omo mibughe kulenga 130 *.

Twabyatutolere eribya n’eBiblia eyikowika. Kundi emibughe yikabya iyinemuhinduka, esyombindula nene sy’eBiblia sirimo ebinywa ebitasibwe n’abandu banene kutse ebinywa bya kera ebityowika. Kandi, esyokopi sy’eBiblia sya kera esihambene n’esyo Biblia sy’erimbere esyabiribanika syabiriwatikya abandu eriminya ndekendeke emibughe eyo eBiblia yahandikawamo, Ekiebrania, Ekiaramu, n’Ekigiriki.

Lyabya litolere itwabya n’eBiblia eyisosire amahandiko w’erimbere. Abakahindula eBiblia omo ghundi mubughe sibatolere erihiramo ebitemo, aliwe batolere ibakwama amahandiko wa kera. Ekikaswekaya, omo syo Biblia nene, simuli erina ly’oMungu, Yehova.

Lyabya litolere itwabya n’eBiblia eyikasikaya omwinyeyo. (2 Samweli 23:2) Ngoko wanganalangira oko foto eyiri ahikwa, omo Tafsiri ya Ulimwengu Mpya, erina Yehova likabanika ngendo hakuhi 7 000 aho lyabya omo syo Biblia sya kera. (Esyonyimbo 83:18) Twabikwesa emyatsi omo myaka minene, mutwatoka erihulukya eBiblia eyo wanganza erisoma kundi ikakanganaya ndekendeke amalengekania w’oMungu. Wamabya iwuwite e Tafsiri ya Ulimwengu Mpya omo mubughe waghu kutse iyehe, twamakusaba ubeghere erisoma eKyinywa kya Yehova obuli kiro.​—Yoshua 1:8; Esyonyimbo 1:2, 3.

• Busanaki mutwalangira ngoko litolere itwabya n’embindula yetu y’eBiblia?

• Wamanza eriminya erisonda ly’oMungu, litolere iwabeghera erikola ki?