Omo mihindano y’Abakristo ba kera, ibak’imba, ibakasaba, n’erisoma amahandiko n’erikania kugho, isibalikwama ebikekete ebituwene. (1 Abanya Korinto 14:26) Emihindano yetu nayo koikabya yitya.

Amakangirirya akalwa omo Biblia kandi akatuwatikaya. Obuli kiro kye Poso kutse ekye Yenga, obuli ndeko ikahindana erihulikirira omukania w’eBiblia wesyodakika 30. Omukania kutse ehotuba eyo ikakanganaya ngoko Amahandiko anganatuwatikya omo maisha wetu n’omo biro ebyo tulimo lino. Likatolera itwe bosi itwasondya omo Biblia syetu emilondo eyikahulawa. Omukania abihwa, hakabya erigha “OMunara wa Mulinzi” (Akalebereryo k’Omuteya) omo saha ngyima. Obuli mundu akahabawa omwanya w’erikania oko mwatsi owali omo Munara wa Mulinzi. Omukania oyu akatukanganaya ngoko twangakwama obusondoli bw’eBiblia omo maisha wetu. Omo kihugho kyosi, esyondeko kulenga 100 000 sikigha omwatsi mughumerera.

Tuk’igha ngoko twangakangirirya ndeke. Omo katikati ke yenga tukahindana haghuma erikwama e programe ye bihande bisatu eyikahulawamo Utumishi na Maisha ya Mukristo (Omubírí n’Amaisa w’oMukristu). Ikaseghemera amakangirirya awakabanika omo Utumishi na Maisha ya Mukristo Buku la Mukutano (Katabu k’Omuhindano Omubírí n’Amaisa w’oMukristu). Ekihande ky’erimbere ky’omuhindano oyu, Eby’obughuli omo Kinywa ky’oMungu, akatuwatikaya eriminya ndeke ekihande kilebe ky’eBiblia ekyo endeko ilyasoma embere. Enyuma syaho, Eriyiherera omo mubírí w’erihubirya, mukabya ebikanganisyo ebikakanganaya ngoko tyangakania n’abandi oko Biblia. Omuhani akatukanganaya ngoko twangasoma n’erikania ndekendeke. (1 Timoteo 4:13) Ekihande ky’akasatu, Amaisa w’oMukristu, tukigha ngoko twangakolesya esyokanuni sy’eBiblia ebiro byosi. Mukabya omukania w’eribulya abandu amabulyo awakatuwatikaya eryowa eBiblia ndekendeke.

Omughulu ukandisyahika oko mihindano yetu, ukandisyatsema kutsibu ukalangira ngoko tuk’igha eBiblia nebyo tukakangiribawa.​—Isaya 54:13.

• Emihindano yetu ikakolawa yiti?

• Oko mihindano eyo tukakola obuli yenga, wanzire iwatsuka oko yahi?