Erisonda ly’oMungu niki?
OMungu anzire itwikala kera na kera omo buholo n’obutseme oko kihugho paradiso!
Wanganayibulya uti eki kyanganatokekana? EBiblia ikatubwira yiti Obwami b’oMungu bukandikola omwatsi oyu, kandi oMungu anzire abandu bosi ibigha emyatsi minene eyilebirye Obwami obo n’emyatsi eyo akatuteghekaniraya.—Esyonyimbo 37:11, 29; Isaya 9:7.
OMungu anzire itwabya ndeke.
Ngoko omubuti mubuya akanza abana biwe ibabya ndeke, Tata wetu w’elubula anzire itwikala kera na kera omo butseme. (Isaya 48:17, 18) Abirilagha ngoko ‘oyukakola erisonda ly’oMungu akandisyabyaho kera na kera.’—1 Yn. 2:17.
OMungu anzire itwakwama esyonzira siwe.
EBiblia ikabugha yiti oMuhangiki wetu ‘akatukangiriraya esyonzira siwe’ tutoke ‘erilendera omo syombalu siwe.’ (Isaya 2:2, 3) Abiriteghekania “abandu busana n’erina liwe” batoke erikangirirya erisonda liwe omo kihugho kyosi.—Emibiri 15:14.
OMungu anzire itwamuramya omo bughuma.
Eriramya lye kwenene sirilighaba abandu, aliwe likaleka ibabya omo bughuma n’olwanzo lwe kwenene. (Yoane 13:35) Ni bahi munabwire abakakangiriraya abandu b’ehosi-hosi ngoko bangakolera oMungu omo bughuma? Akatabu kano kakandikania oko mwatsi oyo.
Langira na bino
EKYERIMINYA O’KWITHWE
Tukigha eBiblia n’abandu tuti?
Omo kihugho kyosi, Abimiri ba Yehova basibwe ngoko bakigha eBiblia n’abandu butsiriliha. Lebaya ngoko bakakola.
EKYERIMINYA O’KWITHWE
Busanaki litolere er’iga eBiblia?
Ebiblia yikaha abandu banene ebisubiryo oko mabulyo makulu makulu awalebirye engebe. Unanzire naghu iwabana ebisubiryo ebyo?
