Wamabya iwukigha eBiblia n’omughuma w’Abimiri ba Yehova, alinga ukanasoma emyatsi eyo mukand’igha embere ahike. Kyuwene erikola utya embere syerighenda oko mihindano utoke eritsemerayo. Wamabya n’eprograme eyuwene, iwukenditoka.

Uhireho endambi n’erisombola aher’ighira. Ukalengekanaya uti ni mughulu wahi ukabya iwunatekene? Omo tututu, embere syeritsuka emibiri, kutse omwigholo abana babighotsera? N’omo wangabya isiwang’igha omo ndambi nene, lebaya nga wang’igha omo ndambi yingahi, n’eryo siuleke ekindu kyosi-kyosi kikukenderaye. Sondaya omwanya owatekene, kandi ulimaye ebyanga kukenderya nge radio, etelevizyo, n’etelefone. Erisaba embere syer’igha likandikuwatikya ubirirawe amalighe w’ebiro byosi utoke erihira amalengekania wawu wosi oko Kyinywa ky’oMungu.​—Abanya Filipi 4:6, 7.

Hira omukwarari oko nzumwa n’eriteghekania ebyo wangasubya oko mabulyo. Tsuka eriminya enzumwa ngulu yo mwatsi. Lengekanaya oko mutwe mukulu wo mwatsi, lebaya emitwe mike-mike nga yihambene yiti n’omutwe mukulu, kandi lebaya esyofoto n’amabulyo awakakuwatikaya eriminya esyonzumwa ngulu-ngulu. Neryo soma obuli fungo, kandi usondaye ekyo wangasubya oko buli libulyo. Usome emilondo eyikanganibwe, n’erilebya ngayihambene yiti n’omwatsi owo ukasoma. (Emibiri 17:11) Wamabibana ekyo wangasubya, hira omukwarari owangakwibukya ahikwa he binywa ebiri omo fungo. Neryo, oko muhindano, wanganakangania ebyala byaghu n’erisubya omo binywa byaghu bike.

Erigha emyatsi mbiri-mbiriri eyo tukakanayako oko mihindano yetu obuli yenga, likanditomeka oko ebyo wasi kwe bihya-bihya.​—Matayo 13:51, 52.

• Wangakola ki utoke eriteghekania emihindano?

• Wangana yiteghekania uti utoke erisubya omo mihindano?