Wasingya eribana endambi yerisoma akatabu kano kundi wanzire erituminya itwe ng’Abimiri ba Yehova, eriminya ebyo tukakola, n’eriminya endondeko yetu yo ndeke. Tukalengekanaya tuti mbino kamabikuwatikya erilangira ngoko n’itwe tukakola erisonda lya Yehova munabwire. Tukakuhira mw’omuhwa w’erilola embere erigha, eribwira abomo kihanda kyawu n’abira bawu oko myatsi eyo ukigha n’eribya ukahindana netu.​—Abaebrania 10:23-25.

Ukendiminya ngoko erilola embere erigha oko Yehova, likaleka uwaminya kwenene ngoko akwanzire. Eki kikandileka iwakola ekyosi-kyosi ekyo wangatoka erikangania nawu ngoko umwanzire. (1 Yoane 4:8-10, 19) Aliwe wangakangania uti omo mibere yawu eyo buli kiro ngoko wanzire oMungu? Wangahabuka uti omwikwama esyokanuni sy’oMungu okwiminya ebibi n’ebibuya? Ni kyahi ekikendi kuhiramo omuhwa w’erikola erisonda ly’oMungu netu? Oyukakwighisaya eBiblia akanditsema erikuwatikya eribana eby’erisubirya utoke iwe n’ekihanda kyaghu ‘eriyibika omo lwanzo l’oMungu, ekikaleta engebe y’erikota.’​—Yuda 21.