Oyukathabala Ekihugho Kyosi Kwenene Nindi?
Ukalengekanaya uthi . . .
-
y’oMungu?
-
b’abandu?
-
kutse ghundi?
EBIBLIA IKABUGHA YITHI
“Ekihugho kyosi kikere omo buthoki b’Omubi.”—1 Yoane 5:19, Kinandi Bible 1996.
‘Omughala w’oMungu mwaminyikala . . . busana n’eritsandya emibiri ya Sitani.’—1 Yoane 3:8, NW.
ERIMINYA EKWENENE EYI LIKANDIKUWATHIKYA LITHI?
Ukandiminya ekikaleka ekihugho ikyabya mw’eryaghalwa.—Eribisulirwa 12:12.
Ukandiminya ekyangaleka iwikirirya kwenene kw’ekihugho kikasyuwana.—1 Yoane 2:17.
EBIBLIA IKABYA YABUGHA YITHI EKIHUGHO KIKASYUWANA, NINA KWENENE?
Hali myatsi eyisathu eyikaleka itwikirirya:
-
Obuthabali bwa Sitani bwabiritswerwa. Yehova athi syangasyasuba enyuma, akendilusyaho obuthabali bwa Sitani. Akalagha ‘eribughaho Sitani,’ n’eribughaho eryaghalwa lyosi erikalwa oko Sitani.—Abaebrania 2:14, NW.
-
OMungu abirisombola Yesu m’oMuthabali w’ekihugho kyosi. Yesu syali nga Sitani. Sitani ni muthabali oyutheghanyira, syatsomene abandu. OMungu abirilagha ebyo Yesu akandisyakola omo buthabali bwiwe. ‘Akasyakwira obulighe ababiri ghonerwa, n’abera akasyabalusaya omwilyathirwa n’omwikolerwa ebitsibu n’erilamya bo.’—Esyonyimbo 72:13, 14.
-
OMungu syalibugha amabehi. EBiblia yithi: ‘OMungu syangatheba nahake.’ (Abaebrania 6:18) Eky’oMungu akalagha kikabya nga kyamabikoleka! (Isaya 55:10, 11) ‘Omuthabali w’ekihugho kino akasyaghuswa eyihya.’—Yoane 12:31.
THERI YIBULYA
Ekihugho kikasyabya kithi omughulu obuthabali bwa lino bukasyahwaho?
EBiblia ikakanaya oko mwatsi oyo omo ESYONYIMBO 37:10, 11 n’omo ERIBISULIRWA 21:3, 4.
Langira na bino
ESSENTIAL BIBLE TEACHINGS
Busanaki oMungu akalekereraho eryaghalwa?
EBiblia ikaleta ekisubiryo ekyuwene n’ekikasubaya mutima omo nda.
SPECIAL CAMPAIGN
Busanaki litolere er’iga eBiblia?
Ebiblia yikaha abandu banene ebisubiryo oko mabulyo makulu makulu awalebirye engebe. Unanzire naghu iwabana ebisubiryo ebyo?
