Uyihire okwisoma n’erikangirirya
Akatabu kano kahandikawa erikuwatikya eryuwania obutoki bwaghu bw’erisoma embere sy’abandu bangyi n’obutoki bwaghu bw’erikania n’erikangirirya.
Ebaruha erilua oko Kyaghanda Ekikasondola
Tukakangiriraya omwatsi mukulu owate atahabwa abandu.
ESOMO 2
Eribugha ng’ukakanaya n’owundi
Eribugha ng’ukakanaya n’oghundi kikaleka abahulikiriri baghu ibatekana n’eribawatikya eriligha omwatsi waghu.
ESOMO 3
Erikolesya amabulyo
Omo menge, bulaya amabulyo awangaleka abandu ibanza erikuhulikirira n’erihira omuwato w’oko myatsi mikulu-mikulu.
ESOMO 4
Eritangirirya Amasako wo ndeke
Lebaya ngoko wangateghekania amalengekania w’abahulikiriri embere sy’erisoma erisako.
ESOMO 5
Erisoma ndeke
Erisoma ndeke ni nzira nguma y’omughaso munene ey’eriwatikya abandu eribana amenge wa Yehova.
ESOMO 6
Erikangania ndeke ngoko Erisako ryangakolesibwa
Watikaya abahulikiriri baghu balangire ngoko erisako lihambene n’enzumwa eyo ukakanayako.
ESOMO 7
Omwatsi owe kwenene kandi owakawatikaya erikirirya
Omwatsi owe kwenene kandi owakawatikaya erikirirya akendiwatikya abahulikiriri baghu eriyisogha ndeke.
ESOMO 8
Eby’erileberyako ebikakangiriraya
Omw’ikangirirya ryaghu, kolesaya eby’erileberyako ebyolobire ebyangakura obulengekania bw’abahulikiriri kandi ebyanganakangirirya esyonzumwa ngulu-ngulu.
ESOMO 10
Eribindula omulenge
Bindulikanaya omulenge eribukya eriyowa ly’abahulikiriri baghu n’eribahira mw’omuhwa w’eriyira ekyo bakakola.
ESOMO 11
Erikania n’omuhwa
Erikania n’omuhwa kikakanganaya ndeke eriyowa eryo uwite n’eriwatikya erihamba amalengekania w’abahulikiriri baghu.
ESOMO 12
Erikania omo bolo n’omo lwanzo
Wamakania omw’ikangania eriyowa ry’ekwenene, ukakanganaya ko utsomene abahulikiriri baghu.
ESOMO 13
Erikangania abahulikiriri ngoko bangakolesya omwatsi
Watikaya abahulikiriri baghu eriyiteghererya ngoko omwatsi angatula oko ngebe syabo, kandi bakanganaye nga bangakolesya bati ebyo bamigha.
ESOMO 14
Erihira omuwato oko syonzumwa ngulu-ngulu
Watikaya abahulikiriri baghu erikwama omukania waghu wo ndeke, kandi ukanganaye ndeke-ndeke ngoko obuli nzumwa ngulu yihambene n’ekyo omukania waghu akwamirire n’omutwe wagho.
ESOMO 15
Erikania omo nzira eyikakanganaya ko wikirirye ebyo ukabugha
Kanaya omo nzira eyikakanganaya ko wikirirye ebyo ukabugha. Kanganaya ko wikirirye kundu ngoko ebyo ukabugha ni by’ekwenene kandi ngoko ni by’omughaso.
ESOMO 16
Erisubya abandu b’omutima
Himba omo mwanya w’erihanda omunwe oko makosa. Watikaya abahulikiriri erilangira ekwenene eyikahumulikanaya eyiri omo Kinywa ky’oMungu.
ESOMO 17
Eribugha emyatsi eyowikire
Watikaya abahulikiriri baghu balangire ndeke omwatsi waghu ng’akasond’ibugha atiki. Kanganaya ndeke esyonzumwa ngulu-ngulu.
ESOMO 18
Erikangirirya ndeke abahulikiriri baghu
Watikaya abahulikiriri baghu erilengekania oko mwatsi batoke erilangira ngoko hane kindu kilebe ky’omughaso ekyo bamigha.
ESOMO 19
Eriyikasa eritula oko mutima
Hira omo bahulikiriri baghu m’omuhwa w’eryanza oMungu n’eKinywa kiwe, eBiblia.
ESOMO 20
Eribughirira ndeke
Eribughirira ndeke rikendiwatikya abahulikiriri baghu eriligha n’erikolesya ebyo bamigha.
Handika erikula lyawu
Uhandike erikula lyawu ukayikasa eryuwania obutoki bwaghu bw’erisoma n’erikangirirya.