Ubye n’amalengekania awuwene oko bahulikiriri baghu. Wikiriraye ngoko abikirirya balikyenyu banzire erikolera Yehova. Nibya nomo wangabya iwukenditeka erihano, omughulu kyamatokekana, utsuke erisima erilua oko mutima.

Isiwakanaya kutsibu oko ebikabuna mutima. Ukanaye lisa oko bikabuna mitima hamabya ihane kwenene omwatsi owakaleka iwakola utya. Litolere ebingyi ebyo ukakanayako ibyabya ebikahimba.

Ukolesaye ndeke ekinywa ky’oMungu. Watikaya abandu erilangira ebyo Yehova abirikola, eby’anemukola, n’eby’akendikolera abandu omo biro ebikasa. Uhire omo bahulikiriri baghu m’omuhwa n’eribasikya mutima.