Uwatikaye abahulikiriri eriyilebya ibibene-bene. Bulaya amabulyo awatesaba abahulikiriri erisubirya omo mulenge eribawatikya bayilebaye ibibene-bene emwisi syabo.

Uwatikaye abahulikiriri babye n’ekileka ekyuwene ekikabakuna erikola. Watikaya abahulikiriri bayiteghereraye ekikaleka ibakola ebyuwene. Bawatikaye eribya bakakunwa n’ekileka ekyuwene, ni bughambu, olwanzo oko Yehova, oko balikyabo, n’eryanza amakangirirya w’eBiblia. Lengekanaya n’abahulikiriri baghu; isiwabya ng’ukababwiririra. Omo mwanya w’eribahemula kutse erileka ibayowa nga baliko lubanza, oko nduli y’omukania waghu, ubasighe ibabirihimbwa, ibabiribya n’omuhwa w’eriyikasa ngoko bangatoka.

Uwatikaye abahulikiriri baghu erihira amalengekania wabo w’oko Yehova. Kanganaya ngoko amakangirirya, esyokanuni, n’ebyalayiro by’eBiblia bikakanganaya emibere mibuya y’oMungu n’olwanzo olo ali nalo okwitwe. Hira omo abahulikiriri m’omuhwa w’eribya bakatsuka erilebya Yehova ng’akalangira emyatsi y’ati n’eribya n’engumbu y’erimutsemesya.