ESOMO 02
EBiblia ikatuha amaha
Omo kihugho kyosi abandu bakalola oko maligho awakabaletera obulighe, erihangya-hangya, n’eryaghalwa. Naghu wabirilola oko mwatsi mulebe owaleka iwayowa utya? Kwa muhwa ukaghalawa busana n’obukoni bulebe kutse kusangwa omundu mulebe oyo wabya wanzire abirihola. Wanganayibulya uti, ‘engebe inemwendisyasyuwana?’ EBiblia ikaleta ekisubiryo ekikasubaya mutima oko ribulyo eryo.
1. EBiblia ikatuha amaha wahi oko mughulu owakasa?
EBiblia ikatukanganaya ekikaleka ekihugho ikyusula mw’amaligho, kandi yirimo engulu mbuya eyikakangaya ngoko hakisiya hake oMungu inyabughaho amaligho wosi. Esyondaghane sy’eBiblia ‘syanganakuha amaha oko mughulu owakasa.’ (Soma Yeremia 29:11, 12.) Esyondaghane esyo sikatuwatikaya erilwa n’amaligho wetu wa munabwire, eribya n’amalengekania awatolere, kandi sikaleka itwabya n’amaha w’erisyabana obutseme bwa kera na kera.
2. EBiblia ikatulagha yiti ebiro ebikasa bikasyabya biti?
EBiblia ikakanganaya ngoko omo biro ebikasa, ‘oluholo silwendisyasyabyaho kutse eririra, kutse erisusumana, kutse eryaghalwa sibyendisyasyabyaho.’ (Soma Eribisulirwa 21:4.) Emyatsi eyikaleka abandu ibabula amaha munabwire, ng’obwera, erikolerwa omo butatunganene, amakoni, n’oluholo, sibyendisyasyabyaho. EBiblia ikalagha yiti abandu bakasyatsemera engebe yo kera na kera omo Paradiso oko kihugho.
3. Ekyangakuwatikya erikirirya ngoko esyondaghane sy’eBiblia sikasyabererera niki?
Abandu bangyi bakalindirira bati emyatsi mibuya yikasyabya, aliwe sibawite ekikabakanganaya ngoko amaha wabo akasyabererera. Ebyo eBiblia ikatulagha ni by’ekwenene. Twanganikirirya ebyo ikabugha ‘omwisondya-sondya omo Masako.’ (Emibiri 17:11) Omughulu ukigha eBiblia iwuwene-wene wanganasombola nga ukendikirirya kutse iyehe ebyo ikabugha oko mughulu owakasa.
WIGHE BINGYI
Ulebaye emyatsi milebe eyo eBiblia ikatulagha oko biro ebikasa. Ulebaye ngoko amaha awo eBiblia ikatuha anemuwatikya abandu bo munabwire.
4. EBiblia ikatulagha ngoko twanganabyaho kera na kera butsira eryaghalwa
Ulebaye esyondaghane nyilebe esikwamire esikabanika omo Biblia. Ni ndaghane yahi eyo ukatsemera kutsibu? Busanaki?
Musome amasako awakanganibwe ahali esyondaghane esyo, neryo musubiraye oko mabulyo ano:
-
Amasako aya anamakuha amaha? Ukalengekanaya uti anganawatikya ab’omo kihanda kyaghu n’abira baghu nabo babye n’amaha?
Uyilangire omo kihugho ekyo:
|
SIHALI OMUNDU . . . |
OBULI MUNDU . . . |
|---|---|
|
|
|
|
|
|
|
|
|
|
5. Esyondaghane sy’eBiblia syanganawatikya abandu bo munabwire
Abandu bangyi bakaheraya amaha kutse erihitana busana n’ebitsibu ebyo bakalangira. Abandi bakayikasa erisonda eryuwania emyatsi. Ulebaye ngoko endaghane y’eBiblia eyikakanganaya ngoko emyatsi ikendisyuwana ikawatikaya abandu bo lino. Mukwame EVIDEO, neryo musubiraye oko mabulyo awakwamire.
-
Omo video, ni butatunganene bwahi obwahanga-hangaya Rafika?
-
Nomo obutatunganene obo mobutahwa, eBiblia moyamuwatikya yiti?
Erikirirya ebyo eBiblia ikatulagha oko biro ebikasa lyanganatuwatikya erilwa n’eriherya amaha n’eribya n’obutseme nomo twangabya omo maligho. Musome Emisyo 17:22 na Abanya Roma 12:12, neryo musubiraye oko ribulyo rino:
-
Wamikirirya ebyo eBiblia ikabugha oko biro ebikasa, ukalengekanaya uti engebe yaghu yanganuwana lino? Busanaki?
ABANDU BALEBE BAKABUGHA BATI: “Esyondaghane sy’eBiblia esilebirye omughulu owakasa ni kisehya, si myatsi y’ekwenene.”
-
Busanaki ni ky’omughaso erisonda eriyiminyira ngoko esyondaghane sy’eBiblia ni myatsi y’ekwenene?
MUKIGHA MYATSI YAHI?
Omo Biblia muli esyondaghane nyingyi esilebirye omughulu owakasa. Sikatuha amaha n’erileka engebe yetu iyuwana munabwire.
Eriyibukya
-
Busanaki litolere abandu ibaminya esyondaghane sy’oMungu?
-
EBiblia ikabugha yitiki oko mughulu owakasa?
-
Busanaki eriminya esyondaghane sy’oMungu oko mughulu owakasa lyanganatuwatikya lino?
EBINDI EBY’ERIMINYA
Wighe ngoko eribya n’amaha lyanganakuwatikya omughulu uli omo maligho.
Ulangire ngoko eribya n’amaha omo biro ebikasa lyanganawatikya abali n’obukoni obutelama.
“EBiblia yanganawatikya oyuli n’obukoni obutelama?” (Omwatsi w’oko jw.org)
Ukakwama evideo y’omuziki eyi, uyilangire iwe n’ekihanda kyaghu mukatsemera engebe omo Paradiso eyo eBiblia yabirilagha.
Ulebaye ngoko busana n’erigha esyondaghane sy’eBiblia, omundu oyo wabya omo kitunga ekikatsotsaya eribindula ekihugho, mwabindula engebe yiwe.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
