ESOMO 01
EBiblia yangakuwatikya yiti?
Itwe bosi twanzire eriminya emyatsi mingyi eyilebirye engebe, amaghali, oluholo, n’omughulu owakasa. Kandi tulaghire oko buwatikya tutoke erikinda amaligho, ng’eribana esyofranga esy’erighula ebyo tulaghireko, kutse ngoko twangatoka eribya n’obutseme omo bunyumba bwetu. Abandu bangyi bikirirye ngoko eBiblia ikabawatikaya eribana ebisubiryo oko mabulyo w’omughaso, na kandi ikabaha amahano awatolere aw’erikolesya omo ngebe y’obuli kiro. Kwenene eBiblia yanganawatikya obuli mundu!
1. EBiblia ikasubiraya oko mabulyo malebe wahi?
EBiblia ikasubiraya oko mabulyo w’omughaso ano: Engebe yatsuka yiti? Ekyaleka oMungu inyahangyika abandu niki? Abandu abuwene bakaghalawa busanaki? Omughulu omundu akahola, akabya omo mibere yahi? Obuli mundu amabya inianzire obuholo, ekikaleka ihabya amalwa niki? Ekihugho kikasyabya kiti omo biro ebikasa? EBiblia ikatuhana erisonda ebisubiryo oko mabulyo ayo, n’akandi abandu bangyi babiritsemera ebisubiryo ebyo eBiblia ikaleta.
2. EBiblia yangatuwatikya yiti tutoke eritsemera engebe yetu y’obuli kiro?
EBiblia ikatuha amahano awuwene. Eky’erileberyako, ikakangiriraya ebihanda ngoko byangabana obutseme bw’ekwenene. Ikatubwira ebyo twangakola omughulu erihangya-hangya rikatuhikira, kandi ngoko twangatsemera omubírí wetu. Omughulu tukendibya tukigha haghuma, ukendiminya ebyo eBiblia ikakangiriraya oko myatsi eyi, n’oko yindi myatsi mingyi. Ukendiligha ngoko “amasako wosi [obuli mwatsi owakabanika omo Biblia] . . . awite endundi.”—2 Timoteo 3:16.
Ekitabu kino sikirimaya omwanya w’eBiblia. Aliwe, kikakuwatikaya erigha eBiblia iwuwene-wene. Busana n’ekyo, tukakuhana eribya ukasoma amasako awakabanika omo syosomo n’erilangira ng’ahambene ati n’emyatsi eyo ukigha.
WIGHE BINGYI
Langira ngoko eBiblia yabiriwatikya abandu, ngoko wangatsemera erisomayo, kandi busanaki litolere iwabana obuwatikya utoke eryowayo.
3. EBiblia yanganatusondola
EBiblia ilingene n’ekyakakala ekikatukoleraya. EBiblia yanganatuwatikya eriyisogha ndeke n’eriminya emyatsi eyikendisyabya omo biro ebikasa.
Musome Esyonyimbo 119:105, neryo musubiraye oko mabulyo ano:
-
Oyo wahandika ebinywa ebi abya akalengekania okuki?
-
Naghu ukalangira eBiblia yo wuti?
4. EBiblia yanganasubirya oko mabulyo wetu
Omukali mughuma mwalangira ngoko eBiblia moyasubirya oko mabulyo awo abya akayibulya omo myaka mingyi. Kanganaya EVIDEO, neryo musubiraye oko amabulyo awakwamire.
-
Omukali oyo tulyalangira omo video, abya n’amabulyo wahi?
-
Erigha eBiblia mulyamuwatikya liti?
EBiblia ikatuhana eribulya amabulyo. Musome Matayo 7:7, neryo musubiraye oko ribulyo rino:
-
Uli n’amabulyo wahi awo eBiblia yangasubiryako?
5. Wanganatsemera erisoma eBiblia
Abandu bangyi bakatsemera erisoma eBiblia, kandi inemubawatikya. Mukwame EVIDEO, neryo musubiraye oko mabulyo awakwamire.
-
Abalwana abakanganibwe omo video, mobayowa bati oko mwatsi w’erisoma?
-
Nomo sibalitsemera erisoma, busanaki bakanza erisoma eBiblia?
EBiblia ikatuha amahano awakatusubaya mutima n’erituha amaha. Musome Abanya Roma 15:4, neryo musubiraye oko ribulyo rino:
-
Ukanatsemera emyatsi eyo eBiblia ikatulagha eyikatusubaya mutima omo nda n’erituha amaha?
6. Abandi banganakuwatikya eryowa eBiblia
Abandu bangyi bakasoma eBiblia ibibene-bene, aliwe babirilangira ngoko erigha eBiblia haghuma n’abandi rikabawatikaya. Musome Emibiri 8:26-31, neryo musubiraye oko ribulyo rino:
-
Twangowa eBiblia yo tuti?—Lebaya emilondo 30, 31.
Omulume Muetiopia abya alaghire oko buwatikya atoke eryowa Amasako. Munabwire abandu bangyi bakalangira ngoko erigha eBiblia haghuma n’abandi likabawatikaya
ABANDU BALEBE BAKABUGHA BATI: “Erigha eBiblia ni herya endambi.”
-
Naghu wangabugha utiki? Busanaki?
MUKIGHA MYATSI YAHI?
EBiblia ikatuha amahano awalebirye engebe y’obuli kiro, ikasubiraya oko mabulyo w’omughaso, kandi ikasubaya abandu mutima n’eribaha amaha.
Eriyibukya
-
Omo Biblia, mukabanika amahano wa muhanda wahi?
-
Ni mabulyo malebe wahi awo eBiblia ikasubirayako?
-
Wanzire iwigha omo Biblia mo myatsi yahi?
EBINDI EBY’ERIMINYA
Ulangire ngoko eBiblia ikatuha amahano awatolere munabwire.
“Amakangirirya w’eBiblia ni w’amenge mughulu wosi” (Munara wa Mulinzi Na. 1 2018)
Ulebaye ngoko eBiblia yawatikaya omulume oyo wabya iniabirighalibwa omo mutima n’omo bwenge erilua omo bwana bwiwe.
Wighe amahano w’eBiblia awuwene awalebirye engebe omo bunyumba.
“Esyo siri 12 esikawatikaya eribya n’obutseme omo bunyumba” (Amuka! Na. 2 2018)
Wighe ngoko eBiblia ikahengemula amalengekania awo abandu bali nagho oko oyukatabala kwenene ekihugho kino.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
