ESOMO 06
Engebe yatsuka yiti?
‘OMungu yo nzuko y’engebe yosi.’ (Esyonyimbo 36:9) Unikirirye ebinywa ebyo? Abandu balebe bakalengekanaya bati engebe yayibutukira, sihali oyo watsukisayayo. Eyo yamabya kwenene, ini bughambu tuliho kundi twayibutukira. Aliwe Yehova amabya iyowatsukisaya engebe, neryo ihane ekyaleka inyahangyika engebe. Ko bite bitya? a Ulebaye emyatsi eyo eBiblia ikakanaya oko nzuko y’engebe kandi ngoko ni ky’amenge erikirirya emyatsi eyo mo y’ekwenene.
1. Ekihugho n’ekyanya kyosi byalua hayi?
EBiblia ikabugha yiti: “Okwitsuka oMungu mwahangyika olubula n’ekihugho.” (Enzuko 1:1) Abandu b’esiyase bangyi bikirirye ngoko ekihugho n’ekyanya kyosi binawite enzuko. OMungu abihangyika ati? Mwakolesya ‘akaghala kiwe akakakola’—ekirimu kibuyirire—erihangyika obuli kindu ekiri oko kihugho n’omo kyanya kyosi; erihirako esyogalaksi, esyongununu, n’esyoplanete.—Enzuko 1:2.
2. OMungu ahangyika ekihugho kyo busanaki?
Yehova “mwatahangyika ekihugho eribya mulala, mwahangyikakyo kikalawemo.” (Isaya 45:18) Mwahangyika ekihugho kibye bwikalo obuwene obuli m’obuli kindu ekyo omundu alaghireko atoke eribyaho kera na kera. (Usome Isaya 40:28; 42:5.) Abandu b’esiyase bakabugha bati ekihugho ni kihangyikwa ky’embaghane. Oko kihugho kisa kw’engebe y’omundu yikatokekana.
3. Ekikaleka abandu ibabya n’emibere eyisighene ne y’esyonyama niki?
Enyuma sy’erihangyika ekihugho, Yehova mwahangyikira kukyo kw’ebihangikwa ebiri n’engebe. Eky’erimbere musyulya oko kihugho kw’ebiti, emiti, n’esyonyama. Neryo, “oMungu mwahangyika omundu omo kisosekanio kiwe.” (Soma Enzuko 1:27.) Ekikaleka omundu iniabya n’emibere eyisighene n’ebindi bihangyikwa ebiri oko kihugho niki? Kundi itwe bandu motwahangyikwa omo kisosekanio ky’oMungu, twanganabya n’emibere yiwe ng’olwanzo n’obutunganene. Kandi mwatuhangyika n’obutoki bw’erigha emibughe, eritsemera ebindu ebighambire, n’eritsemera omuziki. Kandi twanganaramya Omuhangyiki wetu, aliwe esyonyama sisyangatakola sitya.
WIGHE BINGYI
Ulebaye ebikakanganaya ngoko engebe yiwite enzuko kandi ngoko ebyo eBiblia ikakanaya oko buhangyiki si mwatsi w’eritunga. Wighe emibere mibuya eyo abandu bali nayo nga ikatwighisayaki oko Mungu.
4. Engebe yahangyikawa
Abandu bakapipawa babikokotya ebindu bilebe bakaleberya oko ebyo bakalangira oko kihugho. Neryo nindi yutolere eripipwa busana n’ebindu ebiri oko kihugho ebikimibawa kw’ebisosekanio ebyo? Mulebaye EVIDEO, neryo musubiraye oko mabulyo awakwamire.
-
Abandu abakakokotaya ebindu, mobaleberya oko bindu byahi ebyahangyikawa?
Obuli nyumba ikahimbawa n’omundu. Nikwa nindi yo wahimba kutse erihangyika ebindu byosi? Musome Abaebrania 3:4, neryo musubiraye oko mabulyo ano:
-
Ni bihangyikwa byahi byo bikakuswekaya?
-
Busanaki ni mwatsi w’amenge erikirirya tuti ekihugho n’ekyanya kyosi n’ebyosi ebiri mubyo byahangyikawa?
Unalwe wasi?
Wanganabana emyatsi n’esyovideo esikakanaya oko mwatsi oyu sy’oko jw.org n’omo myatsi eyiri n’omutwe “Byahangyikawa kutse Byayibutukira?” ‘n’Erilengekania oko nzuko y’engebe.’
‘Kusangwa obuli nyumba ikahimbawa n’omundu, nikwa oMungu ni muhimbi w’emyatsi yosi’
5. Twanganikirirya ngoko ebyo eBiblia ikakanaya oko buhangyiki si mwatsi w’eritunga
Omo Enzuko esura 1, eBiblia ikakanaya oko nzuko y’ekihugho kandi ngoko engebe yatsuka kukyo. Unikirirye omwatsi oyo, kutse ukalangira nga ni ndekerano y’eritunga? Mulebaye EVIDEO, neryo musubiraye oko mabulyo awakawamire.
-
EBiblia ikakangiriraya yiti ekihugho n’engebe eyiri kukyo byahangyikawa omo biro ndatu, n’obuli kiro ikiri mw’esyosaha 24?
-
Ukalengekanaya uti ebyo eBiblia ikakangiriraya oko buhangyiki ni mwatsi atolere kandi ni w’amenge? Ukabugha utya busanaki?
Musome Enzuko 1:1, neryo musubiraye oko ribulyo rino:
-
Abandu b’esiyase bakabugha bati ekihugho n’ekyanya kyosi binawite enzuko. Busanaki ebyo bakabugha bihambene n’ebyo tukabisoma omo Biblia?
Abandu balebe bakayibulaya oMungu ng’anatsukisaya engebe erilabira omwihinduka-hinduka. Musome Enzuko 1:21, 25, 27, neryo musubiraye oko mabulyo ano:
-
EBiblia ikanakangiriraya yiti oMungu mwahangyika ebindu neryo amabileka bihinduke-hinduke mo samaki, mo syonyama, kandi mo bandu? Kutse mwahangyika emihanda yosi y’erimbere-mbere y’engebe? b
6. Abandu ni bihangyikwa by’embaghane by’oMungu
Itwe bandu tusighene n’esyonyama esyo Yehova ahangyika. Musome Enzuko 1:26, neryo musubiraye oko ribulyo rino:
-
Kundi motwahangyikwa omo kisosekanio ky’oMungu, obutoki obo tuli nabo obw’erikangania olwanzo n’erikwira abandi b’obulighe bukakanganaya ngoko oMungu naye ali n’emibere yahi?
ABANDU BALEBE BAKABUGHA BATI: “Ebyo eBiblia ikakangiriraya oko bihangyikwa ni myatsi y’eriyitungira.”
-
Iwe ukalengekanayaki oko mwatsi oyo? Busanaki?
MUKIGHA MYATSI YAHI?
Yehova yo wahangyika ekihugho n’ekyanya kyosi n’ebindu byosi.
Eriyibukya
-
EBiblia ikakangirirayaki oko nzuko y’ebihangyikwa byosi?
-
OMungu mwanaleka emihanda mbiri-mbiriri y’ebindu yihinduke-hinduke kutse mwahangyika ebindu byosi?
-
Ekikaleka abandu ibabya bihangyikwa bw’embaghane niki?
EBINDI EBY’ERIMINYA
Ulebaye eby’erileberyako bilebe ebikakanganaya ngoko hane omuhangyiki.
“Ebihangyikwa bikatukangirirayaki?” (Amkeni!, Septemba 2006)
Ulebaye ngoko tata angakanirya omwana wiwe ebyo eBiblia ikakangiriraya oko bihangyikwa.
Ulebaye amakangirirya w’erihinduka-hinduka n’amakangirirya w’eBiblia nga binahambene.
Ulebaye emisighalirya y’amakuha wa kera n’ebyo abandu b’esiyase bakabugha nga bikakanganaya engebe nga yahangyikawa kutse nga yayibutikira.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
