ESOMO 10
Emihindano y’Abimiri ba Yehova yangakuwatikya yiti?
Unewatahika oko mihindano y’Abimiri ba Yehova? Wamabya isiwuliwatahika kuyo, wanganubaha hake erihika kuyo kw’engendo y’erimbere. Wanganayibulya: ‘Emihindano eyo yikalabamo myatsi yahi? Busanaki ni y’omughaso? Busanaki litolere inahika kuyo?’ Omo somo eno ukendigha ngoko erihindana haghuma n’abandi lyanganaleka iwayitunda hakuhi n’oMungu, kandi ngoko lyangakuletera endundi.
1. Busanaki Abimiri ba Yehova bakahindana haghuma?
Omuhandiki mughuma w’eBiblia mwakangania omwatsi mukulu owakaleka erihindana n’abandi iryabya ly’omughaso. Mwabugha ati: “Ngapipa Yehova omo syo ndeko.” (Esyonyimbo 26:12) Abimiri ba Yehova bakabana obutseme bungyi omughulu bakahindana haghuma. Omo kihugho kyosi, obuli yenga bakahindana eripipa oMungu, erimba, n’erisaba haghuma. Kandi obuli mwaka, bakabya n’emihindano minene-minene y’eriramya oMungu yo haghuma.
2. Ukendigha oko mihindano yetu ko myatsi yahi?
Oko mihindano yetu bakatukangiriraya ebikalua omo Kinywa ky’oMungu, ‘ibasobolyakyo, n’erikangirirya amaana wakyo.’ (Soma Nehemia 8:8, NWT.) Wamahika oko mihindano yetu, iwukendigha eriminya Yehova n’emibere yiwe eyuwene. Omughulu ukalola embere omwigha bingyi oko lwanzo lwiwe, kikakuwatikaya eriyitunda hakuhi naye. Kandi ukendiminya ngoko anganakuwatikya eribya n’engebe eyirimo obuholo.—Isaya 48:17, 18.
3. Erihindana n’Abimiri ba Yehova lyangakuletera ndundi yahi?
Yehova akatusaba ati “tuganiraye ngoko twangibukania oko lwanzo n’emibiri eyuwene, situleke erihindana lyetu haguma.” (Abaebrania 10:24, 25) Oko mihindano yetu ukendisunga kw’abandu abanzene kwenene; kandi abanzire eriminya bingyi oko Mungu ng’iwe. Ukendibahulikirira bakabugha ebinywa ebikahimba ebikalua omo Biblia. (Soma Abanya Roma 1:11, 12.) Kandi ukendiminyana n’abandi bandu, abasimbi, n’abatahenie, abali n’obutseme nomo bangabya ibanemulola oko maligho. Eyo ni myatsi milebe eyikaleka Yehova inyatusaba erihindana haghuma butsirileka!
WIGHE BINGYI
Wighe ebikakolawa oko mihindano y’Abimiri ba Yehova kandi nga litolere itwayikasa erihika oko mihindano eyo ko busanaki.
4. Emihindano y’Abimiri ba Yehova
Omo karne k’erimbere, Abakristo ibakahindana butsirileka batoke eriramya Yehova. (Abanya Roma 16:3-5) Musome Abanya Kolosai 3:16, neryo musubiraye oko ribulyo rino:
-
Abakristo b’erimbere babya bakaramya Yehova yo bati?
Munabwire, Abimiri ba Yehova bakahindana butsirileka oko Kisenge ky’oBwami kutse eNyumba y’oBwami. Eriminya emihindano yabo nga ikakolawa yiti, Mulebaye EVIDEO. Neryo, mulebaye epitsa eye mihindano y’endeko n’erisubirya oko mabulyo awakwamire.
-
Ebyo ulyalangira omo Kisenge ky’oBwami bihulikirirene biti n’ebyo wamasoma omo Abanya Kolosai 3:16?
-
Omo video kutse oko pitsa, mukanalangira mw’eyindi myatsi eyiryakutsemesaya?
Musome 2 Abanya Korinto 9:7, neryo musubiraye oko ribulyo rino:
-
Abimiri ba Yehova sibalisaba esyofranga sy’oko mihindano yabo busanaki?
Haghuma n’oyukakwighisaya eBiblia, mulebaye emyatsi eyikendikanibwako oko mihindano eye yenga eno.
-
Ni kitswe ky’omuhindano kyahi kyo wamalangira uti kikendibya ky’omughaso okwiwe?
Unalwe wasi?
Wanganabana oko jw.org kw’eyo emihindano yetu ikakolawa n’omughulu ikakolawa omo kihugho kyosi.
-
Oko mihindano yetu kukabya emikania, eby’erilebereryako, n’esyovideo. Tukatsuka n’eribugha emihindano yetu n’olwimbo n’omusabe
-
Omo bitswe bilebe bye programe, bakasaba abahulikiriri erisubirya oko mabulyo malebe
-
Abandu bosi bakakokibawa—ebihanda, abasimbi, abakekeluhire, n’abana
-
Oko mihindano yetu omundu akingira busa. Abimiri ba Yehova sibalisaba esyofranga oko mihindano yabo
5. Litolere eriyikasa erihika oko mihindano
Ulebaye eky’erileberyako ky’ekihanda kya Yesu. Obuli mwaka ibakaghenda olughendo lw’ebilometre 100 bakalaba omo biharo ebirimo ehitwa-hitwa erilua eNazareti erihika eYerusalema. Musome Luka 2:39-42, neryo musubiraye oko mabulyo ano:
-
Ukalengekanaya uti olughendo lw’eriya eYerusalema lwanabya lukasaba eriyikasa?
-
Busanaki naghu erihika oko mihindano lyanganakusaba eriyikasa?
-
Ukalengekanaya uti eriyikasa erihika oko mihindano rine n’omughaso? Busanaki?
EBiblia ikabugha yiti erihindana haghuma busana n’eriramya Yehova ni ry’omughaso munene. Musome Abaebrania 10:24, 25, neryo musubiraye oko ribulyo rino:
-
Busanaki litolere itwahika oko mihindano butsirileka?
ABANDU BALEBE BAKABUGHA BATI: “Eribya ukahindana n’abandi siriri n’omughaso, wanganabya ukigha eBiblia iwune eka waghu.”
-
Ni masako wahi kutse eby’erileberyako byahi ebiri omo Biblia ebikatukanganaya ebyo Yehova anzire?
MUKIGHA MYATSI YAHI?
Erihika oko mihindano rikendikuwatikya eriminya bingyi oko Yehova, eriwatya obwira bwaghu haghuma naye, n’erimuramya haghuma n’abandi.
Eriyibukya
-
Busanaki Yehova akatusaba erihindana haghuma?
-
Ukendigha myatsi yahi oko mihindano y’Abimiri ba Yehova?
-
Ukalengekanaya uti erihika oko mihindano lyanganakuwatikya omo sindi nzira?
EBINDI EBY’ERIMINYA
Ekyangakuwatikya niki wamabya iwukubaha hake erihika oko mihindano? Ulebaye ngoko omulume mulebe oyo wabya akasagha erihika oko mihindano, mwahika okwitsemerayo.
Ulebaye ngoko omulwana mulebe atsemera emihindano n’ekyo akola atoke eribya akahika oko mihindano butsirileka.
Wighe ngoko abandi bakayowa omughulu bakahika oko mihindano.
“Busanaki tuhike oko mihindano omo Kisenge ky’oBwami?” (Omwatsi w’oko jw.org)
Ulebaye ngoko omulume oyo wabya omo kikuto ky’ababandi abakalire mwasuba oko mibere yiwe enyuma sy’erikwama emihindano y’Abimiri ba Yehova.
“Sinabya ngasighania embundu yaghe” (Munara wa Mulinzi, Tarehe 1 Mwezi wa 7, 2014)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
