ESOMO 08
Wanganabya mwira wa Yehova
Yehova anzire iwamuminya ndeke. Busanaki? Anasi ndeke ngoko wamaminya ndeke-ndeke emibere yiwe, esyonzira siwe, n’erisonda liwe, iwukendyanza kutsibu eribya mwira wiwe. Kwenene, omundu anganabya mwira w’oMungu? (Soma Esyonyimbo 25:14.) Wangayira wuti utoke eribya mwira wiwe? EBiblia ikasubiraya oko mabulyo ayo, kandi ikatubisulira ngoko eribya n’obwira na Yehova ly’eribya n’obwira obuwene kulenga emihanda yosi y’obwira.
1. Yehova akakukokaya omwikubwira atiki?
‘Uyitunde hakuhi n’oMungu, naye akendiyitunda hakuhi nawu.’ (Yakobo 4:8) Ekyo ni bughambuki? Yehova akakusaba ati ubye mwira wiwe. Abandu balebe banganalangira eribya bira b’oMungu oyo batelangira nga rikalire. Aliwe, omo Kinywa kiwe, eBiblia, Yehova akatubwira emibere yiwe yosi eyo tutolere itwaminya tutoke eriyitunda hakuhi naye. Omughulu tukigha eKinywa ky’oMungu eBiblia, obwira bwetu naye bukawata nomo tutetwangamulangira.
2. Busanaki Yehova y’omwira oyuwene kulenga abosi abo wangabya nabo?
Sihali omundu oyukwanzire ngoko Yehova akwanzire. Anzire iwabya n’obutseme n’erimusaba omughulu ulaghire oko buwatikya. “Wanganamughusira eriyihangya-hangya lyaghu, kundi akutsomene.” (1 Petero 5:7, NWT) Mughulu wosi Yehova akabya inyanalindirire eriwatikya, erisubya abira biwe mutima omo nda, n’eribahulikirira.—Soma Esyonyimbo 94:18, 19.
3. Yehova anzire abira biwe ibakolaki?
Yehova anzire abandu bosi, “nikwa obwira buwe buli haghuma n’abatunganene.” (Emisyo 3:32) Yehova anzire ati abira biwe ibayikasa erikola emyatsi eyuwene n’eriyihighula okwikola emyatsi eyituwene. Abandu balebe bakalengekanaya bati sibangatoka erikwama ebyalayiro by’oMungu ebilebirye ebibuya n’ebibi. Aliwe, Yehova ni mundu mubuya. Akaligha omundu wosi oyumwanzire kwenene kandi oyukayikasa erimutsemesya.—Esyonyimbo 147:11; Emibiri 10:34, 35.
WIGHE BINGYI
Wighe myatsi mingyi eyangakuwatikya eriminya ngoko wangabya mwira wa Yehova kandi wighe ekikaleka iyuwene inyabya Mwira oyulengire abosi abo wangabya nabo.
4. Abrahamu abya mwira wa Yehova
Ebyo eBiblia ikakanaya oko Abrahamu (kandi abya akahulwa mo Abramu) bikatuwatikaya eriminya eribya mwira w’oMungu nga ni bughambuki. Musome ebyo eBiblia ikakanaya oko Abrahamu omo Enzuko 12:1-4. Neryo musubiraye oko mabulyo ano:
-
Yehova mwasaba Abrahamu ati akoleki?
-
Yehova mwalagha Abrahamu yoki?
-
Abrahamu mwakolaki?
5. Ebyo Yehova anzire ati abira biwe ibakola
Ngendo nyigyi hakabya emyatsi eyo tukanza tuti abira betu ibakola.
-
Ni myatsi yahi milebe eyo wanzire abira baghu ibakukolera?
Musome 1 Yoane 5:3, neryo musubiraye oko ribulyo rino:
-
Yehova akanza ati abira biwe ibakolaki?
Twamanza eriowa Yehova, litolere itwabindula emighendere kutse emibere yetu. Musome Isaya 48:17, 18, neryo musubiraye oko ribulyo rino:
-
Busanaki Yehova akasaba abira biwe erisuba oko mibere yabo?
Omwira oyuwene akatubwira ati tukole emyatsi eyangatuteya n’eyangatuwatikya. Yehova kw’akakolera abira biwe b’atya
6. Ebyo Yehova akakolera abira biwe
Yehova akawatikaya abira biwe erihanda omutima omughulu bali omo maligho. Mulebaye EVIDEO, neryo mukanaye oko ribulyo erikwamire.
-
Yehova mwawatikya ati omukali oyukanibweko omo video erilwa n’amalengekania awatuwene n’eribunika mutima?
Musome Isaya 41:10, 13, neryo musubiraye oko mabulyo ano:
-
Yehova akalagha erikolera abira biwe bosi boki?
-
Ukalengekanaya uti Yehova anganabya mwira oyuwene? Busanaki?
Omwira oyuwene akakuha obuwatikya omughulu ulaghire kubo. Naghu Yehova akendikuwatikya
7. Eribya mwira wa Yehova litolere erikania naye n’erimuhulikirira
Abandu bakabya bira kundu bamabeghera erikanirania. Musome Esyonyimbo 86:6, 11, neryo musubiraye oko mabulyo ano:
-
Twangakania na Yehova tuti?
-
Yehova akakanaya netu ati?
Tukakanaya na Yehova omughulu tukamusaba; akakanaya netu erilabira eBiblia
ABANDU BALEBE BAKABUGHA BATI: “Eribya mwira w’oMungu siryangatokekana.”
-
Wangakolesya amasako wahi erikangania omundu ngoko twanganabya bira ba Yehova?
MUKIGHA MYATSI YAHI?
Yehova anzire iwabya Mwira wiwe, kandi akendikuwatikya eriyitunda hakuhi naye.
Eriyibukya
-
Yehova akawatikaya abira biwe ati?
-
Busanaki Yehova akasaba abira biwe erisuba oko mibere yabo?
-
Ukalengekanaya uti eribya mwira wa Yehova likalire kutsibu? Ukabugha utya busanaki?
EBINDI EBY’ERIMINYA
Eribya mwira w’oMungu lyangakuwatikya liti omo ngebe yaghu?
“Yehova—oMungu oyo tutolere eriminya” (Mnara wa Mlinzi, Februari 15, 2003)
Wighe ngoko wangabya mwira w’oMungu.
Uminye ngoko omukali mughuma alangira ngoko obwira bwiwe na Yehova buwanaya engebe yiwe.
Hulikirira abalwana n’abambesa bakakania ngoko bakalangira obwira bwabo na Yehova.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
