ESOMO 14
Ekisomo kyetu kyangatsemesya oMungu yo kiti?
Ngoko tulyalangira omo somo 13, si by’ebisomo byosi byo bikatsemesaya oMungu. Aliwe, twanganaramya Omuhangyiki wetu y’omo nzira eyikamutsemesaya. Ni “nzira yahi y’eriramya [kutse, ekisomo kyahi]” yo ikatsemesaya oMungu? (Yakobo 1:27) Tulebaye ebyo eBiblia ikakangiriraya.
1. Eriramya lyetu litolere irimanira okuki?
Eriramya lyetu litolere iryahulikirirana n’eBiblia. Yesu mwabugha ati: “Ekinywa kyaghu ni kwenene.” (Yoane 17:17) Ebisomo bilebe sibyasi ekwenene eyikabanika omo Biblia, Ekinywa ky’oMungu ekyasondolawa n’ekirimu kibuyirire. Omo mwanya w’eKinywa ky’oMungu bakahiraho amakangingirya n’emitsye y’abandu. Aliwe, Yehova syalitsemera abandu ‘abatekwama ebihano by’oMungu.’ (Soma Mariko 7:9.) Nikwa, tukamutsemesaya omughulu eriramya lyetu likahulikirirana n’eBiblia n’omughulu tukakwama amahano wiwe.
2. Twangaramya Yehova yo tuti?
Tutolere itwaramya Yehova iye musa, kundi iye yo Muhangyiki wetu. (Eribisulirwa 4:11) Ni bughambu litolere itwamwanza n’erimuramya iye musa, butsira erikolesya esyosanamu.—Soma Isaya 42:8.
Eriramya lyetu litolere iryabya “eribuyirire kandi erikatsemesaya” Yehova. (Abanya Roma 12:1) Ekyo ni bughambu litolere itwasikya ebyalayiro biwe. Eky’erileberyako, abanzire Yehova, banzire kandi bakasikaya ebyalayiro biwe ebilebirye endwa. Kandi bakayihighula oko myatsi eyangatsandya emibiri yabo, ng’erifuta etaba, kutse erikolesya esyodawa esikatamiraya n’obwabu obukalire byo nabi. a
3. Busanaki litolere itwaramya Yehova haghuma n’abalikyetu?
Emihindano yetu y’obuli yenga ikatuha akanya “k’eripipa Yehova . . . omo ndeko.” (Esyonyimbo 111:1, 2) Enzira nguma y’eripipa oMungu ly’erimwimbira. (Soma Esyonyimbo 104:33.) Yehova akatusaba ati tubye tukahika oko mihindano kundi atwanzire kandi asi ngoko emihindano ikatuwatikaya eritsemera engebe kera na kera. Oko mihindano tukasubaya omo bandi m’omutima nabo kutya bakatusubaya m’omutima.
WIGHE BINGYI
Ulebaye ekikaleka Yehova iniatatsemera erikolesya esyosanamu sy’omwiramya. Uminye esyonzira sy’omughaso esyo twangapipiramo oMungu.
4. Siritolere erikolesya esyosanamu omwiramya lyetu
Tukaminya tuti ngoko erikolesya esyosanamu siriritsemesaya oMungu? Mulebaye EVIDEO, neryo musubiraye oko mabulyo awakwamire.
-
Omughulu abandu b’oMungu ba kera bakolesaya esyosanamu omwimuramya mohabyaki?
Abandu balebe bakakolesaya esyosanamu omwiramya kundi bakalengekanaya bati syo sikaleka ibayowa hakuhi n’oMungu. Nikwa, syanganabawatikya eriyitunda hakuhi n’oMungu? Musome Eriluayo 20:4-6 na Esyonyimbo 106:35, 36, neryo musubiraye oko mabulyo ano:
-
Wabirilangira ebindu kutse esyosanamu syahi esyo abandu bakakolesaya omwiramya lyabo?
-
Yehova akayowa ati akalangira abandu bakakolesya esyosanamu?
-
Ukayowa wuti omughulu ukalangira abandu bakakolesya esyosanamu?
5. Twamaramya Yehova iye musa itukendiyihighula oko makangirirya w’amabehi
Ulebaye ngoko eriramya Yehova iye musa, lyanganaleka itwayihighula oko makangirirya w’amabehi. Mulebaye EVIDEO.
Musome Esyonyimbo 91:14, neryo musubiraye oko ribulyo rino:
-
Yehova akalagha eritukoleraki twamakangania ngoko tumwanzire omwimuramya iye musa?
6. Tukaramaya oMungu oko mihindano y’endeko
Tukapipa Yehova n’erihimbana omughulu tukimba n’erisubirya omo mihindano y’endeko. Musome Esyonyimbo 22:22, neryo musubiraye oko mabulyo ano:
-
Ukanatsema erihulikirira ebisubiryo by’abaghala n’abali betu oko mihindano?
-
Naghu wanganayiteghekania utoke erisubirya omo mihindano?
7. Yehova akatsema omughulu tukabwira abandi oko myatsi eyo tukigha
Tuwite ehyanya hingyi ehyo twangakolesya tutoke eribwira abandi b’ekwenene y’eBiblia. Musome Esyonyimbo 9:1 ne 34:1, neryo musubiraye oko ribulyo rino:
-
Ni mwatsi wahi owo wabirigha omo Biblia owo wanzire eribwira owundi mundu?
ABANDU BALEBE BAKABUGHA BATI: “Eritsemesya oMungu likalire.”
-
Iwe ukalengekanayaki?
MUKIGHA MYATSI YAHI?
Tukatsemesaya oMuhangyiki wetu omughulu tukamuramaya iye musa, omughulu tukamupipa oko mihindano y’endeko, n’omughulu tukabwira abandi b’emyatsi eyo tukigha.
Eriyibukya
-
Twangigha tuti eriramya oMungu y’omo nzira eyikamutsemesaya?
-
Busanaki litolere itwaramya Yehova iye musa?
-
Busanaki litolere itwaramya oMungu haghuma n’abalikyetu abanzire erimutsemesya?
EBINDI EBY’ERIMINYA
Ulebaye ngoko omukali mughuma atsemire kundi mwaleka eriramya esyosanamu.
“Sinyikiri mukobe w’esyosanamu” (Mnara wa Mlinzi, Januari 1, 2011)
Wighe ekyangakuwatikya erisubirya oko mihindano y’endeko.
“Upipe Yehova y’omo ndeko” (Munara wa Mulinzi, Mwezi wa 1, 2019)
Ulebaye ngoko omulwana mughuma abana endundi y’omo nzira y’emihindano y’endeko nomo lyanabya limukalireko erihika kuyo.
Abandu bangyi bikirirye bati omusalaba akasosekanaya Obukristo, ibwa twanganakolesya omusalaba omwiramya lyetu?
“Busanaki Abimiri ba Yehova sibalikolesaya emisalaba omwiramya lyabo?” (Omwatsi w’oko jw.org)
a Emyatsi eyi ikendikanibwako omo syo somo sy’enyuma hake.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
