ESOMO 18
Ngoko twangaminya Abakristo b’ekwenene
Abandu bangyi bakayahulamo Bakristo. Aliwe sibawite obwikirirya bughumerera, kandi sibalisikaya esyokanuni sighumerera. Nikwa, twangaminya tuti Abakristo b’ekwenene?
1. Omukristo nindi?
Abakristo ni bigha ba Yesu Kristo. (Soma Emibiri 11:26.) Bakakanganaya bati ko ni bigha ba Yesu? Yesu mwabugha ati: “Mwamabya mukakwama ebinywa byaghe, imuli biga bage kwenene.” (Yoane 8:31) Ekyo ni bughambu Abakristo b’ekwenene bakakwama amakangirirya wa Yesu. Obuli kiro Yesu iniakakangiriraya ebyo eBiblia ikabugha; abigha biwe nabo bakakola batya.—Soma Luka 24:27.
2. Abakristo b’ekwenene bakakanganaya olwanzo lo bati?
Yesu mwabwira abigha biwe ati: “Mwanzane ngoko nabiribanza.” (Yoane 15:12) Yesu mwakangania ati ngoko anzire abigha biwe? Iniakalabaya endambi haghuma nabo, iniakabasikaya mutima, n’eribawatikya. Nibya mwaherera engebe yiwe busana nabo. (1 Yoane 3:16) Kutya, Abakristo b’ekwenene sibalikanaya oko lwanzo lisa, aliwe kandi bakakanganaya omo binywa n’omo mikolere yabo ngoko banzene.
3. Abakristo b’ekwenene bakakola mubírí wahi?
Yesu mwaha abigha biwe b’omubírí. ‘Mwatumabo eriyatulaghania oBwami bw’oMungu.’ (Luka 9:2) Abakristo b’erimbere isibalitulira omo myanya y’eriramiryamo lisa, aliwe ibakatulira n’omo myanya eyirimo abandu bangyi, n’erilenderera abandu omo manyumba wabo. (Soma Emibiri 5:42; 17:17.) Abakristo b’ekwenene ba munabwire nabo bakatulira ekwenene y’eBiblia ehosi eyo bamahindana abandu. Banzire abandi bandu, neryo bakakolesaya n’obutseme, endambi yabo, n’akaghala kabo eribwira abandi omwatsi w’eBiblia owakabaha amaha n’eribasubya mutima omonda.—Mariko 12:31.
WIGHE BINGYI
Ulebaye erisighana eriri omo kati k’Abakristo b’ekwenene n’abandu abatekwama amakangirirya wa Yesu n’eky’erileberyako kiwe.
4. Bakasondaya ekwenene y’eBiblia
Abakristo b’erimbere babya ibasikirye eKinywa ky’oMungu
Si b’abosi abakayahulamo Bakristo bo bakalangira ekwenene y’eBiblia mo y’omughaso. Mulebaye EVIDEO, neryo musubiraye oko mabulyo awakwamire.
-
Ebisomo bilebe ebikayahulamo by’eKikristo mobyakolaki erikakirya abandu eriminya ebyo Yesu akangiriraya?
Yesu mwakangirirya ekwenene eyikalua omo Kinywa ky’oMungu. Musome Yoane 18:37, neryo musubiraye oko ribulyo rino:
-
Ngoko Yesu abugha, twangaminya tuti Abakristo ‘abali n’ekwenene’?
5. Bakakangiriraya ekwenene y’eBiblia
Abakristo b’erimbere ibakabwira abandi b’engulu mbuya
Embere sy’eriya elubula, Yesu mwaha abigha biwe b’omubírí owanemukolwa na munabwire. Musome Matayo 28:19, 20 na Emibiri 1:8, neryo musubiraye oko ribulyo rino:
-
Omubírí w’eritulira endikolwa erihika mughulu wahi n’oko lulengo lwahi?
6. Bakakolesaya ebyo bakakangiriraya
Niki kyo kyaleka omulume oyukahulawa mo Tom inikirirya ngoko abiribana Abakristo b’ekwenene? Mulebaye EVIDEO, neryo musubiraye oko mabulyo awakwamire.
-
Omo video, niki kyo kyaleka Tom iniatanzisibwa n’ebisomo?
-
Niki kyo kyaleka inyikirirya ngoko abiribana ekwenene?
Oyukayahulamo mwigha wa Kristo, akakanganaya ky’omo mikolere yiwe. Musome Matayo 7:21, neryo musubiraye oko ribulyo rino:
-
Ngoko Yesu abugha, busanaki eribugha tuti tumwikirirye lisa siritosire?
7. Banzene
Abakristo b’erimbere kandi ibanzene
Wanabirilangira Abakristo abakahira engebe yabo y’omo bwiko busana n’Abakristo balikyabo? Mulebaye EVIDEO, neryo musubiraye oko mabulyo awakwamire.
-
Omo video, niki kyo kyakuna yo Lloyd erihira engebe yiwe y’omo bwiko busana na mughala wetu Johansson?
-
Ukalengekanaya uti mwanakola ng’oMukristo w’ekwenene?
Musome Yoane 13:34, 35, neryo musubiraye oko mabulyo ano:
-
Abakristo b’ekwenene bakakolera bati Abakristo b’eyindi rangi kutse ab’omo kindi kuhugho?
-
Bakakolerana bati omughulu hamabya amalwa?
ABANDU BALEBE BAKABUGHA BATI: “Abakristo babirikola emyatsi mibi mingyi, neryo ebisomo byabo sibyangabya by’ekwenene!”
-
Wangasomera omundu y’erisako lyahi erikakanganaya ngoko angaminya aBakristo b’ekwenene?
MUKIGHA MYATSI YAHI?
Abakristo b’ekwenene bakakwama ekwenene y’eBiblia, banzene, kandi bakakangiriraya ekwenene y’eBiblia.
Eriyibukya
-
Obwikirirya bw’Abakristo b’ekwenene buseghemere okuki?
-
Abakristo b’ekwenene bakaminyikala busana nʼerikangania omubere wahi?
-
Abakristo b’ekwenene bakakola omubírí wahi?
EBINDI EBY’ERIMINYA
Wighe bingyi oko kikumula ky’abandu abakayikasa erikwama eky’erileberyako kya Yesu n’amakangirirya wiwe.
Ulebaye ekyaleka omumasere mughuma iniasunga “ekihanda kyʼAbakristo bʼekwenene.”
“Mobakolesya eBiblia erisubirya oko buli ribulyo!” (Munara wa Mulinzi, Tarehe 1 Mwezi wa 4, 2014)
Abakristo b’ekwenene bakakanganaya olwanzo oko Bakristo balikyabo abalaghire oko buwatikya.
Eriwatikya abaghala betu omughulu w’obuhanya—Ekitswe ky’evideo (3:57)
Ulangire ekyo Yesu abugha ati kikendisyaminyikalya Abakristo b’ekwenene b’erimbere n’Abakristo b’ekwenene ba munabwire mo bigha biwe.
“Niki kyo kikaminyikalaya Abakristo b’ekwenene?” (Munara wa Mulinzi, Tarehe 1 Mwezi wa 3, 2012)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
