ESOMO 21
Engulu mbuya yinemutulaghanibwa yiti?
Hakisiya hake, Yehova iniakolesya oBwami bwiwe eribughaho emyatsi yosi eyikatwaghalaya. Eyo ni ngulu mbuya eyo obuli mundu atolere iniowa. Yesu mwabwira abigha biwe ati bakangiriraye omwatsi oyo w’obuli mundu! (Matayo 28:19, 20) Abimiri ba Yehova bakakwama ekyalayiro kya Yesu ekyo kyo bati?
1. Erisako lye Matayo 24:14 linemubererera liti munabwire?
Yesu mwabugha ati: “Engulu Yowene yʼoBwami eyi yasyatsuka eritulaganibwa omo kihugo kyosi.” (Matayo 24:14) Abimiri ba Yehova banemukola omubírí munene w’omughaso oyu n’obutseme bunene. Tunemutulaghania engulu yowene y’omo kihugho kyosi, omo mibughe eyilengire oko 1 000! Omubírí munene oyo akasaba akaghala kanene kandi atolere eritondekanibwa ndeke. Syangakolwa butsira buwatikya bwa Yehova.
2. Tukakolaki tutoke eribwira abandu b’engulu mbuya?
Tukatulira ehosi eyo twangabana abandu. Tukatulira “nʼomo manyumba wʼabandu” ng’Abakristo boko karne k’erimbere. (Emibiri 5:42) Enzira ey’erirondya mw’abandu eyi ikatuwatikaya erihindana n’abandu bangyi obuli mwaka. Kundi abandu sibalibanika eka wabo y’obuli kiro, tukatulira n’omo myanya eyikabanikamo abandu bangyi. Obuli kiro tukasondaya ehyanya hy’eritulira tutoke eribwira abandi b’oko Yehova n’erisonda liwe.
3. Ni bahi bo bawite omubírí w’eritula engulu mbuya?
Obuli Mukristo wosi w’ekwenene atolere inyabwira abandi b’engulu mbuya. Tukalangira omubírí oyo mo w’omughaso munene. Tukatulira ngoko twangatoka kundi tunasi ngoko erikola tutya likasabula esyongebe sy’abandu. (Soma 1 Timoteo 4:16.) Situlilihawa busana n’erikola omubírí oyo kundi eBiblia ikabugha yiti: “Mwabiryangirira [mwabirihabwa] butsira eririha, muhe abandi butsira eririhisya.” (Matayo 10:7, 8) Si bandu bosi bo bakatuhulikirira. Aliwe tukalola embere eritulira kundi omubiri w’eritulira ni nzira y’eriramya Yehova kandi erikola tutya rikatuletera obutseme.
WIGHE BINGYI
Uminye bingyi oko mubírí w’Abimiri ba Yehova ow’eritulira omo kihugho kyosi kandi ulangire ngoko Yehova akawatikayabo.
Eritulira omo kihugho kyosi: (A) E Costa Rica, (B) E Amerika, (C) E Benin, (D) E Thailande, (E) Yap, (F) E Suede
4. Tukayikasa kutsibu tutoke erihikira abandu bosi
Abimiri ba Yehova bakayikasa kutsibu eribwira abandu b’ehosi b’engulu mbuya. Mulebaye EVIDEO, neryo musubiraye oko ribulyo erikwamire.
-
Ukalangira wuti omuhwa owo Abimiri ba Yehova bali nagho omo mubírí w’eritulira?
Musome Matayo 22:39 na Abanya Roma 10:13-15, kandi musubiraye oko mabulyo ano:
-
Omubírí w’eritulira akakanganaya ati ngoko twanzire abalikyetu?
-
Yehova akalangira ati abakatula engulu mbuya? Lebaya omulondo 15.
5. Tukakola haghuma n’oMungu
Emyatsi mingyi eyikalolawako yikakanganaya ngoko Yehova enemusondola omubírí w’eritulira. Eky’erileberyako, omo kihugho kye Nouvelle Zelande, mughala wetu mughuma oyukahulawa mo Paul abya akatulira lukyo kwa lukyo, neryo mwahindana n’omukali mughuma omwitungyi. Omo tututu y’ekiro ekyo, omukali oyo abya iniabirisaba oMungu akahula erina liwe erya Yehova; mwabugha ati amuwatikaye omundu amulenderere. Mughala wetu Paul akabugha ati, “habere habilaba esyo saha isatu, monakongota oko mulango w’omukali oyo.”
Musome 1 Abanya Korinto 3:9, neryo musubiraye oko ribulyo rino:
-
Emyatsi eyalolawako ng’eyalaba omo Nouvelle Zelande ikakanganaya yiti ngoko Yehova enemusondola omubírí w’eritulira?
Musome Emibiri 1:8, neryo musubiraye oko ribulyo rino:
-
Busanaki tulaghire oko buwatikya bwa Yehova tutoke erikola omubírí wetu?
Unalwe wasi?
Oko yenga, oko muhindano wetu ow’omo kati-kati k’eyenga, tukabegheribawa eritulira. Wamabya iwabirihika oko muhindano oyo, mowalangira wuti eribegheribwa eryo?
6. Tukasikaya ekyalayiro ky’oMungu eky’eritulira
Oko karne k’erimbere, esyonzighu sy’engulu mbuya mosyasonda erikakirya abigha ba Yesu eritulira. Abakristo b’oko karne k’erimbere mobakola kutsibu batoke “erilwira n’erihangania . . . engulu yowene.” (Abanya Filipi 1:7) Abimiri ba Yehova nabo banemukola batya munabwire. a
Musome Emibiri 5:27-42, neryo musubiraye oko ribulyo rino:
-
Busanaki sitwangaleka eritulira? Mulebaye emilondo 29, 38, na 39.
ABANDU BALEBE BAKABUGHA BATI: “Abimiri ba Yehova bakatulira lukyo kwa lukyo busanaki?”
-
Wangasubirya utiki?
MUKIGHA MYATSI YAHI?
Yesu mwabwira abigha biwe ati batulaghanaye engulu mbuya omo bihanda byosi. Yehova anemuwatikya abandu biwe erikola omubírí oyo.
Eriyibukya
-
Engulu mbuya yinemutulaghanibwa yiti omo kihugho kyosi?
-
Omubírí wetu w’eritulira akakanganaya ati ngoko twanzire abalikyetu?
-
Ukalengekanaya uti omubírí w’eritulira anganakuletera obutseme? Busanaki?
EBINDI EBY’ERIMINYA
Ulangire ngoko Abimiri ba Yehova bakatulira omo miyi minene-minene.
Eritulira omo nzira y’embaghane ahakabanika abandu bangyi omo muyi we Paris (5:11)
Abimiri ba Yehova mobakolaki eriwatikya abasayi?
Uhulikirire ngoko omundu akakanaya oko butseme obo abana abilabya engebe yiwe yosi omo mubírí w’eritulira.
Uminye eritswera ery’esyo tribinali mbiriri-mbiriri eryaleka omubírí w’eritula engulu mbuya inialola embere.
a OMungu yutuhere ehamuli y’eritulira. Busana n’ekyo, Abimiri ba Yehova eritula engulu mbuya, sibalaghire oko hamuli y’abatabali b’ekihugho.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
