ESOMO 22
Wangabwira abandi b’engulu mbuya wuti?
Omughulu ukalola embere ukigha ekwenene y’eBiblia, wanganayibwira uti, ‘Obuli mundu atolere iniaminya ekwenene eyi!’ Kwenene, obuli mundu atolere iniaminyayo! Aliwe, wanganakwa obuba eribwira abandi b’oko myatsi eyo ukigha. Tulebaye ngoko wangaleka eryubaha n’eritsuka eribwira abandi b’engulu mbuya eyikabanika omo Biblia n’obutseme.
1. Wangabwira abandu abo wasi b’oko myatsi eyo ukigha wuti?
Abigha ba Yesu mobabugha bati: “Sitwangatoka erileka eribuga ebyo twabirilolako nʼebyo twabiriowa.” (Emibiri 4:20) Babya banzire kutsibu emyatsi eyo Yesu abighisaya, neryo ekyo ikikabakuna erisonda eribwira kuyo k’obuli mundu. Naghu unemuyowa utya? Byamabya bitya, ubye ukasondekania ehyanya hy’eribwira abira baghu n’abako kihanda kyaghu b’oko myatsi eyo ukigha iwunasikiryebo.—Soma Abanya Kolosayi 4:6.
Ngoko wangakola
-
Omughulu ukakanaya n’omundu w’omo kihanda kyaghu, utsuke erikania oko mwatsi owalebirye eBiblia omwibugha uti: “Mongigha omwatsi owuwene oko yenga eno.”
-
Wanganasoma erisako righuma erikasikaya omutima haghuma n’omwira waghu oyulwere kutse oyukahanga-hangaya.
-
Abo ukasiba nabo bamabikubulya ng’unuwene, ubwirebo oko ebyo ulyigha omo busomi bwaghu bw’eBiblia kutse ebyo ulyigha oko muhindano w’endeko.
-
Ukanganaye abira baghu esite eye jw.org.
-
Ukokaye abandi bira baghu b’oko funzo yaghu kutse ukanganayebo ngoko bangasaba erighisibwa eBiblia oko jw.org.
2. Busanaki eritulira haghuma n’endeko ni mwatsi w’omughaso owo utolere iwakola?
Abigha ba Yesu mobatatulira engulu mbuya y’abandu abo babya basi basa. Yesu “mwatumabo mo babiri babiri embere siwe, eriya oko miyi yosi” eritulira. (Luka 10:1) Omubírí ow’eritulira owabya atondekire ndeke oyo mwaha abandu bangyi b’akanya k’erihulikilira engulu mbuya. Kandi eritulira haghuma molyaletera abigha b’omutseme bunene. (Luka 10:17) Naghu wanganayisogha ng’ibo eritsuka eritulira haghuma n’endeko?
WIGHE BINGYI
Ulebaye ekyo wangakola utoke erikinda obuba bwaghu n’eritsemera eribwira abandu b’engulu mbuya.
3. Yehova akendibya naghu
Abandu balebe abanzire eritulira banganakwa obuli nga buba n’eriyibulya abandi nga bakendibalangira bati kutse nga banemwendibahulikilira.
-
Ukanakwa obuba bw’eribwira abandi b’oko myatsi eyo ukigha? Busanaki ukakwa obuba, kutse busanaki siulikwa obuba?
Mulebaye EVIDEO, neryo musubiraye oko ribulyo erikwamire.
-
Abimiri ba Yehova abalere abo mobakinda obuba bwabo bo bati?
Musome Isaya 41:10, neryo musubiraye oko riburyo rino:
-
Wamakwa obuba obw’eritulira, busanaki litolere iwasaba?
Unalwe wasi?
Abimiri ba Yehova bangyi ibakalengekanaya bati sibendisyabana omuhwa w’eritulira n’ahake. Eky’erileberyako, mughala wetu Sergey, iniakayilangiramo mundu bule kandi iniakakwa obuba bw’erikania n’abandi. Neryo mwigha eBiblia. Akabugha ati: “Nomo nanabya n’obuba, monatsuka erikanirya abandi b’oko myatsi eyo nabya ng’igha. Ekyanyiswekaya, eribwira abandi b’oko ebyo ng’igha omo Biblia molyaleka obuba bwaghe ibwahwa. Erikangirirya abandi b’oko ebyo ng’igha omo Biblia molyawatya obwikirirya bwaye.”
4. Ubye n’erisikya oko abandi
Embere sy’eritulira, omundu okatsuka erilengekania oko ebyo akendibugha, kandi ng’akendibughabyo ati. Musome 2 Timoteo 2:24 na 1 Petero 3:15, neryo musubiraye oko mabulyo ano:
-
Wangakolesya wuti emilondo eyi omughulu ukakaniraya abandi b’oko Biblia?
-
Abandu balebe aboko kihanda kyaghu kutse abira baghu banganaghana eryowa ebyo ukabugha. Wangakolaki? Aliwe isiwakolaki?
-
Busanaki litolere eribulya amabulyo n’amenge omo mwanya w’eribwira abandu ebyo batolere erikirirya?
5. Erikanirya abandi b’oko ngulu mbuya likaletera obutseme
Yehova mwaha Yesu y’omubírí w’eritula engulu mbuya. Yesu abya n’amalengekania wahi oko mubírí oyo? Musome Yoane 4:34, neryo musubiraye oko mabulyo ano:
-
Erirya akalyo akuwene kakahimba omubiri wetu n’erituletera obutseme. Busanaki Yesu mwabugha ati erikola erisonda ly’oMungu, ng’eritula engulu mbuya, liringene n’erirya akalyo?
-
Ukalengekanaya uti eritula engulu mbuya lyanganaletera obutseme bwahi?
Amahano
-
Oko muhindano w’omo katikati k’eyenga, usondaye ehyanya hy’eritsukisya emikania n’abandi.
-
Ukanaye n’oyukakwighisaya eBiblia nga wanganayihandikisya erilabya ebitswe by’oko muhindano w’omo katikati k’eyenga. Ebitswe ebyo byanganakuwatikya eriyiteghekania eribwira abandi b’oko myatsi eyo ukigha.
-
Ukolesaye ebitswe “Abandu balebe bakabugha bati” kutse “Omundu mulebe anganabulya ati” ebikabanika omo syosomo eriyibegherya ngoko wangasubirya oko mabulyo n’ebikakiryo ebikaletawa kangyi-kangyi.
OMUNDU MULEBE ANGANABULYA ATI: “Ka waherire tami?”
-
Wangakolesya wuti akanya ako eribwira omundu oyo oko myatsi eyo ukigha omo Biblia?
MUKIGHA MYATSI YAHI?
Eribwira abandi b’engulu mbuya likaletera obutseme kandi lyanganoloba kulenga ngoko ukalengekanaya.
Eriyibukya
-
Busanaki litolere iwabwira abandi b’engulu mbuya?
-
Wangakola utya wuti iwunabasikirye?
-
Wamabya iwukabya n’obuba bw’eritulira, wangakindabo wuti?
EBINDI EBY’ERIMINYA
Ulengekanaye oko syonzira ini esyo wangakolesya eribwira abandi b’engulu mbuya erilabira akarte ake jw.org.
Wighe emibere ini eyangakuwatikya eribwira abandi b’engulu mbuya.
“Unayiteghekire eribya musohi w’abandu?” (Akaleberyo k’Omuteya, Omwisi 9, 2020)
Ulangire ngoko eky’erileberyako ky’omundu mughuma w’omo Biblia kyanganakuwatikya eribya n’obutubaha omughulu ukabwira abandi b’engulu mbuya nomo ukine mulere.
Ulengekanaye ngoko wangakanirya ab’omo kihanda kyaghu abate baminya Yehova b’oko Biblia.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
