ESOMO 24
Abamalaika ni bahi kandi bawite mubírí wahi?
Yehova anzire itwaminya bingyi oko kihanda kiwe ekiri elubula. Ekihanda ekyo kirimo abamalaika, abakahulawamo abana b’oMungu.” (Yobu 38:7) EBiblia ikabugha yitiki oko bamalaika? Bakakolera abandu bo myatsi yahi? Abamalaika bosi bane b’oko kihanda ky’oMungu?
1. Abamalaika ni bahi?
Yehova mwahangyika abamalaika embere sy’erihangyika ekihugho. Abamalaika nabo sibelangirawa omo meso w’abandu ng’oMungu kundi bali n’omubiri w’ekirimu kandi b’ikere elubula. (Abaebrania 1:14) Hali amamiliyoni w’abamalaika, aliwe obuli mumalaika awite emibere yiwe. (Eribisulirwa 5:11) Ibo ‘bakakenga amahano wuwe [wa Yehova], omwihulikirira ebyo akabuga.” (Esyonyimbo 103:20) Omughulu wa kera, ngendo nyingyi Yehova iniakatumabo eriletera abandu b’obukwenda, eribawatikya n’eribasabula. Munabwire, abamalaika bakasondola Abakristo erihikira abandu abanzire erigha eriminya oMungu.
2. Sitani n’esyombinga siwe ni bahi?
Abandi bamalaika mobaherya obutaleghula bwabo oko Yehova. Omumalaika w’erimbere oyo waghana erisikya Yehova ni “kiyoka kya kera ekikahulawa mo Diabolo nʼeSitani, oyukateba ekihugo kyosi.” (Eribisulirwa 12:9) Sitani abya akarondya eritabala abandi, neryo mwatsuka eritebya abandu b’erimbere, n’enyuma syaho amatasyatebya abandi bamalaika bamukwame omwitendisikya Yehova. Abamalaika abakwama Sitani aba bakahulawamo esyombinga. Yehova abiritibita kubo erilua elubula n’erighusa b’oko kihugho, bakalindirira eritsandibwa.—Soma Eribisulirwa 12:9, 12.
3. Sitani n’esyombinga bakayikasa eritutebya bati?
Sitani n’esyombinga bakatebaya abandu bangyi erikola emyatsi y’esyombinga. Oyo ni mwatsi mubi kundi akaleka abandu ibakania n’emirimu. Eky’erileberyako, abandu bangyi bakasonda obuwatikya b’oko bandu abakakolesaya ebindu by’omo kyanya ng’esyongununu, abalaghuli, abakumu kutse abasaki. N’abandi bakalengekanaya bati alinga banganakania n’abaholi. Aliwe, Yehova akatukunga ati: “Simubindukire ab’esyombinga, kutse abakumu; simusonda-sondayebo.” (Abalawi 19:31) Akatukunga oko mwatsi oyo busana n’erituteya oko Sitani n’esyombinga. Abo ni nzighu sy’oMungu, kandi banzire itwahutala.
WIGHE BINGYI
Wighe emyatsi mingyi eyuwene eyo abamalaika bakakola, ebighúma ebituwene ebikahikira abakakola emyatsi y’esyombinga, kandi ngoko twangayiteya oko Sitani n’esyombinga.
4. Abamalaika bakawatikaya abandu erigha eriminya Yehova
Abamalaika b’oMungu sibalihubiraya abandu bo burora-rora. Aliwe, banganasondola abaghombe b’oMungu eriya eyiri abandu abanzire erigha erimuminya. Musome Eribisulirwa 14:6, 7, neryo musubiraye oko mabulyo ano:
-
Busanaki tulaghire oko buwatikya bw’abamalaika omughulu tukatulira?
-
Eriminya ngoko abamalaika banganakusondola n’erikukuna eyiri abandu abalaghire okwihulikirira eKinywa ky’oMungu, lyanamakuhira m’omuhwa? Busanaki?
5. Muleke emyatsi y’esyombinga
Sitani n’esyombinga ni nzighu sya Yehova. Kandi ni nzighu syetu. Musome Luka 9:38-42, neryo musubiraye oko ribulyo rino:
-
Esyombinga sikakolera abandu bo siti?
Isitwakola n’esyombinga omo ngebe yetu. Musome Eryibuka Ebihano 18:10-12, neryo musubiraye oko mabulyo ano:
-
Esyombinga sikakolesaya nzira syahi eritutebya n’erikania netu? Ni mikolere yahi y’esyombinga eyikakolawa kangyi kangyi eyo w’ikere?
-
Naghu wanganabugha uti Yehova eritughania emyatsi y’esyombinga lyowene? Busanaki?
Mulebaye EVIDEO, neryo musubiraye oko mabulyo awakwamire:
-
Ukalengekanaya uti engisa (ehirizi) eyo mwali wa Palesa abya ambite yabya iyanganamukolako nabi? Busanaki?
-
Palesa abya atolere erikolaki atoke eriyiteya oko syombinga?
Abakristo b’ekwenene baghanire kutse bapingire esyombinga. Musome Emibiri 19:19 na 1 Abanya Korinto 10:21, neryo musubiraye oko ribulyo rino:
-
Busanaki litolere eritsandya ekyosi kyosi ekyo uwite ekihambene n’esyombinga?
6. Ukinde Sitani n’esyombinga
Sitani yo musondoli w’esyombinga. Aliwe, abamalaika bataleghula bakasondolibawa n’omukulu w’abamalaika, Mikaeli, erindi rina lya Yesu. Mikaeli awite kaghala kangahi? Musome Eribisulirwa 12:7-9, neryo musubiraye oko mabulyo ano:
-
Ni bahi bo bawite akaghala kanene oko bandi? Mikaeli n’abamalaika biwe kutse Sitani n’esyobinga siwe?
-
Ukalengekanaya uti abigha ba Yesu banganasagha Sitani n’esyombinga siwe?
Wanganakinda Sitani n’esyombinga siwe. Musome Yakobo 4:7, neryo musubiraye oko ribulyo rino:
-
Wangatoka eriyiteya wuti oko Sitani n’esyombinga?
ABANDU BALEBE BAKABUGHA BATI: “Sihali kibi erisata obwesa bw’esyovideo kutse erilebya esyofilme esilebirye eby’esyombinga. Ayo ni masata buyira.”
-
Busanaki omundu erilengekania atya siryuwene?
MUKIGHA MYATSI YAHI?
Abamalaika bataleghula bakatuwatikaya. Sitani n’esyombinga siwe ni nzighu sya Yehova, kandi bakakolesaya obukumu batoke eritebya abandu.
Eriyibukya
-
Abamalaika ba Yehova bakawatikaya bati abandu erigha okwiye?
-
Sitani n’esyombinga siwe ni bahi?
-
Busanaki wanzire iwayihighula oko myatsi y’esyombinga?
EBINDI EBY’ERIMINYA
Ulebaye ebikakanganaya kwenene ngoko Yesu yo mukulu w’abamalaika, Mikaeli.
Ulebaye ebikakanganaya kwenene ngoko Diabolo si bubi busa obuli omwisi wetu; iye ni mundu kwenene.
Ulangire ngoko omukali mughuma mwayihighula oko myatsi y’esyombinga.
“Mwasunga eky’erighenderako omo ngebe” (Mnara wa Mlinzi, Julai 1, 1993)
Wighe ngoko Sitani akakolesaya emyatsi y’esyombinga eritebya abandu.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
