ESOMO 25
OMungu anzire itwabya n’engebe eyiri yiti?
EBiblia ikabugha oko ngebe y’abandu yiti ‘ni y’ebiro bike kandi iswire m’obulighe.’ (Yobu 14:1) OMungu anabya anzire ati engebe yetu yibye yitya? Byamabya iko bite bitya, oMungu anzire ati engebe yetu iyabya yiti? Engebe yetu inemwendisyasyabya ngoko Mungu anzire iyabya? Ulebaye ebisubiryo ebikasubaya omutima w’omonda ebyo eBiblia ikatuha.
1. Yehova anzire itwabya n’engebe eyiri yiti?
Yehova anzire itwabya n’engebe eyuwene kundu. Omughulu ahangyika abandu b’erimbere, yo Adamu na Eva, mwabahira omo paradiso, eririma lye Edeni. Neryo “oMungu mwatsumulabo, neryo oMungu mwabwirabo ati, ‘mubute mukanyirire, musulaye ekihugo, mugondayekyo.’” (Enzuko 1:28) Yehova abya anzire ati ibabuta abana, ibayira ekihugho kyosi mo paradiso, n’erisugha esyonyama. Abya anzire ati abandu bosi ibabya n’emibiri eyihika-hikene n’eribyaho kera na kera.
Nomo emyatsi yitaghendeka yitya, a oMungu akinanzire abandu ibabya n’engebe eyuwene. (Isaya 46:10, 11) Akinanzire abandu abakamowa ibasyabyaho kera na kera omo mibere eyihika-hikene.—Usome Eribisulirwa 21:3, 4.
2. Twangabya n’engebe eyuwene tuti munabwire?
Yehova mwatuhangyika n’obwagha bw’erilagha oko busondoli bwiwe. Busana n’ekyo twanzire erimuminya n’erimuramya. (Soma Matayo 5:3-6.) Anzire itwabya n’obwira obuwene haghuma naye, ‘itwalendera omo syonzira siwe, itwamwanza,’ n’erimukolera ‘n’omutima wetu wosi.’ (Eryibuka Ebihano 10:12; Esyonyimbo 25:14) Twamakola tutya, kwenene itukendibana obutseme nomo twangabya itunemulaba omo maligho. Omughulu tukaramaya Yehova tukayowa itwamabya n’engebe eyiri n’omughaso kundi omo ngebe yetu tukakola erikwamana n’erisonda ly’oMungu.
WIGHE BINGYI
Uminye olwanzo lunene olo Yehova atukanganaya omughulu ateghekanaya ekihugho busana netu, n’ebyo eKinywa kiwe kikakangiriraya erituminyisya ekyaleka iniahangyika engebe.
3. Yehova anzire abandu ibabya n’engebe eyuwene kundu
Mulebaye EVIDEO, neryo musubiraye oko ribulyo erikwamire.
-
Busanaki oMungu mwahangyika ekihugho?
Musome Omugambuli 3:11, neryo musubiraye oko ribulyo rino:
-
Ekyo kyamakwighisyaki oko Yehova?
4. Ekyaleka Yehova iniahangyika ekihugho sikyekyatabinduka
Musome Esyonyimbo 37:11, 29 na Isaya 55:11, neryo musubiraye oko ribulyo rino:
-
Tukaminya tuti ngoko Yehova syalyatabindula amalengekania wiwe oko ekyaleka iniatuhangyika?
Enyumba eyabiritsanda yanganakokotibwa. Kutya, ekihugho ekyabiritsandibwa n’abandu, kikasyakokotibawa n’oMungu busana n’abandu abamwanzire
5. Eriramya Yehova likaleka itwabya n’engebe eyirimo obutseme
Eriminya ekyaleka oMungu iniatuhagyika lyanganaleka itwabya n’obutseme. Mulebaye EVIDEO, neryo musubiraye oko ribulyo erikwamire.
-
Terumi mwabana endundi yahi omwiminya ekyaleka oMungu iniatuhangyika?
Musome Omugambuli 12:13, neryo musubiraye oko ribulyo rino:
-
Kundi Yehova abiritukolera myatsi mingyi, twangakangania erisima lyetu lyo tuti?
OMUNDU MULEBE ANGANABULYA ATI: “Ekyaleka oMungu iniatuhangyika niki?”
-
Iwe wangasubirya utiki?
MUKIGHA MYATSI YAHI?
Yehova anzire itwabana engebe ya kera na kera oko kihugho omo mibere eyihika-hikene. Omughulu tukamuramaya n’omutima wetu wosi, tukabya n’engebe eyiri m’obutseme—nibya na lino.
Eriyibukya
-
Yehova abya anzire ati Adamu na Eva babye n’engebe eyiri yiti?
-
Tukaminya tuti ngoko oMungu akinanzire abandu ibabya n’engebe eyuwene oko kihugho?
-
Wangakolaki utoke eribya n’engebe eyirimo obutseme?
EBINDI EBY’ERIMINYA
Ulebaye ekikaleka itwikirirya kwenene ngoko eririma lye Edeni lyanabya.
Uminye ekikaleka itwikirirya kwenene tuti ekihugho kikendisyabyaho kera na kera.
Ulebaye ekyo eBiblia ikabugha yiti tukole tutoke eribya n’engebe eyiri m’obutseme.
Ulebaye ngoko omundu oyo abya akalengekania ati awite obuli kindu aminya ngoko hane ekindi kindu ekyo atawiteko.
a Omo somo eyikwamire, tukendilangira ekikaleka itutabya n’engebe eyiri yitya munabwire.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
