ESOMO 26
Busanaki emyatsi mibi n’eryaghalwa bikabya?
Omughulu omwatsi mubi akahika, abandu bakayibulaya bati: “Ekyo kiryabya busanaki? Tutsemire kundi eBiblia ikasubiraya oko ribulyo eryo!
1. Sitani mwaleta emyatsi mibi y’oko kihugho kw’ati?
Sitani mwayisamambula oko Mungu. Sitani abya anzire eritabala abandi, neryo mwatsotsya abandu b’erimbere, yo Adamu na Eva, eriyisamambula oko Mungu ng’iye. Mwakola atya omwiteba Eva. (Enzuko 3:1-5) Mwaleka Eva inialengekania ati Yehova abya akamubisa ekindu kilebe ekyuwene. Mwaleka inialengekania ati abandu banganabya n’obutseme omughulu bakaghana erisikya oMungu. Sitani mwabugha amabehi w’erimbere omwibwira Eva ati syendihola. Busana n’ekyo, eBiblia ikahula sitani mo “mubehi kandi ise w’amabehi.”—Yoane 8:44.
2. Adamu na Eva mobasombola erikolaki?
Yehova mwaha yo Adamu na Eva b’ebindu bingyi. Mwabugha ati banganalya oko matunda w’obuli muti omo ririma lye Edeni, aliwe isibalya oko aw’omuti mughuma musa. (Enzuko 2:15-17) Nikwa mobasombola erirya oko matunda w’omuti owo abaghanaya. Eva “mwimya oko matunda w’omuti oyo mwalyagho.” Enyuma syaho, Adamu naye “mwalya kugho.” (Enzuko 3:6) Abosi babiri mobatasikya oMungu. Kundi Adamu na Eva babya bandu abahika-hikene, erikola ekyuwene lyabya isirikalire okwibo. Aliwe omwiyiririra mobasombola eritendisikya oMungu, mobakola erilolo n’eritendisikya ehamuli y’oMungu ey’eribabwira eky’erikola n’ekite ky’erikola. Erikola batya molyabaletera amaligho mangyi.—Enzuko 3:16-19.
3. Ekyo Adamu na Eva bakola mokyabya n’ebighuma byahi okwitwe?
Omughulu Adamu na Eva bakola erilolo, mobabya bandu abatahika-hikene, neryo mobasighalirya olubuto lwabo lw’obutahika-hikana. EBiblia ikabugha yitya oko Adamu: “Neryo ebibi mobyahika muna kihugho busana n’omundu mughuma, n’oluholo molwingira busana n’ekibi kiwe.”—Abanya Roma 5:12.
Hali myatsi mbiriri-mbiriri eyikaleka itwaghalwa. Hakanabya omughulu itwaghalwa kundi motukayisogha muhanda. Kandi hakanabya omughulu itwaghalwa kundi abandi bandu mobakayisogha muhanda. Nikwa, kandi tukanaghalawa omughulu twamabya omo mwanya owatuwene oko ndambi eyituwene—Soma Omugambuli 9:11.
WIGHE BINGYI
Ulebaye ngoko oMungu yuteleka emyatsi mibi iyabya oko kihugho ko munabwire kandi ngoko akayowa akalangira tukaghalwa.
4. Oyukaleka itwaghalwa
Abandu bangyi bikirirye bati oMungu yukatabala ekihugho kyosi. Eyo nina kwenene? Mulebaye EVIDEO.
Musome Yakobo 1:13 ne 1 Yoane 5:19, neryo musubiraye oko ribulyo rino:
-
OMungu yukaleka ihabya emyatsi mibi n’eryaghalwa kwehi?
5. Ulebaye ngoko ekihugho kyabiribya erilua omughulu Sitani atsuka eritabala kyo
Musome Enzuko 3:1-6, neryo musubiraye oko mabulyo ano:
-
Sitani mwabugha amabehi wahi?—Ulebaye omulondo wa 4 n’owa 5.
-
Sitani mwaleka ibikirirya bati Yehova akabisa abandu b’ekindu ekyuwene ati?
-
Erikwamana na Sitani, abandu banalaghire oko Yehova eribya Mutabali wabo batoke eribya n’obutseme?
Musome Omugambuli 8:9, neryo musubiraye oko ribulyo rino:
-
Eritsuka omughulu Yehova atetabala ekihugho kino, kyabiribya kiti?
-
Adamu na Eva babya bandu abahika-hikene kandi mobikala omo Paradiso. Aliwe mobahulikirira Sitani n’eriyisamambula oko Yehova
-
Enyuma sy’eriyisamambula lya Adamu na Eva, ekihugho mokyusulamo erilolo, eryaghalwa, n’oluholo
-
Yehova akasyabughaho erilolo, eryaghalwa, n’oluholo. Kandi abandu bakasyabya abahika-hikene n’erikala omo Paradiso
6. Yehova syalitsema akalangira tukaghalwa
OMungu akayowa ati akalangira tukaghalwa? Ulebaye ebyo oMwami Dawidi n’omukwenda Petero bahandika. Musome Esyonyimbo 31:7 ne 1 Petero 5:7, neryo musubiraye oko ribulyo rino:
-
Ukayowa wuti eriminya ngoko Yehova akabya inianalangire omughulu tukaghalawa kandi ngoko syalitsema?
7. OMungu akasyabughaho amaghali wosi w’abandu
Musome Isaya 65:17 na Eribisulirwa 21:3, 4, neryo musubiraye oko ribulyo rino:
-
Busanaki eriminya ngoko Yehova akasyabughaho emyatsi yosi eyikaleka abandu ibaghalwa likasubaya mutima omonda?
Unalwe wasi?
Omughulu Sitani abugha amabehi w’erimbere, amabehi ayo abughawo oko Yehova. Ekyo ni bughambu mwatsandya erina lya Yehova n’erileka abandu ibalengekania bati ni Mutabali oyutatunganene kandi oyutawite olwanzo. Omughulu Yehova akendibughaho amaghali w’abandu omo biro ebikasa ebiri hakuhi akasyaleka erina liwe iryabya irin’erire. Ni bughambu akasyakanganaya ngoko Obutabali bwiwe b’obutabali obuwene kundu. Eryeribwa ly’erina lya Yehova w’omwatsi w’omughaso kundu omo kihugho n’omo kyanya kyosi.—Matayo 6:9, 10.
ABANDU BALEBE BAKABUGHA BATI: “Eryaghalwa n’isonda ly’oMungu.”
-
Iwe wangabugha utiki?
MUKIGHA MYATSI YAHI?
Kutsibu-tsibu Sitani n’abandu babiri b’erimbere bo bakaleka emyatsi mibi iyabya oko kihugho. Yehova syalitsema akalangira tukaghalwa kandi hakisiya hake iniabughaho amaghali wetu.
Eriyibukya
-
Sitani mwabwira Eva y’amabehi wahi?
-
Erilolo lya Adamu na Eva lyabiribya n’ebighuma byahi okwitwe?
-
Tukaminya tuti ngoko Yehova syalitsema akalangira tukaghalwa?
EBINDI EBY’ERIMINYA
Wighe eBiblia nga ikatubwira yiti erilolo niki.
Uminye bingyi oko mwatsi owo Sitani Diabolo ahulukaya omo lirima lye Edeni.
“Busanaki oMungu akalekerera eryaghalwa?” (Munara wa Mulinzi, Tarehe 1 Mwezi wa 1, 2014)
Ulebaye ebisubiryo ebikasubaya omutimo w’omonda oko ribulyo erikalire.
Ulebaye ekyo omulume mughuma igha oko maghali awo ayilangirira.
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
