ESOMO 28
Ukanganaye erisima busana n’omwatsi owo Yehova na Yesu bakukolera
Ukayowa wuti omughulu omwira waghu amakuha ekihembo ekyuwene? Kikakutsemesaya kutsibu kandi ukanza erimukangania ngoko uli n’erisima busana n’ekihembo ekyo alyakuha. Yehova na Yesu babirituha ekihembo kinene kutsibu ekyo tute twatabana omwibyaho lyetu. Ekihembo ekyo ni kyahi, na kandi twangakangania tuti ngoko tuli n’erisima busana n’ekihembo ekyo?
1. Ni mwatsi wahi mughuma owo twangakola erikangania erisima lyetu oko mwatsi owo Mungu na Kristo batukolera?
EBiblia ikakanganaya ngoko “obuli mundu oyuli n’obwikirirya omo [Yesu]” anganabyaho kera na kera. (Yoane 3:16) Eribya n’obwikirirya ni bughambuki? Eribya n’obwikirirya lirimo emyatsi mingyi. Kandi tutolere erikangania obwikirirya bwetu omo myatsi eyo tukasombola n’eyo tukakola. (Yakobo 2:17) Omughulu tukakanganaya ngoko tuli n’obwikirirya omo myatsi eyo tukakola n’eyo tukabugha, tukawataya obwira bwetu haghuma na Yesu na Tata wiwe, Yehova.—Soma Yoane 14:21.
2. Ni mwatsi wahi w’embaghane owo twangakola erikangania erisima lyetu busana n’omwatsi owo Yehova na Yesu batukolera?
Omwigholo-gholo embere Yesu ahole, mwabwira abakwenda biwe b’oghundi mwatsi owo bangakola erikangania erisima lyabo oko mbanulo yiwe. Mwatsukisya omwatsi w’embaghane kutsibu owo Biblia yikahula mo “Akalyo k’Erigholo-gholo k’Omukama” kandi asibwe mo eryibuka oluholo lwa Kristo. (1 Abanya Korinto 11:20) Yesu mwatsukisya omwatsi oyo eriwatikya abakwenda biwe—n’obuli Mukristo w’ekwenene—eribya bakibuka ngoko Yesu mwaherera engebe yiwe busana netu. Oko mwatsi oyo, Yesu mwabugha ati: ‘Mubye mukakola mutya erinyibuka.’ (Luka 22:19) Omughulu ukahika oko muhindano w’eryibuka oluholo lwa Yesu, ukakanganaya ngoko uli n’erisima oko lwanzo lunene olo Yehova na Yesu bawite okwitwe.
WIGHE BINGYI
Wighe esindi nzira esyangakuwatikya erikangania ngoko uli n’erisima oko lwanzo lunene olo Yehova na Yesu batukanganaya. Wighe ekikaleka oluholo lwa Yesu ilwabya lw’omughaso munene.
3. Eribya n’erisima likatukuna erikola
Terilengekania omundu mulebe iniakusabula ukasonda eritobera kutse erisenda. Wanganalua iwibirirwa ekyo omundu oyo alyakukolera? Kutse wanganalengekania nga ukendimukangania wuti ngoko uli n’erisima oko mwatsi owo alyakukolera?
Tutolere itwaha Yehova y’engebe yetu. Musome 1 Yoane 4:8-10, neryo musubiraye oko mabulyo ano:
-
Busanaki obuhere obo Yesu ateka ni kihembo ky’embaghane?
-
Omwatsi owo Yehova na Yesu bakukolera akaleka iwayowa wuti?
Twangakangania tuti ngoko tuli n’erisima oko mwatsi owo Yehova na Yesu batukolera? Musome 2 Abanya Korinto 5:15 ne 1 Yoane 4:11; 5:3. Enyuma sy’erisoma obuli risako, musubiraye oko ribulyo rino:
-
Erikwamana n’erisako eryo, twangakolaki erikangania ngoko tuli n’erisima?
4. Wighe emibere ya Yesu
Owundi mwatsi owo twangakola erikangania erisima lyetu, ly’erigha emibere ya Yesu. Musome 1 Petero 2:21, neryo musubiraye oko ribulyo rino:
-
Wangakwama wuti olughobe lwa Yesu lo ndeke?
Yesu abya anzire eKinywa ky’oMungu, mwahubirya engulu mbuya, n’eriwatikya abandi
5. Uhike oko muhindano w’eryibuka oluholo lwa Yesu
Eriminya ebyakoleka omughulu Yesu atsukisaya Akalyo k’Erigholo-gholo k’oMukama, Musome Luka 22:14, 19, 20. Neryo musubiraye oko mabulyo ano:
-
Ni myatsi yahi eyakoleka oko Kalyo k’Erigholo-gholo k’oMukama?
-
Omukati n’edivai bikasosekanayaki?—Ulebaye omilondo 19 ne 20.
Yesu abya anzire abakwenda biwe ibabya bakakola omuhindano w’Eryibuka oluholo lwiwe kaghuma oko mwaka. Busana n’ekyo, Abimiri ba Yehova bakahindana haghuma obuli mwaka eryibuka oluholo lwa Yesu omo nzira eyo Yesu akolesaya. Eriminya bingyi oko muhindano w’omughaso munene ono, mulebaye EVIDEO. Neryo musubiraye oko ribulyo erikwamire.
-
Ni myatsi yahi eyikabya oko Muhindano w’eryibuka oluholo lwa Yesu?
Omukati n’edivai ni bisosekanio. Omukati akasosekanaya Omubiri wa Yesu owahika-hikene owaherera busana netu. Edivai yikasosekanaya omusasi wiwe
ABANDU BALEBE BAKABUGHA BATI: “Ekindu kighuma ekyo omundu angakola atoke eribana omulamo n’ikirirya Yesu lisa.”
-
Wangakolesya wuti Yoane 3:16 ne Yakobo 2:17 erikangania ngoko hane n’ebindi eby’erikola?
MUKIGHA MYATSI YAHI?
Tukakanganaya ngoko tuli n’erisima oko mwatsi owo Yesu atukolera omughulu tukabya n’obwikirirya omwiye n’eribya tukahika oko muhindano w’Eryibuka oluholo lwiwe obuli mwaka.
Eriyibukya
-
Eribya n’obwikirirya omo Yesu ni bughambuki?
-
Wanzire iwakangania wuti ngoko uli n’erisima busana n’omwatsi owo Yehova na Yesu bakukolera?
-
Busanaki erihika oko muhindano w’eryibuka oluholo lwa Yesu obuli mwaka ni ry’omughaso munene?
EBINDI EBY’ERIMINYA
Oluholo lwa Yesu lukatukuna erikolaki?
Wighe bingyi oko bwikirirya kandi ngoko wangakangania ko uli nabo.
“Ubye n’obwikirirya omo ndaghane sya Yehova” (Munara wa Mulinzi, Mwezi wa 10, 2016)
Omo mwatsi “Ngayowa inyinerire, kandi nanzire engebe,” ulebaye erigha oko mbanulo eyo Yesu ateka nga molyabya n’ebighuma byahi omo ngebe y’omukali mughuma.
“EBiblia ikabindula engebe y’abandu” (Mnara wa Mlinzi, Agosti 1, 2011)
Uminye nga ni busanaki abandu bake basa bo bakalya oko mukati n’edivai omughulu w’omuhindano w’Eryibuka oluholo lwa Yesu.
“Busanaki Abimiri ba Yehova sibalyibuka oluholo lwa Yesu ng’ebindi bisomo?” (Omwatsi w’oko jw.org)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
