ESOMO 31
Obwami bw’oMungu niki?
Omwatsi mukulu owakakanibawako omo Biblia alebirye oBwami bw’oMungu. Yehova akendisyakolesya oBwami obo eriyira ekihugho mo Paradiso. OBwami bw’oMungu niki? Tukaminya tuti ngoko lino bunemutabala? Obwami obo bwabiriberererya myatsi yahi? Bukasyaberereraya myatsi yahi omo mughulu awakasa? Esomo eno n’esyosomo ibiri esikwamire sikendisubirya oko mabulyo ayo.
1. Obwami bw’oMungu niki, kandi nindi yo Mwami wabo?
Obwami bw’oMungu ni butabali obwahirawaho na Yehova Mungu. Omwami wabo Yesu Kristo, akataba iniane elubula. (Matayo 4:17; Yoane 18:36) EBiblia ikabugha oko Yesu yiti: ‘Asyatabala mo Mwami . . . kera na kera.’ (Luka 1:32, 33) Kundi iye yo Mwami w’oBwami bw’oMungu, Yesu akasyatabala obuli mundu oyuli oko kihugho.
2. Yesu akatabala na bahi?
Yesu syalitabala iyuwene. Abandu ababirisombolwa “omo buli kihanda n’obuli mubughe n’obuli bandu n’obuli kitunga . . . basyatabala muna kihugho.” (Eribisulirwa 5:9, 10) Abakasyatabala na Yesu bakasyabya bandu bangahi? Eritsuka oko mughulu owo Yesu abya oko kihugho, aBakristo bangyi kutsibu babiribya bigha biwe. Aliwe abandu 144 000 basa ba kubo bo bakaya elubula eriyatabala haghuma na Yesu. (Soma Eribisulirwa 14:1-4.) Abandi Bakristo bosi abali oko kihugho bakasyabya bakalani bw’oBwami.—Esyonyimbo 37:29.
3. Busanaki oBwami bw’oMungu bulengire kutsibu amatabali w’abandu?
Nibya n’omughulu abatabali b’ekihugho bakayikasa erikola ebyuwene, sibali n’obutoki bw’erikola ebyosi ebyo banzire erikola. Kandi abatabali abakabasubuka banganabya ibayitsomene ibibene kandi isibanzire eriwatikya abandu. Aliwe, Omutabali w’oBwami bw’oMungu, yo Yesu, syendisyasubukwa n’omundu wosi-wosi. OMungu “abirihangania oBwami obutendisyaheribwa na kera.” (Danieli 2:44) Yesu akasyatabala ekihugho kyosi, kandi syendisyabya na kasololo. Ni w’olwanzo, ow’olukogho, kandi oyutunganene, kandi akasyakangiriraya abandu erikolerana batya, ni bughambu omo lwanzo, omo lukogho, n’omo butunganene.—Soma Isaya 11:9.
WIGHE BINGYI
Lebaya ekikaleka oBwami bw’oMungu ibwalenga amatabali w’abandu wo kutsibu.
4. Obwami bw’oMungu bukasyatabala ekihugho kyosi
Yesu awite obutoki bw’eritabala kulenga abatali bosi ababiribya oko kihugho. Musome Matayo 28:18, neryo musubiraye oko ribulyo rino:
-
Busanaki Yesu awite obutoki bw’eritabala kulenga obuli mutabali w’oko kihugho?
Amatabali w’ekihugho akabinduka kangyi-kangyi, kandi obuli mutabali akatabala ekiharo kighuma ky’ekihugho. Tubughe tutiki oko Bwami bw’oMungu? Musome Danieli 7:14, neryo musubiraye oko mabulyo ano:
-
Busanaki eriminya ngoko oBwami bw’oMungu “sibwendisyaheribwa” ni mwatsi owuwene?
-
Busanaki eriminya ngoko oBwami obo bukasyatabala ekihugho kyosi ni mwatsi owuwene?
5. Amatabali w’ekihugho atolere inialusibwaho
Busanaki litolere oBwami bw’oMungu ibwalusyaho amatabali w’abandu? Mulebaye EVIDEO, neryo musubiraye oko ribulyo erikwamire.
-
Obutabali bw’abandu bwabirileta ebighuma byahi?
Musome Omugambuli 8:9, neryo musubiraye oko mabulyo ano:
-
Ukalengekanaya uti rinatolere oBwami bw’oMungu erilusyaho amatabali w’abandu? Busanaki?
6. Abatabali bw’oBwami bw’oMungu batwasi ndeke
Kundi oMwami wetu, Yesu, mwikala oko kihugho ng’omundu, “anganatukwira obulige busana n’obolo bolo bwetu.” (Abaebrania 4:15) Abalume n’abakali bataleghula 144 000 abakasyatabala haghuma na Yesu mobasombolwa na Yehova “erilua omo buli kihanda n’obuli mubughe n’obuli bandu n’obuli kitunga.”—Eribisulirwa 5:9.
-
Ekyo kyanamakusubya mutima omo nda erilangira ngoko Yesu n’abandu abo akasyatabala haghuma nabo banasi emibere eyo itwe bandu tukabyamo? Busanaki?
Yehova abirisombola abalume n’abakali erilua omo bihanda byosi eritabala haghuma na Yesu
7. Obwami bw’oMungu buwite emighambo eyuwene kutsibu kulenga ey’amatabali w’abandu
Amatabali akahiraho emighambo eyo bakalengekanaya bati yikendiletera abikere omo kihugho endundi n’eriteyabo. Obwami bw’oMungu nabo bunawite emighambo eyo abikere omo kihugho batolere erikwama. Musome 1 Abanya Korinto 6:9-11, neryo musubiraye oko mabulyo ano:
-
Ukalengekanaya uti ekihugho kikasyabya kiti omughulu obuli mundu akasyakwama ebyalayiro by’oMungu ebilebirye emighendere? a
-
Ukalengekanaya uti Yehova asingene erisaba abikere omo kihugho abakatabalawa n’oBwami bwiwe erisikya emighambo eyo? Busanaki?
-
Niki kyo kikakanganaya ngoko abandu abatesikaya emighambo eyo banganabinduka?—Ulebaye omulondo 11.
Amatabali akahiraho emighambo eriteya n’eriletera abikere omo kihugho b’endundi. Obwami bw’oMungu buwite emighambo eyuwene kundu eyikateghaya n’eyikaletera abikere omo kihugho b’endundi
OMUNDU MULEBE ANGANABULYA ATI: “Obwami bw’oMungu niki?”
-
Iwe wangasubirya utiki?
MUKIGHA MYATSI YAHI?
Obwami bw’oMungu ni butabali obuli elubula obukasyatabala ekihugho kyosi.
Eriyibukya
-
Abakasyatabala omo Bwami bw’oMungu ni bahi?
-
Busanaki oBwami bw’oMungu bulengire amatabali w’abandu?
-
Yehova anzire abikere omo kihugho ekikatabalawa n’oBwami bwiwe ibakola emyatsi milebe yahi?
EBINDI EBY’ERIMINYA
Lebaya ekyo Yesu akangiriraya oko mwatsi w’obwikalo bw’oBwami bw’oMungu.
“Obwami bw’oMungu bwikere omo mutima waghu?” (Omwatsi w’oko jw.org)
Busanaki Abimiri ba Yehova bakasombola eribya bataleghula oko Bwami bw’oMungu omo mwanya w’eribya bataleghula oko butabali bw’abandu?
Lebaya ebyo eBiblia ikabugha oko bandu 144 000 abo Yehova akasombola eritabala haghuma na Yesu.
Niki kyo kyaleka omukali oyo wabya omo ngomo inyikirirya ngoko oMungu musa yo wangaleka omo kihugho imwabya obutunganene?
Ngoko nabana ekisubiryo oko butatunganene” (Amkeni!, Novemba 2011)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
