ESOMO 33
Ekyo oBwami bw’oMungu bukendisyakola
Obwami bw’oMungu bunemutabala. Hakisiya hake ibuwania ekihugho kyosi. Tulebaye emiyisa milebe eyo tulindirire erisyabana omo Bwami bw’oMungu.
1. Obwami bw’oMungu bukendisyaleta obuholo n’obutunganene oko kihugho ko buti?
Yesu, oMwami w’oBwami bw’oMungu, akendisyatoghotya abandu babi bosi n’amatabali wosi omughulu w’amalwa we Harmagedoni. (Eribisulirwa 16:14, 16) Oko mughulu oyo, endaghane y’eBiblia eno yikendisyabererera: “Omo katambi kake, ababi basyabulirana.” (Esyonyimbo 37:10) Omo nzira y’oBwami bw’oMungu, Yesu akendisyakolesya obutoki bwiwe bwosi atoke erihira obuholo n’obutunganene ehosi oko kihugho.—Soma Isaya 11:4.
2. Engebe yikendisyabya yiti omughulu erisonda ly’oMungu likasyakoleka oko kihugho?
Omo Bwami bw’oMungu, “abatunganene basyikala omo kihugho mo buholo, n’erisighalyakyo kera na kera.” (Esyonyimbo 37:29) Terilengekania iwune omo kihugho ekyo obuli mundu atunganene kandi abandu bosi abali mukyo banzire Yehova kandi b’anzene! Sihendisyasyabya omundu oyulwere, kandi obuli mundu akasyabyaho kera na kera.
3. Obwami bw’oMungu bukendisyakolaki ababi babitoghotibwa?
Abandu babi bakasyabya babitoghotibwa, Yesu akasyatabala omo myaka 1 000. Oko mughulu oyo, Yesu haghuma n’abandu 144 000 abakasyatabala naye bakendisyawatikya abandu bosi oko kihugho babye n’erihika-hikana. Oko mwiso w’emyaka elfu moya, ekihugho kyosi kikendisyabya paradiso, kandi abandu bosi bakendisyatsema busana n’erisikya ebyalayiro bya Yehova. Neryo, Yesu akendisyasubulirya Tata wiwe Yehova y’obutabali. Oko mughulu oyo, “erina lya Yehova likasyayirwamo libuyirire” kera na kera kulenga emighulu yosi eyabirilaba. (Matayo 6:9, 10) Kikendisyalangirika ndeke-ndeke ngoko Yehova yo Mutabali mubuya oyutsomene abandu biwe. Enyuma syaho, Yehova akendisyatoghotya Sitani, esyombinga, n’abandu bosi ababirisombola eribya oko luhande lwa Sitani. (Eribisulirwa 20:7-10) Omo Bwami bw’oMungu abandu bakasyabya omo mibere eyihika-hikene kera na kera.
WIGHE BINGYI
Lebaya ekikaleka itwikirirya tuti oMungu akasyakolesya oBwami bwiwe eriberererya esyondaghane syosi esiri omo Biblia esilebirye omughulu owakasa.
4. Obwami bw’oMungu bukasyabughaho amatabali w’abandu
“Omundu awite obutoki oko ghundi erimuhutalya.” (Omugambuli 8:9) Yehova akendisyabughaho obutatunganene obo omo nzira y’oBwami bwiwe.
Musome Danieli 2:44 ne 2 Abanya Tesalonika 1:6-8, neryo musubiraye oko mabulyo ano:
-
Yehova na Mughala wiwe Yesu, bakasyayira amatabali w’abandu wo bati n’abakahambagho buke bwa kuboko?
-
Ebyo wamigha oko Yehova na Yesu byamakuwatikya biti erikirirya uti ebyo bakendisyakola bikendisyabya ibitunganene?
5. Yesu yo Mutabali oyutolere
Kundi iye y’oMwami w’oBwami bw’oMungu, Yesu akendisyawatikya abandu bosi b’oko kihugho eribana emiyisa omo nzira nyingyi. Mulebaye EVIDEO erilangira ngoko Yesu abirikangania ngoko anzire eriwatikya abandu kandi ngoko oMungu abirimuha akaghala k’eribawatikya.
Ebyo Yesu akola oko kihugho, byabya eky’erileberyako ekikakanganaya ebyo oBwami bw’oMungu bukendisyakola. Ni miyisa yahi eyo wanzire erisyabana omo biro ebikasa oko miyisa eyikanganibwe hano? Musome amasako awakatuwatikaya eriminya bingyi oko miyisa eyo.
|
OMUGHULU ABYA OKO KIHUGHO, YESU . . . |
INIANE ELUBULA, YESU . . . |
|---|---|
|
|
|
|
|
|
|
|
6. Obwami bw’oMungu bukasyatuletera emiyisa mingyi omo biro ebikasa
Obwami bw’oMungu bukasyaberereraya erisonda ly’erimbere ly’oMungu oko bandu. Bakasyabyaho kera na kera omo kihugho Paradiso. Mulebaye EVIDEO erilangira ngoko Yehova akakolesaya Mughala wiwe Yesu, eriberererya erisonda Liwe.
Musome Esyonyimbo 145:16, neryo musubiraye oko ribulyo rino
-
Ukayowa wuti eriminya ngoko Yehova “akendisyughutya obwagha bw’abosi”?
ABANDU BALEBE BAKABUGHA BATI: “Twamabikola omo bughuma, twanganabughaho amaligho awali omo kihugho.”
-
Obwami bw’oMungu bukasyabughaho amaligho wahi awo amatabali w’abandu ate angatoka eribughaho?
MUKIGHA MYATSI YAHI?
Obwami bw’oMungu bukendisyaberererya ebyo oMungu anzire ibwakola. Bukendisyayira ekihugho kyosi mo paradiso eyiri mw’abandu babuya abakendisyaramya Yehova kera na kera.
Eriyibukya
-
Obwami bw’oMungu bukasyayira erina lya Yehova mo libuyirire buti?
-
Niki kyo kyangatuwatikya erikirirya ngoko oBwami bw’oMungu bukasyaberereraya esyondaghane syʼeBiblia?
-
Wanzire erisyalangira omuyisa wahi owo oBwami bukasyaberereraya?
EBINDI EBY’ERIMINYA
Uminye Harmagedoni nga niki.
Langira emyatsi eyikandisyabya omughulu w’amalwa ayo n’oko mwiso w’obutabali bwa Yesu obw’emyaka elfu.
“Hakasyabyaki omo Kiro ky’eritswera?” (Munara wa Mulinzi, Tarehe 1 Mwezi wa 9, 2012)
Langira ngoko ab’omo kihanda banganalengekania haghuma oko miyisa eyo oBwami bw’oMungu bukasyaleta omo biro ebikasa.
Omo mwatsi “Nabya isinyiwite ebisubiryo oko mabulyo mangyi,” langira ngoko oyo wabya akayisamambula oko butabali mwabana ebisubiryo ebyo abya akarondya.
“EBiblia ikawatikaya abandu eribinduka omo ngebe” (Munara wa Mulinzi, Tarehe 1 Mwezi wa 1, 2012)
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
