ESOMO 36
Ubye w’ekwenene omo myatsi yosi
Obuli mundu anzire eribya n’abira abakakola omo kwenene. Yehova naye anzire abira biwe ibabya bandu abakakola omo kwenene. Aliwe, erikola omo kwenene si mwatsi olobire kundi tuli omo kihugho ekiri mw’abandu bangyi abatekola omo kwenene. Erikola omo kwenene omo myatsi yosi lyangatuletera endundi yahi?
1. Ni mwatsi mukulu wahi owakaleka erikola omo kwenene iryabya ly’omughaso munene?
Omughulu tukakolera abandi b’omo kwenene, tukakanganaya ngoko twanzire Yehova kandi ngoko tumusikirye. Terilengekania: Yehova anasi obuli kindu ekyo tukalengekanaya n’ekyo tukakola. (Abaebrania 4:13) Akalangira omughulu tukakolera abandi b’omo kwenene, neryo akatsema. Ekinywa kiwe kikatubwira kiti: “Abahengemire ni nye oko Yehova, nikwa obwira bwiwe buli haguma n’abatunganene.”—Emisyo 3:32.
2. Omo ngebe yetu twangakangania omo nzira syahi ngoko tuli b’ekwenene?
Yehova anzire obuli mundu “iniabuga eby’ekwenene oko mulikyabo.” (Zekaria 8:16, 17) Ekyo ni bughambuki? Omughulu tukabugha n’ab’omo kihanda kyetu, abo tukakola nabo omubírí, abaghala n’abali betu Bakristo, kutse abakulu be Leta siritolere tukatebabo kutse eribwirabo emyatsi eyite y’ekwenene. Abandu abakakola omo kwenene sibal’iba eby’abandi, kutse er’ibiba byoko omo butsweka. (Soma Emisyo 24:28 na Abanya Efeso 4:28.) Kandi bakaliha ebitasi byosi ebyo e Leta ikabatuhaya. (Abanya Roma 13:5-7) Omo nzira syosi, twanzire “erikola ebibuya omo myatsi yosi.”—Abaebrania 13:18.
3. Erikola omo kwenene rikaletera endundi yahi?
Twamaminywamo bandu b’ekwenene tukabya bandu b’eriyiketerwa. Tukawatikaya obuli mundu omo ndeko eriyowa buholo, ngoko kikabya omo kihanda ekirimo olwanzo. Tukabya n’obunya-mutima obw’erire kutse obuwene. Kandi eribya tukakola omo kwenene, “lyanganuwania amakangirirya w’oMungu,” n’erileka abandi bandu ibasa omo ndeko batoke eriramya Yehova.—Tito 2:10.
WIGHE BINGYI
Ulangire ngoko eribya mundu oyukakola omo kwenene lyanganakutsemesya na Yehova kutya, kandi wighe ngoko wangakola omo kwenene omo myatsi mbiriri-mbiriri y’omo ngebe.
4. Erikola omo kwenene likatsemesaya Yehova
Musome Esyonyimbo 44:21 na Malaki 3:16, neryo musubiraye oko mabulyo ano:
-
Busanaki erilengekania tuti sikiri na mughaso eribugha ekwenene n’ibula amenge?
-
Ukalengekanaya uti Yehova akayowa ati omughulu tukasombola eribugha ekwenene nibya n’omughulu erikola tutya siryolobire?
Omughulu abana bakabugha ekwenene, bakatsemesaya ababuti babo. Netu omughulu tukabugha ekwenene, tukatsemesaya Yehova
5. Ubye w’ekwenene mughulu wosi
Abandu bangyi bakabugha bati sikyangatokekana eribya w’ekwenene mughulu wosi. Aliwe ulangire nga litolere itwabya b’ekwenene mughulu wosi busanaki. Mulebaye EVIDEO.
Musome Abaebrania 13:18, neryo mukanganaye ngoko twangabya b’ekwenene . . .
-
omo kihanda kyetu.
-
eyo tukakolera omubírí kutse ekalasi.
-
n’omo yindi myatsi.
6. Eribya b’ekwenene likatuletera endundi
Oko mwanzo twanganalangira eribya b’ekwenene nga lyanganatuletera amaligho. Aliwe, hakabya habilaba omughulu kikalangirika ngoko w’omwatsi owuwene ow’erikola. Musome Esyonyimbo 34:12-16, neryo musubiraye oko ribulyo rino:
-
Eribya w’ekwenene lyanguwania engebe yaghu yo liti?
-
Abalume n’abakali eribya bakakola omo kwenene likawataya endwa yabo
-
Abakakola omubírí w’omo kwenene, abakulu bw’omubírí bakayiketerabo
-
Abikalani abakakola omo kwenene, abakulu be Leta bakatsemerabo
ABANDU BALEBE BAKABUGHA BATI: “Amabehi malebe ni make-make syangaletera lubanza.”
-
Busanaki wikirirye uti Yehova aponire amabehi wosi?
MUKIGHA MYATSI YAHI?
Yehova anzire abira biwe ibabya b’ekwenene omo byosi ebyo bakabugha n’ebyo bakakola.
Eriyibukya
-
Wangakangania ko uli w’ekwenene omo nzira nyilebe syahi?
-
Busanaki n’ibula amenge erilengekania uti omundu anganabisa ekwenene?
-
Busanaki wanzire eribya w’ekwenene mughulu wosi?
EBINDI EBY’ERIMINYA
Ababuti bangakangirirya bati abana babo eribya b’ekwenene?
Tukabana ndundi yahi twamabya tukaberererya ebyo tulyalagha?
Ubye ukaberererya ebyo ulyalagha utoke eribana emiyisa (9:09)
Ulangire nga litolere itwaliha kutse iyehe ebitasi n’omo esyofranga esyo tukaliha sikakolesibawa kitya-kitya.
“Unatolere eribya ukaliha ebitasi?” (Mnara wa Mlinzi, Septemba 1, 2011)
Niki kyo kyawatikaya omulume mughuma oyutekola omo kwenene erikola esyombinduka n’eribya akakola omo kwenene omo ngebe yiwe?
Langira na bino
EBYO BANDU BABEGHERE ERIBULYA
Erigha eBiblia n’Abimiri ba Yehova likakolawa liti?
Wanganakolesya eBiblia eyo wanzire ukigha haghuma n’Abimiri ba Yehova omo nzira y’erikanirania. Mukigha, wanganakokya ekihanda kyaghu kyosi kutse omwira waghu.
